70
yong tuyo karon sa inyong pagpanglimbasug nga itudlo ang kinat] sila, tinguha nga kataw-anan unta kon wala pay mga linugdangan nga makasubo uyamut sa boot? Buut ninyo dugangan ug laing pinulongan ang kap-atan kapin ka mga pinulongan nga ginagawi karon dinhi sa atong kapupud-an aron gayud mosamut ang atong kaguliyang! ...
— Dili hinoon — mitubag si Basilio; — kon ang pagkamao sa kinatsila makapahiduol kanato sa kagamhanan, pinaagi nianang pinulongana, ang kapupud-an magkahiusa usab!
— Sayop nga daku! — mipakgang si Simoun; — palimbong lamang kamo sa mga pulong maanindot pamation ug dili kamo motugkad sa kahiladman sa mga butang aron pagusisa hangtud sa mga tipik nga labing magagmay sa ilang mga linugdangan. Ang kinatsila dili gayud mahimong pinulongan sa tibuok nga kapupud-an, ang lungsod dili gayud mogamit nianang pinulongana tungud kay alang sa mga hunahuna nga moturok sa iyang salabutan ug sa mga pagbati nga matawo sa iyang kasingkasing, ang kinatsila walay mga pulong nga takus makagsaysay: ang tagsatagsa ka lungsod adunay kaugalingong pinulo ngan, sama nga adunay kaugalingong binatian. Unsa may bunga nga inyong makuha sa kinatsila, kamong diriyot nga maantigo unyang mosulti kaniya? Ang pagpatay lamang sa inyong kaugai lingong kinaiya, ang pagpasubay sa inyong hunahuna sa salabutan sa laing mga tawo, ug inay kamo mangahimong gawas, tnangahimo na hinoong matuod nga mga ulipon! Sa napulo ka batanon nga nangandak nga maalam, siyam kanila pulos mingbiya- sa ilang yutang-natawhan. Ang maantigo kaninyo nga mosulti nianang pinulongana wala lamang magatagad sa iya, kay ngani dili maantigong mosulat ni makasabut niini, ug pagkadaghan sa akong nakita nga magminaut pag-ingon nga wala siya’y alamag bisan usa ka pulong sa iyang kaugalingong sinultihan! Salamat ugaling kay hungog man ang inyong kagamhanan. Samtang ang Rusia, aron pag-ulipon sa Polania, gipugos niya kini pagpasulti sa iyang pinulongan, samtang ang Alemanya nagadili sa sinultihang pransis sa mga lalawigan nga iyang inagaw; ang;.inyong kagamhanan nakigbisog pag-amping sa. inyo,. ug kamo hinoon, lungsod nga katingalahan nga gimandoan sa usa ka kagamhanan nga dili katuhoan, kamo nakigbisog pagsalikway sa inyong pagkapilipinhori! Ang kagamhanan ug kamo nangalimot nga sam tang ang usa ka lungsbd dili mobiya sa iyang pinulongan, maga-
