ꦤ꧀ꦲꦭꦶꦠ꧀ꦲꦭꦶꦠ꧀ꦲꦶꦁꦏꦁꦱꦏ꧀ꦭꦁꦏꦸꦁꦉꦒꦼꦢ꧀꧉ꦱꦩꦶꦱꦩꦶꦏꦭꦶꦪꦤ꧀ꦠꦶꦠꦶꦪꦁꦫꦸꦱ꧀꧈ꦩꦏꦠꦼꦤ꧀ꦲꦸꦒꦶꦠꦸꦮꦤ꧀ Baars ꦱꦶꦤꦼꦫꦁꦲꦶꦁꦱꦱꦏꦶꦠ꧀ꦠꦶꦥꦼꦱ꧀ꦗꦭꦂꦫꦤ꧀ꦱꦏꦶꦁꦥꦚꦏꦺꦴꦠꦠ꧀ꦠꦥꦸꦤ꧀ꦱꦧꦁꦱꦤꦶꦁꦠꦸꦩꦲꦶꦁꦏꦁꦲꦁꦒꦝꦃꦲꦶꦱꦱꦏꦶꦠ꧀ꦮꦲꦸ꧉ꦱꦱꦉꦁꦔꦤ꧀ꦏꦭꦶꦪꦤ꧀ꦥꦫꦏꦲꦸꦩ꧀ꦧꦼꦫꦃꦠꦶꦪꦁꦫꦸꦱ꧀ꦮꦲꦸ꧈ꦠꦸꦮꦤ꧀ Baars ꦲꦁꦱꦭ꧀ꦠꦼꦝꦕꦝꦺꦴꦁꦱꦏꦶꦁꦔꦶꦁꦒꦶꦭ꧀꧉ꦢꦔꦸꦢꦔꦸꦠꦸꦮꦤ꧀ Baars ꦩꦶꦁꦒꦃꦩꦶꦁꦒꦃꦔꦤ꧀ꦠꦺꦴꦱ꧀ꦢꦢꦺꦴꦱ꧀ꦥꦤꦸꦤ꧀ꦠꦸꦤ꧀ꦤꦶꦁꦥꦏꦂꦪꦤ꧀ꦮꦲꦸ꧉ꦗꦭꦂꦫꦤ꧀ꦱꦏꦶꦁꦥꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦮꦲꦸ꧈ꦠꦸꦮꦤ꧀ Baars ꦱꦒꦼꦢ꧀ꦱꦱꦿꦮꦸꦁꦔꦤ꧀ꦏꦭꦶꦪꦤ꧀ꦥꦶꦤ꧀ꦠꦼꦤ꧀ꦥꦶꦤ꧀ꦠꦼꦤ꧀ꦥꦁꦒꦲꦺꦴꦠ꧀ꦠꦤ꧀ꦱꦲꦥꦏꦂꦪꦤ꧀ꦲꦶꦁ Tomsk꧈Nowo-Nikolajesk ꦭꦤ꧀ꦲꦶꦁ Moskou꧉ꦥꦸꦤꦥꦩꦭꦶꦃꦲꦶꦁꦠꦲꦸꦤ꧀ꦠꦲꦸꦤ꧀ꦲꦶꦁꦏꦁꦥꦸꦁꦏꦱ꧀ꦱꦤ꧀꧈ꦥꦢꦩꦼꦭ꧀ꦭꦤ꧀ꦤꦶꦥꦸꦤ꧀ꦠꦸꦮꦤ꧀ Baars ꦏꦼꦢꦃꦤꦁꦒꦼꦭ꧀ꦗꦮꦧ꧀ꦧꦤ꧀ꦤꦶꦁꦥꦏꦺꦮꦼꦢ꧀ꦥꦶꦠꦏꦼꦤ꧀ꦤꦤ꧀ꦤ꧀ꦥꦶꦠꦏꦼꦤ꧀ꦤꦤ꧀ꦱꦏꦶꦁꦫꦤ꧀ꦠꦩꦤꦿꦤ꧀ꦠꦩꦤ꧀ꦮꦫꦒꦢ꧀꧉ꦫꦚ꧀ꦕꦁꦔꦤ꧀ꦲꦶꦤ꧀ꦝꦏ꧀ꦲꦶꦤ꧀ꦝꦏ꧀ꦏꦤ꧀ꦪꦪꦱꦤ꧀ꦱꦲꦫꦚ꧀ꦕꦁꦔꦤ꧀ꦱꦩ꧀ꦧꦸꦠ꧀ꦠꦤ꧀꧈ꦝꦠꦼꦁꦉꦥꦠ꧀ꦲꦒꦼꦁ꧉ꦲꦶꦁꦏꦁꦩꦏꦠꦼꦤ꧀ꦮꦲꦸꦥꦶꦪꦩ꧀ꦧꦏ꧀ꦏꦶꦥꦸꦤ꧀ꦭꦗꦼꦁꦏꦥꦼꦏ꧀ꦱꦠꦸꦩꦸꦠ꧀ꦲꦚ꧀ꦗꦼꦤꦼꦁꦔꦶꦥꦉꦥꦠ꧀ꦠꦤ꧀ꦤꦶꦥꦸꦤ꧀꧇ꦏꦺꦴꦩꦶꦠꦼꦫꦺꦥꦺꦴꦭꦶꦱꦶꦪꦺꦴꦤ꧀ꦤꦺꦂꦯꦶꦧꦺꦫꦶ꧈ꦫꦢ꧀ꦌꦏꦺꦴꦤꦺꦴꦩꦶꦲꦶꦁꦏꦁꦭꦸꦲꦸꦂꦥꦶꦪꦩ꧀ꦧꦏ꧀꧈ꦭꦤ꧀ꦱꦤꦺꦱ꧀ꦱꦤꦺꦱ꧀ꦱꦶꦥꦸꦤ꧀ꦩꦭꦶꦃ꧉ꦗꦭꦂꦫꦤ꧀ꦱꦏꦶꦁꦥꦸꦤꦶꦏꦠꦸꦮꦤ꧀ Baars ꦭꦗꦼꦁꦱꦒꦼꦢ꧀ꦚꦸꦩꦼꦉꦥ꧀ꦥꦶꦱꦪꦼꦏ꧀ꦠꦺꦴꦱ꧀ꦏꦢꦺꦴꦱ꧀ꦥꦸꦤ꧀ꦤ꧀ꦢꦶꦕꦫꦕꦫꦤꦶꦥꦸꦤ꧀ꦲꦚꦩ꧀ꦧꦸꦠ꧀ꦢꦩꦼꦭ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏ꧉ꦠꦸꦮꦤ꧀ Baars ꦚꦸꦩꦼꦉꦥ꧀ꦥꦶꦕꦫꦤꦶꦥꦸꦤ꧀ꦚꦩ꧀ꦧꦸꦠ꧀ꦢꦩꦼꦭ꧀ꦥꦏꦼꦩ꧀ꦥꦭ꧀ꦭꦤꦤꦲꦥꦏꦼꦩ꧀ꦥꦭ꧀ꦭꦤ꧀ꦤꦶꦁꦠꦶꦠꦶꦪꦁꦤꦸꦁꦒꦶꦭ꧀ꦢꦩꦼꦭ꧀ꦲꦶꦁꦱꦧꦼꦤ꧀ꦢꦶꦤ꧀ꦠꦼꦤ꧀ꦤꦶꦥꦸꦤ꧀꧈ꦠꦸꦮꦶꦤ꧀ꦚꦸꦩꦼꦉꦥ꧀ꦥꦶꦥꦤꦶꦤ꧀ꦢꦏ꧀ꦏꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦏꦺꦴꦁꦒꦿꦺꦱ꧀ꦏꦺꦴꦁꦒꦿꦺꦱ꧀꧈ꦲꦶꦁꦒꦶꦃꦲꦶꦁꦥꦁꦒꦼꦤ꧀ꦤꦤ꧀ꦲꦶꦁꦏꦁꦲꦭꦶꦠ꧀ꦲꦭꦶꦠ꧀꧈ꦲꦶꦁꦥꦿꦺꦴꦥꦶꦤ꧀ꦱꦶꦱꦲꦲꦶꦁꦤꦒꦫꦶꦤꦒꦫꦶꦲꦶꦁꦏꦁꦲꦒꦼꦁꦲꦶꦁꦯꦶꦧꦺꦫꦶ꧈ꦲꦶꦁ꧇ Nowo-Nikolajesk ꦭꦤ꧀ꦲꦶꦁ Moskou꧉ꦠꦸꦮꦤ꧀ Baars ꦱꦸꦩꦼꦉꦥ꧀ꦥꦤꦶꦤ꧀ꦢꦏ꧀ꦏꦶꦁ Komintern ꦭꦤ꧀ Provintern ꦱꦲꦠꦼꦥꦁꦏꦭꦶꦪꦤ꧀ꦱꦮꦼꦤꦺꦃꦲꦶꦁꦥꦔꦚ꧀ꦗꦸꦂꦫꦶꦁꦥꦏꦼꦩ꧀ꦭ꧀ꦭꦤ꧀꧈ꦩꦏꦠꦼꦤ꧀ꦲꦸꦒꦶꦠꦼꦥꦁꦏꦭꦶꦪꦤ꧀ꦠꦶꦠꦶꦪꦁꦲꦶꦁꦏꦁꦱꦩꦶꦲꦥꦁꦏꦠ꧀ꦲꦭꦶꦠ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸ꧉ꦕꦼꦏꦏ꧀ꦏꦶꦥꦸꦤ꧀꧈ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸꦠꦸꦮꦤ꧀ Baars ꦧꦺꦴꦠꦼꦤ꧀ꦔꦼꦩꦸꦁꦔꦏꦼꦤ꧀ꦱꦱꦿꦮꦸꦁꦔꦤ꧀ꦏꦭꦶꦪꦤ꧀ꦥꦫꦥꦔꦒꦥꦔꦒꦼꦁꦔꦶꦁꦥꦩꦉꦤ꧀ꦠꦃꦲꦶꦁꦏꦁꦲꦶꦁꦒꦶꦭ꧀ꦥꦶꦪꦩ꧀ꦧꦏ꧀꧈ꦲꦤꦔꦶꦁꦲꦸꦒꦶꦱꦱꦿꦮꦸꦁꦔꦤ꧀ꦏꦭꦶꦪꦤ꧀ꦥꦫꦠꦤꦶ꧈ꦥꦫꦏꦲꦸꦩ꧀ꦧꦼꦫꦃꦭꦶꦩꦿꦃꦠꦸꦮꦶꦤ꧀ꦥꦫꦥꦸꦁꦒꦮꦲꦶꦁꦏꦁꦲꦭꦶꦠ꧀꧉
꧋ꦱꦱꦩ꧀ꦥꦸꦤ꧀ꦤꦶꦥꦸꦤ꧀ꦏꦺꦤ꧀ꦢꦼꦭ꧀ꦱꦏꦶꦁꦥꦏꦂꦪꦤ꧀ꦲꦶꦁ Kuzbass ꦏꦱ꧀ꦧꦸꦠ꧀ꦔꦶꦁꦒꦶꦭ꧀꧈ꦠꦸꦮꦤ꧀ Baars ꦧꦺꦴꦠꦼꦤ꧀ꦠꦸꦩꦸꦤ꧀ꦠꦼꦤ꧀ꦤꦶꦭꦂꦤꦒꦫꦶꦫꦸꦱ꧀ꦱꦢꦺꦫꦺꦁꦔꦶꦥꦸꦤ꧀ꦲꦤꦶꦔꦭ꧀ꦭꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦠꦼꦊꦁꦔꦶꦁꦏꦧꦸꦢꦶꦢꦪꦤ꧀ꦫꦸꦱ꧀ꦲꦶꦁꦗꦗꦃꦲꦤ꧀ꦭꦺꦥꦺꦤ꧀ Don꧉ꦧꦧ꧀ꦥꦸꦤꦶꦏꦲꦶꦁꦱꦼꦫꦠ꧀ꦱꦼꦫꦠ꧀ꦏꦧꦂꦠꦤ꧀ꦱꦃꦏꦕꦫꦶꦪꦺꦴꦱ꧀ꦱꦏꦼꦤ꧀ꦗꦭꦂꦫꦤ꧀ꦱꦏꦶꦁꦲꦺꦢꦶꦤꦶꦥꦸꦤ꧀꧉ꦠꦶꦠꦶꦪꦁꦫꦸꦱ꧀ꦥꦶꦪꦩ꧀ꦧꦏ꧀ꦱꦩꦶꦔꦿꦸꦩꦲꦺꦴꦱ꧀ꦱꦶꦲꦒꦼꦁꦩꦤꦃꦲꦶꦥꦸꦤ꧀ꦗꦭꦂꦫꦤ꧀ꦱꦏꦶꦁꦱꦲꦼꦤꦶꦁꦮꦺꦴꦃꦲꦶꦥꦸꦤ꧀ꦲꦶꦁꦏꦁꦱꦩ꧀ꦥꦸꦤ꧀ꦏꦠꦶꦤ꧀ꦢꦏ꧀ꦲꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸꦮꦲꦸ꧈ꦲꦩꦶꦭꦠꦸꦮꦤ꧀ꦨꦲꦂꦱ꧀*ꦏꦼꦚ꧀ꦕꦼꦁꦱꦼꦢꦾꦤꦶꦥꦸꦤ꧀ꦧꦝꦼꦚꦸꦩꦼꦉꦥ꧀ꦥꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦲꦶꦁꦔꦿꦶꦏꦸ꧉ꦮꦶꦮꦶꦠ꧀ꦮꦸꦭꦤ꧀ꦩꦉꦠ꧀ꦢꦸꦩꦸꦒꦶꦤꦶꦥꦸꦤ꧀ꦮꦸꦭꦤ꧀ꦤꦺꦴꦥꦺꦩ꧀ꦧꦼꦂ 1927 ꦠꦸꦮꦤ꧀ Baars ꦚꦩ꧀ꦧꦸꦠ꧀ꦢꦩꦼꦭ꧀ꦢꦢꦺꦴꦱ꧀ꦆꦤ꧀ꦱꦶꦚꦸꦂꦮꦺꦴꦤ꧀ꦠꦼꦤ꧀ꦲꦶꦁꦥꦒꦲꦺꦴꦠ꧀ꦠꦤ꧀ꦔꦼꦗꦺꦂꦠꦺꦴꦱ꧀ꦱꦤ꧀ꦲꦶꦁ Stalino꧈ꦱꦢꦺꦫꦺꦁꦔꦶꦥꦸꦤ꧀ꦒꦼꦒꦼꦂꦫꦤ꧀ꦲꦶꦁ Joesofka꧈ꦏꦭꦥꦸꦤꦶꦏꦒꦝꦃꦲꦤ꧀ꦤꦶꦥꦸꦤ꧀ꦠꦶꦪꦁꦆꦁꦒꦿꦶꦱ꧀ꦤꦩ꧇ Hughes꧉ꦥꦢꦩꦼꦭ꧀ꦭꦤ꧀ꦲꦶꦁꦔꦿꦶꦏꦸꦮꦲꦸꦩꦭꦃꦲꦩꦼꦮꦃꦲꦶꦥꦩꦁꦒꦶꦃꦲꦶꦥꦸꦤ꧀ꦠꦸꦮꦤ꧀ Baars ꦏꦱ꧀ꦧꦸꦠ꧀ꦔꦶꦁꦒꦶꦭ꧀꧉ꦩꦼꦁꦒꦃꦥꦩꦁꦒꦶꦃꦲꦶꦥꦸꦤ꧀ꦠꦸꦮꦤ꧀ Baars ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦌꦏꦺꦴꦤꦺꦴꦩꦶꦲꦶꦁꦔꦿꦶꦏꦸꦭꦭꦁꦏꦸꦁꦲꦮꦺꦴꦤ꧀ꦠꦶꦤꦶꦩ꧀ꦧꦁꦲꦶꦁꦗꦗꦲ
