hærra nabmi boatta! hosanna allagasast!
10 Ja go son Jerusalemi bođi, de obba gavpug likkai, ja celkki: gi dat læ?
11 Mutto olbmuk celkke: dat læ Jesus, dat prophet, son Nasarethast Galilæast.
12 Ja Jesus Ibmel tempal sisa mani, ja buokaid olgus aji, guđek tempalest vuovddeme ja oassteme legje; ja ruđaid lodnotaddi bevdid, ja duvaid vuvddi stuoloid son ædnami njeidi.
13 Ja sigjidi celki: čallujuvvum læ; muo viesso rokkadallam viesso goččujuvvut galgga; mutto rievari biegjon di dam læppet dakkam.
14 Ja de čuovgatæmek ja skirbmak tempal sisa su lusa botte; ja son buorredi sin.
15 Mutto go bajemuš papak ja čaloappavaǯak daid oavddodaǥoid oidne, maid son daǥai, ja manaid, guđek tempalest čuorvvomen ja cælkkemen legje: hosanna! David bardnai! de si sutte, ja sunji celkke:
16 Gullakgo maid dak celkkek? Mutto Jesus sigjidi celki: manne im gula? æppetgo goassegen lokkam læk: manai ja njammi njalmest maidnom don aldsid rakadak.
17 Ja son guđi sin, ja manai gavpug olggo bællai, Bethaniai, ja dobbe oroi.
18 Mutto go iđđedest gavpugi fast manai, de borastuvvamen læi.
19 Ja fikkon muora balgga gurast son oini, ja dam lusa manai, ja i maidegen dast gavdnam, ærebgo dušše fal lastaid, ja son dasa celki: ellus dal goassegen šat æmbo šaddo dust šaddu! Ja
