- 281
— Maayo, labing maayo!’ kana nagpaila nga ikaw andam sa pagdawat sa sangputan sa imong mga buhat. Sa usa ka bahin, dili maayo nga ikaw maghimakak, kay ako wala mosaway kanimo, ako dili motagad sa tanang gisulti didto kagabii, ug dili ko ikaw pakasad-on, kay sa pagkatinuod, ikaw dili namo tinun-an, karon lamang tuiga nga nakabaton kamig higayon sa pag-ila kanimo ug tingali mawala kana kanamo sa sunod nga tuig. Ayaw paghunahuna nga ako manumboy; dili ako niana; dili ko usikan ang akong panahon sa mga butang nga binata. Ako ikaw nga gipatawag, kay ako nagtoo nga ikaw usa sa pila ka book nga tinon-an nga mobuhat sa ilang gituhoan nga angay buhaton, ug sanglit mahigugma ako sa mga tawo nga nagbatog kaugalingong hunahuna, nakaingon ako sa akong kaugalingon, kang G. Isagani makigsulti ako.
Si Pari Fernandez mihunong ug mipadayon sa iyang pagsuroysuroy, dinuko ang agtang ug pinaubos ang mga mata.
Mahimo nimo paglingkod, kon mahigugma ka, mipada
yon siya; ako naanad sa pagsulti nga magsuroysuroy, dinuko ang agtang ug pinaubos ang mga mata. Ako naanad sa pagsuroysuroy, kay sa ingon niini modaling motungha kanako ang mga hunahuna.
Si Isagani wala molingkod, hinangad ang ulo, naghulat
nga ang Magtutoon mosugod sa pagsulti sa iyang tuyo.
— Walo na karon ka tuig nga ako nagtudlo, mipadayon si Pari Fernandez pagsulti nga nagsuroysuroy gihapon; nakatudlo ug naila ko kapin sa duha ka libo ug lima ka gatus ka mga batan-on; akong gitun-an silang tanan, akong gitudloag maayong pamatasan ug gipaturok ko sa ilang panumduman ang mga pagbati sa katarungan ug pagmahal sa kaugalingon, ug bisan pa niini, niining mga panahon nga daghan kaayo ang mosaway kanamo, wala ako makahibalag bisan usa lamang nga nagbatog igong kaisug sa pagnawong kanamo sa ilang gisaway.... dili gani mosultig kusog kon dunay daghan nga magpamati... Daghan ang mga batan-on nga kusog kaayong mosaway ug molibak kanamo sa among likod apan kusog nga mohalok sa among mga kamut kon ania sa among atubangan ug sa makantalitahong pahiyum magpakalimos sa among pagtan-aw kanila! Pup! Unsa may mabuhat namo sa mga tawo nga sama niana!
