Page:Hærramek ja bæsstamek Jesus Kristus ođđa Testament.pdf/727

5. Kap.

719

oftasaš girje.

---

⁶ Dam vanhurskes olbmu di dubmidek, di god­didek; i son šat læk din vuosstai.

⁷ De lækket damditti gierdavaǯak, veljačak! hærra boattem ragjai. Gæč! ædnam barggeol­muš ædnam divras šaddoid vuordda, ja gierda­vaǯǯan daid vuordda, dassači go arrat arve ja maŋet arve dat oaǯǯo.

⁸ Lækket di maida gierdavaǯak, diervasmattet din vaimoidædek; dastgo hærra boattem lakka læ.

⁹ Allet šuoke guim guimidædek bagjel, vel­jačak! amadek di dubmijuvvut; gæč! duobmar uvsa audast čuoǯǯo.

¹⁰ Muo veljačak! valddet prophetaid, guđek hærra nabmi sardnom læk, auddamærkkan bahaid gillat ja gierdavaǯǯan orrot.

¹¹ Gæč! sin audogassan mi sardnop, guđek gierdavaǯǯan gillek. Job gierdavašvuođa di gul­lam læppet, ja loap di diettebættet, maid hærra addi; dastgo hærra sagga armetægje læ ja arkal­maste.

¹² Mutto erinoamačet, muo veljačidam! allet vuorno, æppet alme boft, æppetge ædnam boft, daihe maidegen ærra vuordnasid; mutto lekkusek din saǥak, nuft, mi læ nuft, ja i, mi læ i, amadek duomo vuollai di šaddat.

¹³ Jos guttege din gaskast bahaid gilla, son rokkadallus; jos guttege ervok læ, son lavllus.

¹⁴ Lægo guttege din gaskast buoccemen, ravkkus son særvvegodde vuorrasid auddasis, ja si rokkadallat galggek su bagjel, ja oljoin su vuoiddat hærra nabmi;