꧋ꦥꦥꦁꦒꦶꦃꦲꦤ꧀ꦤꦶꦥꦸꦤ꧀ꦥꦫꦮꦮꦏꦶꦭ꧀ꦭꦶꦁꦱꦼꦫꦠ꧀ꦏꦧꦂꦏꦭꦶꦪꦤ꧀ꦏꦁꦗꦼꦁꦡꦸꦮꦤ꧀ꦲꦶꦁꦏꦁꦮꦶꦕꦏ꧀ꦱꦟꦓꦸꦥꦽꦤꦸꦂꦗꦺꦤ꧀ꦢꦿꦭ꧀꧉
꧋ꦏꦭꦠꦁꦒꦭ꧀ꦏꦥꦶꦁ 7 ꦲꦶꦁꦏꦁꦏꦥꦼꦁꦏꦼꦂꦥꦸꦤꦶꦏ꧈ꦲꦶꦁꦥꦸꦫꦢꦊꦩ꧀ꦏꦁꦗꦼꦁꦡꦸꦮꦤ꧀ꦲꦶꦁꦏꦁꦮꦶꦕꦏ꧀ꦱꦟꦓꦸꦥꦽꦤꦸꦂꦗꦺꦤ꧀ꦢꦿꦭ꧀ꦲꦶꦁꦮꦺꦭ꧀ꦠꦼꦥꦿꦺꦝꦼꦤ꧀ꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦥꦺꦉꦱ꧀ꦏꦺꦴꦤ꧀ꦥꦼꦫꦺꦤ꧀ꦱꦶ꧈ꦲꦶꦁꦒꦶꦃꦥꦸꦤꦶꦏꦥꦥꦁꦒꦶꦃꦲꦤ꧀ꦤꦶꦥꦸꦤ꧀ꦏꦁꦗꦼꦁꦡꦸꦮꦤ꧀ꦲꦶꦁꦏꦁꦮꦶꦕꦏ꧀ꦱꦟꦏꦭꦶꦪꦤ꧀ꦥꦫꦮꦮꦏꦶꦭ꧀ꦭꦶꦥꦸꦤ꧀ꦱꦼꦫꦠ꧀ꦱꦼꦫꦠ꧀ꦏꦧꦂ꧉ꦲꦶꦁꦔꦤ꧀ꦝꦥ꧀ꦥꦸꦤꦶꦏꦏꦠꦿꦁꦔꦤ꧀ꦱꦮꦠꦮꦶꦱ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦉꦩ꧀ꦧꦒꦽꦩ꧀ꦧꦒ꧀ꦲꦶꦁꦏꦁꦱꦩꦶꦏꦲꦸꦱꦸꦭ꧀ꦭꦏꦼꦤ꧀ꦮꦺꦴꦤ꧀ꦠꦼꦤ꧀ꦲꦶꦁꦔꦿꦶꦏꦸ꧇
꧋ꦧꦧ꧀ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦺꦉꦱ꧀ꦏꦺꦴꦤ꧀ꦥꦼꦫꦺꦤ꧀ꦱꦶ꧉ꦏꦛꦃꦥꦫꦲꦶꦁꦏꦁꦲꦔ꧀ꦭꦲꦶꦂꦫꦏꦼꦤ꧀ꦥꦩꦁꦒꦶꦃꦲꦶꦥꦸꦤ꧀ꦧꦺꦴꦠꦼꦤ꧀ꦲꦚꦺꦴꦕꦺꦴꦒ꧀ꦒꦶꦝꦠꦼꦁꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦥꦺꦉꦱ꧀ꦏꦺꦴꦤ꧀ꦥꦼꦫꦺꦤ꧀ꦱꦶꦮꦲꦸ꧉ꦲꦶꦁꦏꦁꦩꦏꦠꦼꦤ꧀ꦥꦸꦤꦶꦏꦠꦸꦩꦿꦥ꧀ꦲꦶꦁꦏꦁꦮꦶꦕꦏ꧀ꦱꦟꦱꦩ꧀ꦥꦸꦤ꧀ꦏꦥꦁꦒꦭꦶꦃꦊꦉꦱ꧀꧈ꦲꦤꦔꦶꦁꦲꦁꦱꦭ꧀ꦲꦁꦱꦭ꧀ꦭꦤ꧀ꦤꦶꦥꦸꦤ꧀꧈ꦥꦺꦉꦱ꧀ꦏꦺꦴꦤ꧀ꦥꦼꦫꦺꦤ꧀ꦱꦶꦮꦲꦸꦭꦁꦏꦸꦁꦲꦩꦶꦒꦸꦤꦤ꧀ꦤꦶꦠꦶꦤꦶꦩ꧀ꦧꦁꦱ꧀ꦮꦫꦤꦶꦁꦥꦫꦲꦶꦁꦏꦁꦱꦩꦶꦲꦔꦭꦁꦲꦭꦁꦔꦶꦲꦶꦁꦔꦗꦼꦁ꧈ꦤꦩꦸꦁꦏꦺꦩꦮꦺꦴꦤ꧀ꦥꦼꦂꦱ꧀ꦭꦃꦥꦼꦂꦱ꧀ꦭꦃꦲꦶꦥꦸꦤ꧀ꦏꦼꦢꦃꦢꦶꦥꦸꦤ꧀ꦠꦶꦠꦶꦥꦫꦶꦏ꧀ꦱꦫꦸꦩꦶꦪꦶꦤ꧀꧉ꦢꦺꦤꦺꦥꦺꦉꦱ꧀ꦏꦺꦴꦤ꧀ꦥꦼꦫꦺꦤ꧀ꦱꦶꦲꦶꦁꦔꦗꦼꦁꦏꦝꦮꦃꦲꦏꦼꦤ꧀ꦧꦺꦚ꧀ꦗꦶꦁꦠꦁꦒꦭ꧀ꦏꦥꦶꦁ 12 ꦎꦏ꧀ꦠꦺꦴꦧꦼꦂ꧉
꧋ꦱꦼꦢꦾꦤꦶꦥꦸꦤ꧀ꦥꦏꦼꦩ꧀ꦥꦭ꧀ꦭꦤ꧀ P.S.I ꦩꦶꦠꦸꦫꦸꦠ꧀ꦥꦔꦤ꧀ꦢꦶꦏꦢꦊꦩ꧀ꦲꦶꦁꦏꦁꦮꦶꦕꦏ꧀ꦱꦟ꧈ꦱꦼꦢꦾꦤꦶꦁꦱꦮꦼꦤꦺꦃꦲꦶꦥꦸꦤ꧀ꦥꦤꦸꦤ꧀ꦠꦸꦤ꧀ꦤꦶꦁꦥꦏꦼꦩ꧀ꦥꦭ꧀ꦭꦤ꧀ P.S.I. ꦥꦸꦤꦶꦏꦱꦩ꧀ꦥꦸꦤ꧀ꦏꦠꦶꦠꦶꦥꦿꦶꦏ꧀ꦱ꧈ꦱꦂꦠꦱꦭꦗꦼꦁꦔꦶꦥꦸꦤ꧀ꦠꦤ꧀ꦱꦃꦢꦶꦥꦸꦤ꧀ꦲꦸꦭꦠ꧀ꦠꦏꦼꦤ꧀ꦱꦔꦼꦠ꧀꧉ꦢꦸꦩꦸꦒꦶꦤꦶꦁꦱꦩꦁꦏꦺꦢꦺꦫꦺꦁꦏꦕꦼꦛ꧈ꦧꦶꦭꦶꦃꦥꦏꦼꦩ꧀ꦥꦭ꧀ꦭꦤ꧀ꦮꦲꦸꦧꦝꦺꦲꦔꦿꦶꦱꦏ꧀ꦏꦠꦼꦤ꧀ꦠꦽꦩ꧀ꦩꦤ꧀ꦤꦶꦁꦫꦏꦾꦠ꧀꧈ꦲꦩꦶꦭꦠꦸꦩꦿꦥ꧀ꦦꦩꦫꦺꦤ꧀ꦠꦃꦲꦶꦁꦒꦶꦃꦢꦺꦫꦺꦁꦮꦚ꧀ꦕꦶꦤꦶꦥꦸꦤ꧀ꦲꦤꦶꦤ꧀ꦢꦑꦏꦼꦤ꧀ꦥꦸꦤꦥꦥꦸꦤꦥ꧉ꦥꦫꦫꦺꦱꦶꦝꦺꦤ꧀ꦠꦸꦮꦶꦤ꧀ꦥꦫꦧꦸꦥꦠꦶꦲꦸꦒꦶꦱꦩꦶꦲꦔꦸꦤꦶꦁꦔꦤ꧀ꦤꦶ꧈ꦧꦶꦭꦶꦃꦧꦺꦴꦠꦼꦤ꧀ꦏꦊꦉꦱ꧀ꦱꦤ꧀꧈ꦠꦶꦤ꧀ꦢꦏ꧀ꦏꦶꦁꦥꦏꦼꦩ꧀ꦥꦭ꧀ꦭꦤ꧀ꦮꦲꦸꦱꦒꦼꦢ꧀ꦲꦔꦸꦮꦠꦺꦴꦱ꧀ꦱꦶ꧈ꦲꦤꦔꦶꦁꦲꦶꦁꦏꦁꦩꦏꦠꦼꦤ꧀ꦮꦲꦸꦤꦩꦸꦁꦠꦸꦩꦿꦥ꧀ꦱꦮꦠꦮꦶꦱ꧀ꦥꦁꦒꦺꦤ꧀ꦤꦤ꧀ꦲꦶꦁꦠꦤꦃꦗꦮꦶꦏꦺꦩꦮꦺꦴꦤ꧀꧈ꦏꦢꦺꦴꦱ꧀ꦠ꧇ꦲꦶꦁꦦꦿꦶꦪꦔꦤ꧀꧈ꦥꦸꦤꦶꦏꦱꦺꦴꦏ꧀ꦮꦺꦴꦤ꧀ꦠꦼꦤ꧀ꦥꦮꦂꦠꦺꦴꦱ꧀ꦲꦶꦁꦏꦁꦧꦺꦴꦠꦼꦤ꧀ꦚꦏꦺꦕꦑꦏꦼꦤ꧀꧈ꦲꦶꦁꦔꦿꦶꦏꦸꦮꦶꦮꦶꦠ꧀ꦏꦶꦤꦩꦶꦭ꧈ꦥꦚ꧀ꦕꦺꦤ꧀ꦥꦤ꧀ꦠꦼꦱ꧀ꦠꦤ꧀ꦱꦃꦢꦶꦥꦸꦤ꧀ꦲꦸꦭꦠ꧀ꦲꦸꦭꦠ꧀ꦠꦏꦼꦤ꧀꧉ꦩꦼꦁꦒꦃꦱꦗꦠꦺꦴꦱ꧀ꦱꦶꦥꦸꦤ꧀꧈ꦏꦺꦔꦶꦁꦢꦶꦥꦸꦤ꧀ꦮꦱ꧀ꦠꦤ꧀ꦤꦶ꧈ꦧꦶꦭꦶꦃꦫꦏꦾꦠ꧀ꦒꦺꦴꦭꦺꦴꦁꦔꦤ꧀ꦲꦒꦼꦁꦥꦸꦤꦶꦏꦠꦏ꧀ꦱꦶꦃꦮꦺꦴꦤ꧀ꦠꦼꦤ꧀ꦲꦶꦁꦱꦗꦮꦶꦤꦶꦁꦥꦼꦂꦒꦼꦫꦏ꧀ꦏꦤ꧀꧉ꦱꦩꦁꦏꦺꦦꦩꦫꦺꦤ꧀ꦠꦃꦧꦝꦺꦔꦼꦤ꧀ꦠꦺꦴꦱ꧀ꦱꦶꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦏꦺꦴꦁꦒꦿꦺꦱ꧀ P.S.I. ꦲꦶꦁꦦꦏꦭꦺꦴꦁꦔꦤ꧀ꦲꦶꦁꦏꦁꦧꦝꦺꦢꦶꦥꦸꦤ꧀ꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦥꦸꦤꦶꦏ꧉
꧋ꦏꦾꦲꦶꦕꦫꦶꦔꦶꦤ꧀꧉ꦩꦼꦁꦒꦃꦥꦿꦏꦮꦶꦱ꧀ꦱꦶꦥꦸꦤ꧀ꦏꦾꦲꦶꦲꦗꦶꦄꦱ꧀ꦤꦮꦶꦲꦶꦁꦕꦫꦶꦔꦶꦤ꧀꧈ꦩꦶꦠꦸꦫꦸꦠ꧀ꦝꦮꦸꦃꦢꦊꦩ꧀ꦲꦶꦁꦏꦁꦮꦶꦕꦏ꧀ꦱꦟ꧈ꦦꦩꦫꦺꦤ꧀ꦠꦃꦲꦩꦁꦒꦭꦶꦃꦧꦺꦴꦠꦼꦤ꧀ꦲꦸꦠꦩꦶ꧈ꦲꦸꦥꦩꦶꦏꦾꦲꦶꦮꦲꦸꦏꦥꦉꦁꦔꦮꦁꦱꦸꦭ꧀ꦝꦠꦼꦁꦨꦤ꧀ꦠꦼꦤ꧀ꦩꦭꦶꦃ꧉ꦧꦺꦴꦠꦼꦤ꧀ꦢꦔꦸꦩꦭꦶꦃꦧꦝꦺꦏꦮꦺꦴꦤ꧀ꦠꦼꦤ꧀ꦤꦏꦼꦤ꧀ꦏꦫꦩ꧀ꦥꦸꦁꦔꦤ꧀ꦲꦶꦁꦧꦧ꧀ꦲꦁꦒꦺꦤ꧀ꦤꦶꦥꦸꦤ꧀ꦔꦭꦁꦲꦭꦁꦔꦶꦮꦁꦱꦸꦭ꧀ꦭꦶꦥꦸꦤ꧀ꦏꦾꦲꦶꦲꦗꦶꦄꦱ꧀ꦤꦮꦶꦝꦠꦼꦁꦨꦤ꧀ꦠꦼꦤ꧀꧉
꧋ꦝꦺꦴꦏ꧀ꦠꦼꦂꦕꦶꦥ꧀ꦠꦩꦔꦸꦤ꧀ꦏꦸꦱꦸꦩ꧉ꦧꦧ꧀ꦥꦿꦏꦮꦶꦱ꧀ꦱꦶꦥꦸꦤ꧀ꦝꦺꦴꦏ꧀ꦠꦼꦂꦕꦶꦥ꧀ꦠ꧈ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦥꦸꦂꦱꦼꦠꦺꦭ꧀ꦧꦝꦺꦲꦚꦶꦁꦏꦶꦂꦫꦏꦼꦤ꧀ꦝꦺꦴꦏ꧀ꦠꦼꦂꦕꦶꦥ꧀ꦠꦮꦲꦸ꧈ꦲꦤꦔꦶꦁꦱꦩꦁꦏꦺꦢꦺꦫꦺꦁꦮꦺꦴꦤ꧀ꦠꦼꦤ꧀ꦥꦸꦠꦸꦱ꧀ꦱꦤ꧀ꦲꦶꦁꦏꦁꦩꦠꦺꦴꦤ꧀꧉
꧋ꦥꦿꦏꦮꦶꦱ꧀ꦱꦶꦥꦸꦤ꧀ꦥꦫꦱꦼꦠꦸꦝꦺꦤ꧀ꦆꦤ꧀ꦝꦺꦴꦤꦺꦱꦶꦪꦃ꧉ꦏꦁꦗꦼꦁꦠꦸꦮꦤ꧀ꦲꦶꦁꦏꦁꦮꦶꦕꦏ꧀ꦱꦟꦲꦤ꧀ꦝꦮꦸꦃꦲꦏꦼꦤ꧀ꦢꦺꦫꦺꦁꦮꦸꦤꦶꦁꦔꦠꦼꦫꦁꦩꦼꦁꦒꦃꦱꦧꦧ꧀ꦱꦧꦧ꧀ꦧꦶꦥꦸꦤ꧀꧈ꦢꦺꦤꦺꦥꦫꦱꦼꦠꦸꦝꦺꦤ꧀ꦆꦤ꧀ꦝꦺꦴꦤꦺꦱꦶ
