324
duhaduha ang pagdaog magapurongpurong gayod sa atong mga panlimbasog! Apan wala gayoy kabuot nga nagadason kanako; hinuon ang kahadlok ug kahuyang maoy akong gihibalag sa mga tawong maalam, kay siya onhon sa mga adunahan, kamatuhotuhoon sa kabatan-on, ug himoon sa kabukiran, sa mga tawong kabus ug makalolooy didto ako makahibalag ug akong mga tawo! Apan way sapayan! kon dili kita makahimo pagkuha ug hingpit nga larawan, sa baol nga larawan nga atong nahimo, sila da unya ang mahibalo sa pag-ayom-ayom, ang mga tawong mahisunod kanato!
Ug gigunitan niya sa bukton si Basilio nga naminaw kaniya nga wala kaayong kasabot sa tanan, kini iyang gidala sa laboratoryo diin tua didto ang iyang mga sinagol bahin sa kimika.
Sa ibabaw sa usa ka talad nahimutang ang usa ka dakung sudlanan sa mga kasangkapan sa pagpangaon nga hinimo sa sapi nga ighahatag nga gasa sa mga sapian ug sa mga hari. Gibuksan kini ni Simoun, ug sa sulod nakita ang usa ka kingke nga talagsaon kaayog panagway, hinapinan sa raso nga mapula. Ang sudlanan sa gas nagpanagway sa usa ka bunga sa granada, dako ingon sa ulo sa usa ka tawo, may diyutay nga liki, diin makita ang mga liso nga tua sa sulod, nga maoy gihimo ang mga dagkong mga bato nga mapula. Ang gihimong panit mao ang bulawan nga pinagba ug nakapanig-ingon gayod sa hingpit hangtud sa kunot sa maasoyng bunga sa granada.'
Gikuha paghinay ni Simoun ang kingke, ug gikuha usa ang butanganan sa pabilo, gitan-aw ang sulod sa butanganan sa gas; ang iyang bayanan hinimo sa asero, may mga duha ka tudlo ang gibag-on ug mahimo pagsulod ug gas kaniya nga kapin sa usa ka baso nga kasarangan. Si Basilio ingon sa nagpangutana kaniya sa iyang tinan-awan; wa gayod siyay hisab tan.
Sa wa lay asoy-asoy, si Simoun mikuha sa labihang pagbatak sa usa ka aparador usa ka botelya ug gipakita sa batan-ong Basilio ang ngalan nga gisulat sa ibabaw.
— Nitro-glicerina!1 — miingon si Basilio, — musibog ug gikuha gilayon ang iyang kamot. — Nitro-glicerina! Dinamita!
1Tubig nga buhatog dinamita.
