39 Mutto nubbe dam lakkai læ: rakisen adnet galgak guoibmad, nuftgo ješječčad.
40 Dam guoft bakkomest orro obba lakka ja prophetak.
41 Mutto go pharisæalaǯak čoagganam legje, de Jesus sist jæratišgođi, ja celki:
42 Maid arvvalæppet di Kristus harrai? gæn bardne læ son? si celkkek sunji: David.
43 Son sigjidi celki: moft goččo dalle David vuoiŋast su hærranes? go cælkka:
44 Hærra muo hærrai celki: čokkan muo olgiš gieđa bællai, dassači go vaššalaǯaidad du julgidad vuollai mon bijam.
45 Go David hærranes su goččo, moft læ son dalle su bardne?
46 Ja i oftage mattam sunji sanegæče vastedet; ige oftage roakadam šat æmbo gaččaldaǥaid sunji dakkat dam bæive rajast.
23. Kapittal.
1 De olbmuidi ja mattajegjidassis Jesus sardnogođi, ja celki:
2 Moses stuolost čaloappavaǯak ja pharisæalaǯak čokkame læk.
3 Buok, damditti, maid si goččuk din doallat, dam doallat ja dakkat; mutto allet sin daǥoidæsek mield barga dakkat; dastgo celkkek galle, mutto æi daǥa.
4 Dastgo lossis nođid si čadnek, mak illa guoddemest læk, ja olbmui hardoi ala daid bigjek; mutto ješ æi suormegečin si daid likkatet aigo.
