302
apan gi-uli-an ni pari Irene, nga nanugilon nga iya lamang hatagan sa sapi niyang kaugalingon, kay mao kanay sugo sa iyang konsiyensiya.
Sa balay sa namatay, diin sa pagka-ugma nanugok ang mga kara-ang kaila ug higala, gihisgutan pag-ayo ang usa ka milagro. Ginadungog nga sa takna nga nagatinga siya ang kalag ni kapitan Tiago mitungha sa mga mongha nga masiga kaayo. Ang kalag giluwas ni Bathala gumikan sa daghang misa nga gipamisa niya ug sa salapi nga iyang gibilin sa simbahan. Ang balita ginahisgutan, gipunopuno-an ug walay usa nga nagaduha-duha. Giasoy ang gisinina ni kapitan Tiago nga kuno nagaprak, ang mga aping nagaburot tungod sa tilad nga gi-ugom, ug wala usab hikalimti ang iyang kwako sa ampiyon ug ang manok niyang igbubulang. Ang sakristan ma yor nga nahi-ipon sa pundok nagamatu-od sa dakung kaugdang nga nagayango-yango sa ulo ug naghuna-huna nga kon siyay mamatay mobalik siya nga magadala sa panaksan nga sinudlan sa “tahu nga puti, kay kon wala kadtong pa-inita, dili masabut ang himaya bisan sa langit, bisan sa yuta. Mahitungod ning butanga ug tungod kay dili man makahisgot sa mga nanghitabo sa adlaw sa pagkamatay ug tungod kay didto may mga sugarol, nagakalainlain lamang ang mga hunahuna nga gipahayag hangtud ang labing binu-ang ginahisgot-hisgutan kong dapiton ba kaha kun dili ba ni kapi tan Tiago si S. Pedro sa pagtigbakay, kon managkapusta ba kaha, kon ang manok dili ba baka mangamatay, kon ang mga manok mga kublan ba kaha ug kon mao kini ang mahitabo, kinsa man kaha ang kuyme, kinsa man kaha ang makada-og, ug uban pa, mga paglantugi nga hiangayan kaayo sa mga nanagtukod ug kinaadman, mga pa-agi ug kalaki nga pinasikad sa usa ka basahong dili masayop ug dili malalis. Ginasultihan usab ang mga ginasugilon sa mga nobina, sa mga basahon sa mga milagro, sa mga sugilon sa mga pari mahitungod sa bitsura sa langit ug uban pang binuang. Si D. Primitive, ang pilosopo nanghaud sa iyang kina-adman nga nagapahayag sa mga hunahuna sa mga tiyologo.
Didto wala nay mapildi, — nagakanayon sa dakung paglaum — kay ang p agkapili makasuko, ug sa langit wala naykasuko.
