331
paghigula niya sa bilanggoan mipadulong gilayon siya sa karaang balay ni Kapitan Tiago aron pagpangita sa diriyot niyang mga butang, ug iyang nakita ang maong balay nga nausab ug andam alang sa usa ka pangilin; mao ang kasal ni Junito Pelaez; Si Simoun nagsulti niining pangilina.
Niini nakakita siya nga milabay sa iyang atubangan usa ka hataas nga katay sa mga kotse nga puno sa mga ginoo ug mga ginang nga nagtabi sa dakung kadasig; ingon sa iyang nakita sa sulod mga dagkong pungpong sa mga bulak, apan wala lang kaayo sa magkabana niana. Ang mga kotse nagpadulong ngad to sa dalan Rosario ug, tungod sa iyang paghisugat sa mga nanlugsong sa taytayan sa Espanya, kinahanglan manghunong usahay, ug unya pagpalakaw sa mahinay. Sa usa ka sakyanan na kakita siya kang Juanito Pelaez tupad sa usa ka babaye nga nagsapot sa maputi ug nagpandong ug sihay; kini naila niya nga mao si Paulita Gomez.
— Si Paulita: — mituaw siya nga nahibulong.
Ug sa pagtan-aw niya nga mao gayong matuod, nga nagsinina sa sinina sa kaslonon, uban kang Juanito Pelaez, ingon sa gikan sa simbahan.
— Intawon si Isagani: —nagkanayon — unsa kahay gihimo kaniya?
Naghunahunag makadiyot sa iyang higala, adunay kalag nga hadako, maluloy-on, ug sa iya lang hunahuna nangutana sa iyang kaugalingon nga dili ba kaha maayo nga iyang pahibaw-on sa ginahikay, apan sa iya - lang usab nga hunahuna hagtubag siya nga kadto si Isagani dili gayud mag-apil-apil nianang pinatyanay... Kang Isagani -wala sila maghimo ingon sa gihimo nila kaniya.
Unya naghunahuna siya-nga kon wala pa siya mabilanggo; siya mahimo untang kaslonon kun bana niadtong mga taknaa, nakatapos na unta siya sa pagka-Mananambal, magapuyo ug mamulong sa usa ka suok sa iyang lalawigan. Ang landong ni Juli, nawataswatas sa iyang pagkahulog, milagbas sa iyang handuraw; mga sigang maitum sa kaligotgot nagasunog sa iyang mga kalimutaw, ug mibalik paghinol sa puan sa iyang rebolber naguol siya nga wala pa mudangat ang makalilisang takna. Niini nakakita siya nga si Simoun migula sa ganghaan sa iyang balay nga nagdala sa kahon sa lamparahan, nga giputos pag-ayo,
