3 Di rokkadallabættet, ja æppet oaǯo, dastgo bahha lakkai di rokkadallabættet, vai himoidædek mield di dam mattebættet loaftet.
4 Di furušægjek, olbmak ja nissonak! æppetgo dieđe, mailme usstebvuotta Ibmel vaššalašvuotta læ? De damditti, gutte aiggo læt mailme ussteb, Ibmel vaššalaǯǯan son šadda.
5 Daihe gaddebættetgo di, atte dat dušše læ, maid čal sardno? dat vuoiŋ, gutte sistamek læ, aiggogo dat gađašvuođa? i, stuorab armo dat adda.
6 De damditti cælkka čal: Ibmel čævllaid vuosstaičuoǯǯo, mutto vuollegaǯaidi armos adda.
7 Vuollanækket damditti Ibmel vuollai; vuosstaičuoǯǯot bærgalaǥa, de son din lut erit bataradda;
8 adnet ječaidædek Ibmel lut, de son din lut ječas adna! butestækket gieđaidædek, di suddolaǯak, ja čilggijækket vaimoidædek, di guoftelaǯak!
9 Dovddat din varnotesvuottadek, ja moraštækket, ja čierrot; nubbastuvvus din boaǥostæbme morašen, ja illo bavčasen!
10 Vuolledækket ječaidædek hærra vuollai, de son din aled;
11 Allet bahhast guim guimidædek ala sarno, veljačidam! gutte bahaid veljas ala sardno, ja veljas duobme, bahaid laǥa ala sardno, ja laǥa son manna dubmit; mutto jos laǥa don dubmik, de laǥa dakke ik læk, mutto duobmar.
12 Oft læ laǥa adde, gæn duokken fabmo læ bæsstet ja dubmit; go don læk, gutte nubbe olbmu dubmik?
