24 Dastgo doaivo mield mi besstujuvvum læp. Mutto doaivvo, mi oidnujuvvu, doaivvo i læk; dastgo moft læ olmuš maidegen daivvomen, maid jo oaidna?
25 Mutto jos mi doaivvop, maid æp oaine, de gierdavaǯǯan mi dam vuorddemen læp.
26 Mutto vuoiŋ boatta maida min hægjovutti vækken; dastgo æp mi dieđe, maid ja moft mi rokkadallat galggap; mutto vuoiŋ ješ min audast auddanloaidest su cælkkemættom šuokatusaidesguim.
27 Mutto son, gutte vaimoid sogardægje læ, son dietta, maid vuoiŋa datto læ; dastgo basse olbmui audast son auddanloaidest Ibmel dato mield.
28 Mutto mi diettep, buokrakkan sigjidi buorren boatta, guđek Ibmel rakisen adnek, sigjidi, guđek su dato mield goččujuvvum læk.
29 Dastgo gæid son jo auddal oini, daid son maida auddal jo asati su barnes muođoi mield šaddat, vai alggošaddo son oruši ædnag veljai gaskast.
30 Mutto gæid son auddal asati, daid son maida goččom læ; ja gæid son gočoi, daid son maida vanhurskesen læ dakkam; mutto gæid son vanhurskesen daǥai, daid son maida hærvvasen læ dakkam.
31 Maid nabbo dalle dasa cælkkep? lægo Ibmel minguim, gi dalle min vuosstai?
32 Son, gutte su ječas barne i sæsstam, mutto addi su dokko min buokai audast, alma son dalle maida buokrakkan migjidi adda oftanaǥa suin?
