|
Iting Paraisong iti, ligayang cauili uili, santingna alang cayanti, alang dilang sucat muri, quing cayapanang sarili. Nanuta ganáp á ganáp ligayang alang catulad, gabún tutúng maliualas, pablasang ing maqui dapát, ing Santísima Trinidad. Iñang carine y Adán, magsariling alang yabe, qn͠g queang pan͠gan͠gatulan, ing Dios á pun ning cálam, inagad naneping licuan. Qn͠g aguiang pulus ligaya, Adán itang querinana, nananmurin malulumbeya canitang alang yabena,t, carin magsasariliya. Eata iñang aquitna ning Dios qn͠g malungcutya, agad agad tinipaya, qn͠g bán é malumbe n͠gana, Adán pepatudtudnaya. Quetang queang pan͠gatudtud, ing depat ning Guinúng Dios, tambingna queta dinurup, qn͠g cailing taguiáng cabud, carinya bigláng tinacmús. Itinang metung á taguiang, ticmusna cang núnung Adán, ning Dios á macapayan, |
sacane binendicionan, misteriong sadsad camalan. Meguing taune y Eva, sariya qng leguana; Adán miguisingca ngana, tiú ing quecang asaua, quinuacuya namán queca. Carinano pegumasdán, miasauang mál á ásal, layunong penabilinan, nun pilán catayá itang sabing anti queni lamán. Adán ing quecang asaua, (n͠gacu) pacamalanmuya, anti qn͠g catauan muyá, usigan musang burina tungcúl macayap caladua. At ica namán babai, palsintan mesang parati, Adán á quecang lalaqui, tuparanmu aldo,t, ben͠gi, tungcúl cayapyung sarili. Ico ding panibatanda, taung sicluban banua, quing calda é pabilangla iñapin oh miasaua, miutuscong mayap sana. Itinang pan͠gan͠gatulan queti at caliligayan queco naping tatan͠galan, icong cumit ampon miral, ing balang buriyu daptan. |
|
This page contains an image which should be extracted and uploaded to Commons (if it is free in the country of origin) or to Wikisource (if it is free only in USA).
