ꦕꦫꦶꦪꦺꦴꦱ꧀ꦮꦶꦒꦠꦺꦴꦱ꧀ꦏꦁ
꧋ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦱꦺꦴꦦꦾꦺꦠ꧀ꦫꦸꦱ꧀ꦭꦤ꧀ꦲꦶꦁꦱꦗꦠꦶ꧉
꧋ꦕꦤ꧀ꦝꦏ꧀ꦏꦶꦥꦸꦤ꧀ꦏꦗꦮꦺꦤ꧀ꦎꦁꦏ 6꧉
II.
꧋ꦥꦼꦛꦶꦏ꧀ꦏꦤ꧀ꦱꦏꦶꦁꦱꦼꦫꦠ꧀ꦏꦧꦂ A.I.D.
꧋ꦱꦊꦧꦼꦠ꧀ꦠꦶꦥꦸꦤ꧀ꦠꦸꦮꦤ꧀ Baars ꦮꦺꦴꦤ꧀ꦠꦼꦤ꧀ꦲꦶꦁꦤꦒꦫꦶꦫꦸꦱ꧀ꦭꦩꦶꦤꦶꦥꦸꦤ꧀ 6 ꦠꦲꦸꦤ꧀꧈ꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦏꦼꦏꦼꦱꦃꦲꦤ꧀ꦝꦠꦼꦁꦲꦶꦁꦥꦸꦤ꧀ꦢꦶꦥꦸꦤ꧀ꦢꦶ꧈ꦱꦲꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦥꦁꦒꦼꦤ꧀ꦤꦤ꧀ꦲꦶꦁꦏꦁꦢꦶꦥꦸꦤ꧀ꦝꦠꦼꦁꦔꦶ꧉ꦲꦶꦁꦠꦲꦸꦤ꧀ 1921 ꦱꦩ꧀ꦥꦸꦤ꧀ꦤꦶꦥꦸꦤ꧀ꦠꦸꦮꦤ꧀ Baars ꦢꦸꦢꦸꦤꦸꦁꦮꦺꦴꦤ꧀ꦠꦼꦤ꧀ꦲꦶꦁꦏꦶꦛꦩꦺꦴꦱ꧀ꦏꦺꦴꦱꦱꦏꦼꦝꦥ꧀꧈ꦭꦗꦼꦁꦥꦁꦏꦠ꧀ꦝꦠꦼꦁꦡꦸꦂꦏꦼꦱ꧀ꦠꦤ꧀ꦥꦽꦭꦸꦧꦝꦼꦚꦩ꧀ꦧꦸꦠ꧀ꦢꦩꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦥꦏꦂꦪꦤ꧀꧈ꦲꦶꦫꦶꦒꦱꦶꦔꦿꦶꦏ꧉ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦤꦩꦸꦁꦱꦮꦠꦮꦶꦱ꧀ꦮꦸꦭꦤ꧀ꦏꦼꦩꦮꦺꦴꦤ꧀꧈ꦗꦭꦂꦫꦤ꧀ꦲꦶꦁꦥꦥꦤ꧀ꦔꦿꦶꦏꦸꦧꦺꦴꦠꦼꦤ꧀ꦱꦒꦼꦢ꧀ꦚꦩ꧀ꦧꦸꦠ꧀ꦢꦩꦼꦭ꧀ꦧꦧꦂꦥꦶꦱꦤ꧀꧈ꦧꦧ꧀ꦥꦸꦤꦶꦏꦲꦶꦁꦩꦁꦏꦼꦧꦝꦼꦏꦠꦼꦫꦁꦔꦏꦼꦤ꧀ꦩꦭꦶꦃ꧉ꦱꦭꦗꦼꦁꦔꦶꦥꦸꦤ꧀ꦠꦸꦮꦤ꧀ Baars ꦭꦗꦼꦁꦮꦁꦱꦸꦭ꧀ꦝꦠꦼꦁꦩꦺꦴꦱ꧀ꦏꦺꦴ꧈ꦧꦢꦤ꧀ꦤꦶ ꦥꦸꦤ꧀ꦫꦶꦱꦏ꧀ꦢꦼꦤꦶꦁꦱꦱꦏꦶꦠ꧀ꦩꦭꦫꦶꦪꦃ꧉ꦱꦱꦏꦶꦠ꧀ꦮꦲꦸꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸꦔꦽꦧ꧀ꦢꦱꦔꦼꦠ꧀꧈ꦔꦤ꧀ꦠꦺꦴꦱ꧀ꦠꦶꦠꦶꦪꦁꦠꦮꦤꦤ꧀ꦏꦭꦲꦶꦁꦥꦼꦫꦁꦢꦺꦴꦚꦲꦶꦁꦏꦁꦏꦥꦼꦁꦏꦼꦂꦥꦸꦤꦶꦏ꧈ꦲꦶꦁꦏꦁꦱꦩꦶꦏꦱꦶꦁꦏꦶꦂꦫꦏꦼꦤ꧀ꦩꦿꦶꦏꦸ꧈ꦮꦺꦴꦤ꧀ꦠꦼꦤ꧀ 12000 ꦲꦶꦁꦏꦁꦱꦩꦶꦥꦼꦗꦃꦢꦼꦤꦶꦁꦱꦏꦶꦠ꧀ꦩꦭꦫꦶꦪꦃꦮꦲꦸ꧉
꧋ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦠꦸꦮꦤ꧀ Baars ꦢꦶꦥꦸꦤ꧀ꦥꦸꦭꦱꦫꦮꦺꦴꦤ꧀ꦠꦼꦤ꧀ꦲꦶꦁꦒꦿꦶꦪꦱꦏꦶꦠ꧀ꦲꦶꦁ Kreml ꦱꦲꦫꦒꦶꦩꦤ꧀ꦠꦸꦤ꧀ꦱꦮꦠꦮꦶꦱ꧀ꦱꦏꦶꦠ꧀ꦠꦶꦥꦸꦤ꧀꧈ꦭꦗꦼꦁꦥꦁꦏꦠ꧀ꦝꦠꦼꦁꦠꦤꦃꦯꦶꦧꦺꦫꦶꦥꦽꦭꦸꦲꦚꦩ꧀ꦧꦸꦠ꧀ꦢꦩꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦠꦤꦃꦗꦗꦃꦲꦤ꧀ꦩꦤ꧀ꦝꦶꦫꦶꦲꦶꦁKuzbass ꦲꦶꦁꦏꦁꦏꦲꦼꦢꦼꦒ꧀ꦒꦏꦼꦤ꧀ꦱꦫꦤꦏꦠꦸꦤ꧀ꦠꦸꦤ꧀ꦢꦼꦤꦶꦁꦧꦺꦴꦁꦱꦲꦤ꧀ꦱꦚꦸꦂꦮꦭꦤ꧀ꦢꦶꦤꦩꦠꦸꦮꦤ꧀ Rutgers ꦲꦶꦁꦏꦁꦱꦢꦺꦫꦺꦁꦔꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦥꦼꦫꦁꦲꦒꦼꦁꦲꦚꦩ꧀ꦠ꧀ꦢꦼꦩꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦩꦼꦝꦤ꧀꧉ꦆꦤ꧀ꦱꦶꦚꦸꦂꦮꦭꦤ꧀ꦢꦶꦮꦲꦸꦱꦠꦸꦁꦒꦶꦭ꧀ꦭꦶꦁꦏꦺꦴꦩ꧀ꦩꦸꦤꦶꦱ꧀ꦲꦶꦁꦏꦁꦱꦩ꧀ꦥꦸꦤ꧀ꦩꦶꦩꦶꦠꦿꦤ꧀ꦱꦔꦼꦠ꧀ꦏꦭꦶꦪꦤ꧀ꦥꦔꦒꦼꦁꦔꦶꦁꦏꦺꦴꦩ꧀ꦩꦸꦤꦶꦱ꧀ꦲꦶꦁꦤꦒꦫꦶꦫꦸꦱ꧀꧈ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦤꦩ Lenin ꦭꦤ꧀ Frotzki꧉ꦩꦼꦁꦒꦃꦱꦼꦢꦾꦤꦶꦁꦠꦤꦃꦗꦗꦃꦲꦤ꧀ꦏꦱ꧀ꦧꦸꦠ꧀ꦔꦶꦁꦒꦶꦭ꧀꧈ꦧꦝꦼꦔꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦥꦩꦼꦭꦶꦏ꧀ꦏꦤ꧀ꦱꦲꦥꦁꦒꦲꦺꦴꦠ꧀ꦠꦤ꧀ꦧꦼꦏꦏꦱ꧀ꦠꦺꦴꦱꦤ꧀ꦕꦫꦩꦺꦴꦝꦺꦭ꧀ꦲꦺꦁꦒꦭ꧀ꦱꦫꦤꦏꦲꦸꦩ꧀ꦧꦼꦫꦃꦱꦲꦥꦫꦄꦃꦭꦶꦪꦪꦱꦤ꧀ꦱꦏꦶꦁꦱꦗꦮꦶꦤꦶꦁꦤꦒꦫꦶꦮꦺꦴꦤ꧀ꦠꦼꦤ꧀ꦲꦶꦁꦥꦥꦤ꧀ꦥꦩꦼꦭꦶꦏ꧀ꦏꦤ꧀ꦲꦉꦁꦱꦼꦭꦲꦶꦁ Koeznetsk꧈ꦲꦶꦁꦱꦏꦶꦢꦸꦭ꧀ꦭꦶꦥꦸꦤ꧀ Tomsk꧉ꦠꦸꦮꦤ꧀ Baars ꦲꦚꦩ꧀ꦧꦸꦠ꧀ꦢꦩꦼꦭ꧀ꦮꦺꦴꦤ꧀ꦠꦼꦤ꧀ꦔꦿꦶꦏꦸꦔꦤ꧀ꦠꦺꦴꦱꦱ꧀ꦥꦏꦂꦪꦤꦲꦸꦢꦶꦥꦸꦤ꧀ꦠꦸꦠꦸꦥ꧀꧈ꦲꦶꦁꦒꦶꦃꦥꦸꦤꦶꦏꦲꦶꦁꦠꦲꦸꦤ꧀ 1927꧉ꦱꦭꦗꦼꦁꦔꦶꦥꦸꦤ꧀ꦤꦶꦪꦠ꧀ꦧꦝꦼꦩ꧀ꦧꦸꦠ꧀ꦢꦩꦼꦭ꧀ꦱꦱꦉꦁꦔꦤ꧀ꦏꦭꦶꦪꦤ꧀ꦠꦶꦠꦶꦪꦁꦩꦺꦴꦚ꧀ꦕꦮꦲꦸꦢꦶꦥꦸꦤ꧀ꦱꦤ꧀ꦢꦺꦏ꧀ꦲꦏꦼꦤ꧀ꦱꦲꦥꦏꦂꦪꦤ꧀ꦮꦲꦸꦭꦗꦼꦁꦏꦢꦢꦺꦴꦱ꧀ꦱꦏꦼꦤ꧀ꦥꦁꦒꦲꦺꦴꦠ꧀ꦠꦤ꧀ꦤꦶꦁꦤꦒꦫꦶꦫꦸꦱ꧀꧉ꦥꦫꦄꦃꦭꦶꦪꦪꦱꦤ꧀ꦱꦏꦶꦁꦩꦺꦴꦚ꧀ꦕ꧈ꦩꦏꦠꦼꦤ꧀ꦲꦸꦒꦶꦧꦺꦴꦁꦱꦏꦺꦴꦩ꧀ꦩꦸꦤꦶꦱ꧀꧈ꦭꦗꦼꦁꦢꦶꦥꦸꦤ꧀ꦏꦺꦤ꧀ꦢꦼꦭ꧀ꦭꦶꦱꦏꦶꦁꦥꦁꦏꦠ꧀ꦠꦶꦥꦸꦤ꧀ꦏꦤ꧀ꦛꦶꦱꦱꦏꦼꦕꦤꦶꦥꦸꦤ꧀ꦱꦲꦲꦶꦁꦒꦶꦃꦏꦼꦢꦃꦭꦗꦼꦁꦱꦸꦩꦼꦉꦥ꧀ꦥꦶꦪꦩ꧀ꦧꦏ꧀ꦏꦢꦺꦴꦱ꧀ꦥꦸꦤ꧀ꦢꦶꦲꦁꦒꦺꦤ꧀ꦤꦶꦥꦸꦤ꧀ꦱꦒꦼꦢ꧀ꦲꦁꦱꦭ꧀ꦥꦢꦩꦼꦭ꧀ꦭꦤ꧀ꦩꦭꦶꦃ꧉ꦱꦭꦩꦶꦤꦶꦥꦸꦤ꧀ꦠꦸꦮꦤ꧀ Baars ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦠꦲꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦔꦿꦶꦏꦸ꧈ꦲꦚꦸꦩꦼꦉꦥ꧀ꦥꦶꦠꦸꦩꦶꦤ꧀ꦢꦏ꧀ꦏꦶꦁꦥꦏꦂꦪꦤ꧀ꦮꦲꦸ꧈ꦮꦶꦮꦶꦠ꧀ꦥꦚꦺꦴꦮꦏ꧀ꦏꦶꦁꦏꦺꦴꦩ꧀ꦩꦸꦤꦶꦱ꧀ꦩꦼꦱꦶꦤꦂꦠꦤ꧀ꦥꦼꦫꦁꦔꦤ꧀ꦠꦺꦴꦱ꧀ꦢꦸꦩꦸꦒꦶꦠꦸꦩꦶꦤ꧀ꦢꦏ꧀ꦏꦶꦥꦸꦤ꧀ꦥꦺꦴꦭꦶꦠꦶꦏ꧀ꦲꦶꦁꦧꦧ꧀ꦲꦺꦏꦺꦴꦤꦺꦴꦩꦶ꧈ꦲꦶꦁꦒꦶꦃꦥꦸꦤꦶꦏꦲꦶꦁꦏꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶ Nep. (Nieuw Economische Pilitiek)꧈ꦲꦶꦁꦱꦏꦮꦶꦠ꧀ꦠꦸꦮꦤ꧀ Baars ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦢꦶꦤ꧀ꦠꦼꦤ꧀ꦭꦩꦶꦤꦶꦥꦸꦤ꧀ꦩꦁꦒꦺꦤ꧀ꦱꦱꦉꦁꦔꦤ꧀ꦏꦭꦶꦪꦤ꧀ꦠꦶꦠꦶꦪꦁꦫꦸꦱ꧀ꦮꦺꦴꦤ꧀ꦠꦼꦤ꧀ꦲꦶꦁꦱꦼꦠꦠ꧀ꦱꦶꦪꦸ
