14 Sin njalmesek dievva garrodusain læ ja baččavuođain.
15 Sin juolgek happel læk varaid golgatet.
16 Hævvo ja varnotesvuotta balgaidæsek ald læ,
17 ja rafhe gæino æi si læk diettam.
18 Ibmel ballolašvuotta sin čalmi audast i læk.
19 Mutto mi diettep, maidikkenessi lakka cælkka, dam dat sigjidi cælkka, guđek laǥa vuold læk; vai juokke njalbme javotuvvu, ja obba mailbme aššalaš galgga læt Ibmel duomo vuollai.
20 De damditti i mate mikkege oǯid su audast vanhurskesen dakkujuvvut laǥa daǥoi boft, dastgo laǥast boatta suddo dovddo.
21 Mutto dal læ Ibmel vanhurskesvuotta, mi duođaštuvvum læ laǥast ja prophetain, alma laǥataǥa almostuvvum,
22 nabmalassi Ibmel vanhurskesvuotta Jesus Kristus osko boft, mi buokaidi ja buokai bagjel addujuvvu, guđek osskuk; dastgo ærotus i læk;
23 dastgo buokak suddo dakkam læk, ja sist vaillo Ibmel gudne;
24 ja vanhurskesen si dakkujuvvujek ansaškættai aive su armost, dam lonastusa mield, mi Kristus Jesus sist læ,
25 gæn Ibmel soavatussan bigjam læ osko boft su varai ala, su vanhurskesvuođas čajetam varas daid audal Ibmel gierdavašvuođa aige dakkujuvvum suddoid andagassi addem boft;
26 su dalaš aige vanhurskesvuođa čajetet, vai vanhurskes son læ, ja vai su vanhurskesen son dakka, gutte Jesus oskost læ.
