ꦛꦦꦫꦶꦱ꧀꧈ꦭꦗꦼꦁꦏꦼꦥꦼꦔꦶꦤ꧀ꦱꦔꦼꦠ꧀ꦱꦸꦩꦼꦢꦾꦠꦸꦩꦸꦠ꧀ꦩꦲꦶꦤ꧀ꦒꦩ꧀ꦧꦂꦲꦶꦝꦸꦥ꧀꧉ꦱꦏꦶꦁꦏꦼꦚ꧀ꦕꦼꦁꦔꦶꦁꦱꦼꦢꦾꦤꦶꦥꦸꦤ꧀꧈ꦲꦶꦁꦠꦲꦸꦤ꧀ꦠ 1910 Charlie Chaplin ꦤꦸꦤ꧀ꦠꦼꦤ꧀ꦥꦁꦏꦠ꧀ꦝꦠꦼꦁꦤꦃꦄꦩꦼꦫꦶꦏꦃ꧉ꦏꦭꦥꦸꦤꦶꦏ Charlie ꦧꦺꦴꦠꦼꦤ꧀ꦱꦸꦩꦼꦉꦥ꧀ꦧꦧꦂꦥꦶꦱꦤ꧀ꦏꦢꦺꦴꦱ꧀ꦥꦸꦤ꧀ꦢꦥꦤ꧀ꦢꦩꦼꦭꦥꦸꦤ꧀ꦒꦩ꧀ꦧꦂꦲꦶꦁꦒꦩ꧀ꦧꦂꦲꦶꦝꦸꦥ꧀꧈ꦩꦏꦠꦼꦤ꧀ꦲꦸꦒꦶꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦒꦝꦃꦥꦔꦶꦤ꧀ꦠꦼꦤ꧀꧈ꦧꦶꦭꦶꦃꦩꦲꦶꦤ꧀ꦲꦶꦁꦒꦩ꧀ꦧꦂꦲꦶꦝꦸꦥ꧀ꦥꦸꦤꦶꦏ꧈ꦧꦺꦴꦠꦼꦤ꧀ꦧꦼꦢꦏꦭꦶꦪꦤ꧀ꦩꦲꦶꦤ꧀ꦏꦸꦩꦶꦝꦶꦭꦶꦩꦿꦃ꧈ꦲꦶꦁꦱꦫꦺꦃꦤꦶꦁꦏꦭꦥꦸꦤꦶꦏ Charlie ꦏꦥꦼꦏ꧀ꦱꦏꦼꦢꦃꦮꦁꦱꦸꦭ꧀ꦝꦠꦼꦁꦠꦤꦃꦌꦫꦺꦴꦥ꧈ꦢꦢꦺꦴꦱ꧀ꦲꦶꦁꦒꦶꦃꦭꦗꦼꦁꦧꦺꦴꦠꦼꦤ꧀ꦱꦒꦼꦢ꧀ꦲꦺꦁꦒꦭ꧀ꦲꦺꦁꦒꦭ꧀ꦲꦤꦸꦫꦸꦠ꧀ꦠꦶꦥꦸꦤꦥꦲꦶꦁꦏꦁꦢꦢꦺꦴꦱ꧀ꦲꦶꦝꦩ꧀ꦲꦶꦝꦩ꧀ꦩꦤ꧀ꦤꦶꦥꦸꦤ꧀꧉ꦱꦢꦔꦸꦤꦶꦥꦸꦤ꧀ Charlie ꦮꦺꦴꦤ꧀ꦠꦼꦤ꧀ꦲꦶꦁꦌꦫꦺꦴꦥꦃ꧈ꦱꦸꦩꦼꦉꦥ꧀ꦠꦶꦪꦁꦲꦒꦼꦁꦲꦶꦁꦒꦶꦭ꧀ꦲꦶꦁꦏꦁꦱꦺꦴꦭꦃꦠꦶꦁꦏꦃꦲꦶꦥꦸꦤ꧀ꦱꦗꦏ꧀ꦲꦁꦒꦸꦩꦸꦗꦼꦁꦔꦏꦼꦤ꧀꧈ꦲꦶꦁꦒꦶꦃꦠꦶꦪꦁꦲꦶꦁꦏꦁꦲꦒꦼꦁꦲꦶꦁꦒꦶꦭ꧀ꦮꦲꦸ꧈ꦲꦶꦁꦏꦁꦱꦭꦗꦼꦁꦔꦶꦥꦸꦤ꧀ꦠꦤ꧀ꦱꦃꦏꦠꦶꦫꦸꦢꦼꦤꦶꦁ Charlie Chaplin ꦩꦤꦮꦶꦏꦊꦉꦱ꧀ꦩꦲꦶꦤ꧀ꦲꦶꦁꦒꦩ꧀ꦧꦂꦲꦶꦝꦸꦥ꧀꧉
꧋Charlie Chaplin ꦲꦩ꧀ꦧꦝꦸꦢ꧀ꦏꦭꦶꦪꦤ꧀ꦭꦉ꧉ (foto)
꧋ꦱꦢꦸꦩꦸꦒꦶꦤꦶꦥꦸꦤ꧀ꦲꦶꦁꦠꦤꦃꦄꦩꦼꦫꦶꦏꦃꦩꦭꦶꦃ꧈ Charlie Chaplin ꦱꦒꦼꦢ꧀ꦲꦁꦱꦭ꧀ꦥꦢꦩꦼꦭ꧀ꦭꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦩꦱ꧀ꦏꦥꦼꦒꦩ꧀ꦧꦂꦲꦶꦝꦸꦥ꧀꧉ꦲꦶꦁꦱꦏꦮꦶꦠ꧀ꦤꦩꦸꦁꦩꦲꦶꦤ꧀ꦒꦩ꧀ꦧꦂꦲꦶꦁꦏꦁꦭꦸꦕꦸꦭꦸꦕꦸꦱꦲꦲꦶꦁꦏꦁꦕꦼꦭꦏ꧀ꦕꦼꦭꦏ꧀꧈ꦱꦲꦒꦩ꧀ꦧꦂꦒꦩ꧀ꦧꦂꦮꦲꦸꦧꦺꦴꦠꦼꦤ꧀ꦒꦝꦃꦥꦶꦏꦗꦼꦁꦥꦸꦤꦥꦥꦸꦤꦥ꧈ꦔꦼꦩꦸꦁꦔꦏꦼꦤ꧀ꦊꦭꦸꦕꦺꦴꦤ꧀ꦏꦼꦩꦮꦺꦴꦤ꧀꧉ꦢꦔꦸꦤꦶꦁꦢꦔꦸ Charlie ꦲꦁꦒꦝꦃꦲꦶꦒꦒꦱ꧀ꦱꦤ꧀ꦧꦝꦼꦲꦢꦩꦼꦭ꧀ꦒꦩ꧀ꦧꦂ꧈ꦲꦶꦁꦏꦁꦕꦫꦶꦪꦺꦴꦱ꧀ꦱꦶꦥꦸꦤ꧀ꦧꦺꦴꦠꦼꦤ꧀ꦔꦼꦩꦸꦁꦔꦏꦼꦤ꧀ꦝꦮꦃꦭꦸꦕꦸꦏꦼꦩꦮꦺꦴꦤ꧀꧈ꦲꦤꦔꦶꦁꦩꦼꦁꦏꦸꦥꦶꦏꦗꦼꦁꦲꦶꦁꦏꦁꦲꦸꦠꦩꦶ꧈ꦱꦲꦲꦶꦁꦏꦁꦏꦼꦔꦶꦁꦏꦁꦒꦼꦠꦸꦭꦢꦤ꧀ꦲꦶꦁꦠꦶꦠꦶꦪꦁꦏꦛꦃ꧉ꦲꦶꦁꦱꦫꦺꦃꦤꦶꦁ Charlie Chaplin ꦥꦸꦤꦶꦏꦱꦩ꧀ꦥꦸꦤ꧀ꦤꦠꦼꦲꦔ꧀ꦭꦩ꧀ꦥꦃꦲꦏꦩ꧀ꦭꦫꦠ꧀ꦠꦤ꧀꧈ꦥꦸꦤꦥꦩꦭꦶꦃꦥꦸꦫꦸꦤ꧀ꦩꦶꦒꦠꦺꦴꦱ꧀ꦱꦏꦼꦤ꧀ꦝꦠꦼꦁꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦥꦁꦒꦼꦱꦁꦔꦤ꧀ꦤꦶꦁꦠꦶꦪꦁ꧈ꦲꦩꦶꦭꦠꦸꦩꦿꦥ꧀ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦲꦶꦁꦒꦶꦃꦧꦺꦴꦠꦼꦤ꧀ꦥꦠꦺꦴꦱ꧀ꦲꦔꦺꦭ꧀ꦔꦸꦥꦢꦺꦴꦱ꧀ꦕꦕꦿꦶꦪꦺꦴꦱ꧀ꦱꦚ꧀ꦕꦕꦿꦶꦪꦺꦴꦱ꧀ꦱꦤ꧀ꦲꦶꦁꦏꦁꦲꦔꦼꦉꦱ꧀ꦲꦼꦉꦱ꧀ꦱꦶꦩꦤꦃꦲꦤꦁꦤꦶꦁꦩꦮꦶꦢꦶꦥꦸꦤ꧀ꦧꦸꦩ꧀ꦧꦺꦴꦤ꧀ꦤꦶꦊꦭꦸꦕꦺꦴꦤ꧀꧈ꦢꦢꦺꦴꦱ꧀ꦥꦫꦲꦶꦁꦏꦁꦱꦩꦶꦩꦿꦶꦏ꧀ꦱꦤ꧀ꦤꦶꦝꦠꦼꦁꦕꦫꦶꦪꦺꦴꦱ꧀ꦱꦶꦁꦒꦩ꧀ꦧꦂꦮꦲꦸ꧈ꦲꦶꦁꦒꦶꦃꦱꦩꦶꦒꦸꦩꦸꦗꦼꦁꦫꦩꦼꦤꦶꦔꦭ꧀ꦭꦶꦠꦤ꧀ꦢꦁꦠꦶꦁꦏꦃꦲꦶꦥꦸꦤ꧀ Charlie Chaplin ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸ꧈ꦲꦺꦮꦢꦼꦤꦼꦩꦤꦃꦲꦶꦥꦸꦤ꧀ꦫꦸꦩꦲꦺꦴꦱ꧀ꦠꦸꦩꦸꦠ꧀ꦧꦼꦭꦱꦸꦁꦏꦮꦝꦠꦼꦁꦭꦩ꧀ꦥꦃꦲꦤ꧀ꦤꦶꦥꦸꦤ꧀ Charlie ꦲꦶꦁꦏꦁꦏꦒꦩ꧀ꦧꦂꦱꦏ꧀ꦭꦁꦏꦸꦁꦤ꧀ꦭꦺꦴꦁꦱꦮꦲꦸ꧉Charlie Chaplin ꦥꦸꦤꦶꦏꦱꦤꦗꦤ꧀ꦠꦶꦪꦁꦏꦸꦩꦶꦝꦶ꧈ꦧꦺꦴꦠꦼꦤ꧀ꦏꦼꦔꦶꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶꦩꦠꦝꦸꦮꦶꦠ꧀ꦠꦼꦤ꧀꧈ꦧꦺꦴꦏ꧀ꦩꦤꦮꦶꦲꦶꦁꦒꦶꦃꦗꦭꦂꦫꦤ꧀ꦮꦮꦠꦼꦏꦤ꧀ꦤꦶꦥꦸꦤ꧀ꦲꦶꦁꦏꦁꦩꦏꦠꦼꦤ꧀ꦮꦲꦸ꧈ꦱꦧꦧ꧀ꦱꦧꦧ꧀ꦧꦶꦥꦸꦤ꧀ Charlie Chaplin ꦤꦩꦤꦶꦥꦸꦤ꧀ꦱꦒꦼꦢ꧀ꦏꦱꦸꦮꦸꦂꦲꦶꦁꦱꦲꦶꦤ꧀ꦢꦼꦁꦔꦶꦁꦗꦒꦢ꧀꧈ꦲꦶꦁꦒꦶꦃ
