ꦕꦫꦶꦪꦺꦴꦱ꧀ꦕꦗꦮꦶꦤꦶꦁꦠꦤꦃꦗꦮꦶ
꧋ꦧꦝꦸꦢ꧀ꦒꦩ꧀ꦧꦂꦲꦶꦝꦸꦥ꧀ꦲꦶꦁꦏꦁꦏꦱꦸꦮꦸꦂ꧉
꧋ꦕꦤ꧀ꦝꦏ꧀ꦏꦶꦥꦸꦤ꧀ꦏꦗꦮꦺꦤ꧀ꦎꦁꦏ 4꧉
꧋ꦧꦶꦪꦸꦁꦔꦶꦥꦸꦤ꧀ꦧꦺꦴꦠꦼꦤ꧀ꦲꦁꦱꦭ꧀ꦥꦢꦩꦼꦭ꧀ꦭꦤ꧀ꦲꦶꦁꦒꦿꦶꦪꦏꦸꦩꦶꦝꦶꦩꦭꦶꦃꦲꦩꦶꦭꦭꦗꦼꦁꦏꦼꦥꦼꦏ꧀ꦱꦧꦼꦫꦃꦩꦼꦚ꧀ꦗꦲꦶꦠ꧀꧉ꦲꦺꦮꦱꦩꦤ꧀ꦠꦼꦤ꧀ Charlie ꦠꦏ꧀ꦱꦶꦃꦏꦼꦚ꧀ꦕꦼꦁꦱꦼꦢꦾꦤꦶꦥꦸꦤ꧀꧈ꦧꦝꦼꦢꦢꦺꦴꦱ꧀ꦠꦸꦏꦁꦩꦲꦶꦤ꧀ꦠꦺꦴꦤꦶꦭ꧀꧈ꦱꦉꦁꦲꦸꦩꦸꦂꦫꦶꦥꦸꦤ꧀ꦱꦩ꧀ꦥꦸꦤ꧀ꦠꦸ 16 ꦠꦲꦸꦤ꧀꧈ Charlie ꦠꦸꦩꦸꦠ꧀ꦢꦢꦺꦴꦱ꧀ꦠꦺꦴꦤꦶꦭ꧀ꦧꦶꦱꦺꦴꦤ꧀꧈ꦲꦶꦁꦒꦶꦃꦥꦸꦤꦶꦏꦱꦠꦸꦁꦒꦶꦭ꧀ꦭꦶꦁꦠꦺꦴꦁꦠꦺꦴꦤ꧀ꦤꦤ꧀꧈ꦲꦶꦁꦏꦁꦥꦫꦠꦸꦏꦁꦔꦶꦥꦸꦤ꧀ꦩꦲꦶꦤ꧀ꦱꦩꦶꦧꦺꦴꦠꦼꦤ꧀ꦮꦶꦕꦤ꧀ꦠꦼꦤ꧀ꦤꦤ꧀꧈ꦢꦢꦺꦴꦱ꧀ꦧꦺꦴꦏ꧀ꦩꦤꦮꦶꦱꦲꦺꦩ꧀ꦥꦼꦂꦏꦭꦶꦪꦤ꧀ꦮꦪꦁꦯꦸꦤ꧀ꦝ꧉ꦲꦤꦔꦶꦁꦧꦺꦴꦠꦼꦤ꧀ꦩꦮꦶꦏꦕꦫꦶꦪꦺꦴꦱ꧀ꦱꦏꦼꦤ꧀ꦢꦼꦤꦶꦁꦝꦭꦁ꧈ꦥꦮꦶꦕꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦤꦩꦸꦁꦱꦫꦤꦱꦱ꧀ꦩꦶꦠꦱꦱꦺꦴꦭꦃꦲꦶꦁꦧꦢꦤ꧀ꦲꦸꦠꦮꦶꦠꦔꦤ꧀꧈ꦠꦺꦴꦁꦠꦺꦴꦤ꧀ꦤꦤ꧀ꦮꦲꦸꦠꦤ꧀ꦱꦃꦩꦶꦢꦼꦂꦝꦠꦼꦁꦠꦤꦃꦄꦩꦼꦫꦶꦏꦃꦠꦸꦮꦶꦤ꧀ꦌꦫꦺꦴꦥꦃ꧉ꦲꦤꦸꦗꦸꦱꦠꦸꦁꦒꦶꦭ꧀ꦭꦶꦁꦢꦶꦤ꧀ꦠꦼꦤ꧀ꦏꦭ Charlie ꦮꦺꦴꦤ꧀ꦠꦼꦤ꧀ꦲꦶꦁꦏꦶꦛꦦꦫꦶꦱ꧀꧈ꦤꦺꦴꦤ꧀ꦠꦺꦴꦤ꧀ꦒꦩ꧀ꦧꦂꦲꦶꦝꦸꦥ꧀ꦲꦶꦁꦏꦁꦕꦫꦶꦪꦺꦴꦱ꧀ꦱꦶꦥꦸꦤ꧀ꦲꦁꦒꦸꦩꦸꦗꦼꦁꦔꦏꦼꦤ꧀꧉ꦲꦮꦶꦠ꧀ꦥꦸꦤꦶꦏ Charlie Chaplin ꦭꦗꦼꦁꦲꦔꦸꦢꦶꦱꦔꦼꦠ꧀ꦱꦒꦼꦢ꧀ꦠꦸꦩꦸꦠꦲꦶꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦒꦩ꧀ꦧꦂꦲꦶꦝꦸꦥ꧀꧉
꧋Charlie Chaplin ꦤꦸꦗꦸꦩꦲꦶꦤ꧀ꦔꦸꦮꦺꦴꦢ꧀ꦝꦝꦸꦁ꧉ (foto)
꧋ꦲꦶꦁꦏꦭꦮꦲꦸꦱꦩ꧀ꦥꦸꦤ꧀ꦏꦕꦫꦶꦪꦺꦴꦱ꧀ꦱꦏꦼꦤ꧀꧈ꦧꦶꦭꦶꦃ Charlie Chaplin ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦤꦶꦔꦭ꧀ꦭꦶꦒꦩ꧀ꦲꦶꦝꦸꦥ꧀ꦮꦺꦴꦤ꧀ꦠꦼꦤ꧀ꦲꦏꦶ
