332
misakay sa usa ka kotse nga misagnunot sa laray sa mga sakyanan nga nagsunod sa mga kaslonon. Si Basilio, aron dili siya mahimulag kang Simoun, iya gayong gitutokan ang kotsero, ug sa dakong katingala naila siya nga mao ang walay palad nga naghatod kaniya sa San Diego, si Sinong ang gikulata sa Guardia Sibil, ang kanunayng gataho kaniya sa su'.od sa bilanggoan sa tanang nahitabo sa Tiani.
Nagpalandong siya nga sa dalan Anloague adto mahitabo ang hitabo, ngadto mipadulong ang batan-on, gilagsik niya ang iyang linaktan ug miuna siya sa mga kotse. Tuod man, nagpadulong ang tanan sa karaang balay ni Kapitan Tiago; didto nanagkatigom aron pagpangitag sayaw aron pagpaanod sa kahanginan; Si Basilio mikatawa sa pagkakita sa nagtinagurha nga mga bcterana nga nagbantay. Gumikan sa ilang gidagha non sa mga dinapit ug sa gidak-on sa pangilin. Ang balay nagsugwak sa mga tawo, nagabul-og usa ka baha sa kahayag sa iyang mga tambuanan; didto sa itaas, tingali sa iyang karaan ug nag-usara nga lawak, nagatugtog karon ang orkesta ug mga huni nga masadya nga wala makapatabon sa tanang kagahobsa mga katawa, mga pangutana ug mga tukiki:
Si Don Timoteo Pelaez nahiabot na sa kinatumyan sa kapalaran, ug ang tinuod nga nahitabo milabaw pa sa iyang ginadamgo. Giminyo na sa katapusan, ang iyang anak sa salapian uyamot nga sumosunod sa kabilin sa mga Gomez, ug salamat sa salapi ni Simoun nga gipauslan kaniya, iyang nadayandayanan pag-ayo kadtong dakung balay, nga iyang napalit sa katunga lamang sa iyang bili, diin siya karon naghatag dakung pangilin, ug ang mga dagkong Bathala sa Olimpo nga manilan-on maoy iyang mga pinasidunggang dinapit aron pagpulog kaniya sa kahayag sa ilar^g kabantug. Nanghisantop sa iyangkaisipan sukad niadtong buntaga, ingon sa dili nato hikalimtang wit nga nasangyaw na, pipila ka mga huwasa mga pulong nga iyang hibasahan sa iyang mga pagkalawat: “Midangat na ang takna nga mahimayaon! Dili na madugay matuman diha kanimo ang mga dalaygong mga pulong ni Simoun. Buhi ako, apan dili ako kon dili ang Kapitan Heneral maoy nagpuyo kanako ugb.” Ang Kapitan Heneral, nga padrino sa iyang anak!. Wala hinoon motambong sa pagkatinood sa kasal; si Don Custodio mao ang miatubang sa iyang dapit, apan muadto sa pagpanihapon, ug magadala usa ka gasa sa kasal.
