358
sa takulahaw makahimo pagbangon ug makatindog, ug sa ingon niana magapadayon sa iyang paglakaw nga magahilak ingon sa usa ka bata ug magapanghimaraot sa takna sa iyang pagkatawo.
Ang pungpong sa mga tawo mohunong usahay samtang ang nanagdala kanila nanginom pa, ug unya magapadayon sa iyang paglakaw nga magmala ang ba-ba, ang kaisipan nagakisdom ug ang kasingkasing pono sa mga panghimaraot. Ang kauhaw dili maoy labing gikayugtan niadtong mga alaot.
— Hala, lakaw, mga anak sa p ...! Nagasinggit ang sundalo nga hiuli-an sa kalagsik, nagsiyaok sa pakaulaw nga binastos sa mga tawong musimos nga pilipinhon .
Ug nagahagyong ang pudlos nga sanga sa kahoy ug didto mahitama sa usa ka biikobuko, sa labing haduol, usahay sa usa ka nawong, ug nagabilig usa ka labhag sa sinugdan maputi, unya mapula, ug unya pa gayod mahugaw gumikan sa dag hang abog sa dalan.
— Hala. lakaw mga talawan! — magasinggit usahay sa kinatsila nga magpabasag pag-ayo sa tingog.
— Mga talawan! — mosubli ang mga lanog sa bukid. Ug ang mga talawan molagmit sa ilang paglakaw ubos sa binagang puthaw nga langit, sa usa ka dalan nga makapaso, dinagmalan sa mga sanga sa kahoy nga linibwasan sa dahon nga nakalata sa panit nga napuno na sa mga labod. Ang tugnaw sa Siberia tingali labi pang maluloy-on kay sa Adlaw sa Mayo sa Pilipinas!
Apan, niadtong mga sundalo adunay usa nga wala mahiuyon niadtong mga kabangis nga walay hinungdan; naglakat nga way tingog-tingog, ang mga kilay nagdiyong ingon sa naglagot. Sa katapusan, pagtan-aw nga ang sunda’.ong nagbantay, wala matagbaw sa sanga nga gihimo niyang pudlos, namatid pa gayod sa mga binilanggong nanghisukamod, wala na gayod makaantos iyang gisinggitan ang sundawo:
— Pamati, Mautang, pasagdi kana sila nga naglakaw sa kalinaw!
Si Mautang nahilingi nga nahibulong.
— Kay unsa may labot nimo Caroline? — nangutana.
— Wala lag! akoy labot, apan malooy ak6 kanila! — mitubag ang Carolino; sila mga tawo sama kanato!
