3. Kapittal.
1 Ja fastain son synagoga sisa manai; ja olmuš læi, gæst bælle asstam læi.
2 Ja si vutti valdde su, jos sabbaten son buorredet aigoi su, vai si vaiddam ašše su bagjeli oǯuši.
3 Ja son olbmui celki, gæst asstam gietta læi: čuoǯǯel, ja boađe auddan!
4 Ja son sigjidi celki: lægo loppe sabbaten burid dakkat? daihe bahaid dakkat? hægga bæsstet? daihe goddet? mutto si javotaǥa orru.
5 Ja moarest son birras gæčai sin ala, morrašest sin vaimodæsek buošševuođa ditti, ja olbmui son celki: gæige giettad! ja son geigi, ja su gietta diervasen šaddai nuftgo nubbe bælle.
6 Ja pharisæalaǯak olgus vulgge, ja herodianalaǯaiguim su vuosstai arvvalusaid adne moft su goddet.
7 Ja Jesus javre guvllui manai mattajegjidesguim; ja stuorra ædnagvuotta Galilæast ja Judæast su čuovvomen læi,
8 ja Jerusalamest ja Idumæast, ja dom bæld Jordan, ja Tyrus ja Sidon guovlo olbmuk, stuorra joavkko, guđek gulle man stuorra daǥoid son daǥai, su lusa botte.
9 Ja mattajegjides son gočoi ucca skipaš garvasest adnet su varas, olbmui ditti, amasek si bakkit su.
10 Dastgo ædnagid son buorredi, nuft ædnagak, guđek buoccemen legje, su lusa bakkijegje sunji guoskatam ditti.
