|
Maustang patutuana
iti ning Santa Iglesia,
Genecis ing calamnana,
pablasang tapatpin n͠gana,t,
ing Dios ing guingcas queta.
Anammung aldo á ustung
meari itinang yatu
qn͠g pan͠gallari ning tau
tinucnangya qn͠g capitú
iting Hacedor Supremo.
Maustaping patantuna
ning Dios á mayupaya,
iñapin penabilinna,
qn͠g dong Domingo,t, fiesta,
pilitan pan͠gilinanla.
Ing minunanang lelan͠gan
ing banuá,t, itaninang
carin quetang calalaman
niting gabún á carinan
infiernoslang piparusán.
Carin balang moitalabid,
miparusanyang masáquit,
ing lasana é paisip,
ulining é mequiusig,
qn͠g ari banuá,t, súlip.
Maustang gueuananóman,
ding Angeles á quecaldan,
espíritu lan͠gand tune,
alalang bacás catauan,
banuala manucnan͠gan.
Lunes itang firmamento,
gueuana namán ning Guinu,
bán milusúc mipayubu,
upayana queting yatu,
lelangnang danúm anió.
Daya,t, malat depatana,
danúm banting carinana,
ting malat at matábangpa,
ému qn͠g tabang nunepa
sadsád qn͠g yamana lása.
|
|
Martes queang pemutian,
iting yatûng cabilugan
dutung at saca tanáman,
animál á bague bague
calugudlugud lalaunan.
Miercoles ding dapatana,
niting Guinung maligaya
Aldo, Bulan at amponpang
batuin queganáganá,
pati ding astros manggana.
Jueves gueua nanoman,
ding ayup ampon ding asán,
qn͠g maragulnang capayan,
ayup susulapo lan͠gan,
ayup tilu qu ing danumán.
Iñang alanang culanga,t,
ustuna queganáganá
ila naman ding gueuana,
di núnung Adan at Eva,
aldo ning Viernes queta.
Ding mál a atlúng Persona,
carelang pisang burua,
qn͠g ing tau magauayang
cauan͠gisda at calúpa,
quetang Damascenong múla.
Iñang mayarinang tutú
ing carelang Concistorio;
quetang campo Damasceno,
dinamputyang mál á Guinu,
quetang gabún á bermejo.
Iñanping mayarinaya
itáng lalaquing gueuana
pepan͠gisnauana nayá,
carinepin siluranang
bié ampon caladuana.
Sacane pequisabian,
(n͠gana) tiedocaó Adán,
mibalicuas neping misdan,
carinana á tan͠galan
ing Paraiso Terrenal.
|
|
