ꦤ꧀ꦱꦤꦢꦾꦤ꧀ꦱꦏꦶꦁꦱꦗꦮꦶꦤꦶꦁꦯꦸꦫꦏꦂꦠꦲꦶꦁꦒꦶꦃꦏꦛꦃ꧉ꦢꦺꦤꦺꦲꦢꦼꦒ꧀ꦒꦶꦁꦏ꧀ꦭꦶꦤꦶꦏ꧀ꦮꦲꦸꦏꦛꦃꦲꦶꦁꦏꦁꦱꦩꦶꦲꦩ꧀ꦧꦶꦪꦤ꧀ꦠꦸꦏꦁꦒꦺꦚꦤ꧀ꦠꦺꦴꦱꦏ꧀ꦲꦏꦼꦤ꧀꧈ꦩꦭꦃꦯꦩ꧀ꦥꦺꦪꦤ꧀ꦢꦊꦩ꧀ꦲꦶꦁꦏꦁꦯꦶꦤꦸꦲꦸꦤ꧀ꦏꦁꦗꦼꦁꦯꦸꦯꦸꦲꦸꦤ꧀ꦤꦤ꧀ꦲꦸꦒꦶꦏꦥꦉꦁꦲꦥꦫꦶꦁꦏꦢꦂꦩꦤ꧀ꦲꦂꦠ꧉
꧋ꦩꦶꦠꦸꦫꦸꦠ꧀ꦥꦥꦿꦶꦏ꧀ꦱꦤ꧀ꦤꦶꦁꦝꦺꦴꦏ꧀ꦠꦼꦂꦫꦢꦺꦤ꧀ ꦱꦸꦫꦠ꧀ꦩꦤ꧀꧈ꦲꦶꦁꦏꦁꦥꦶꦤꦁꦒꦶꦃꦮꦺꦴꦤ꧀ꦠꦼꦤ꧀ꦲꦶꦁꦯꦸꦫꦏꦂꦠ꧈ꦏꦛꦃꦠꦶꦪꦁꦲꦶꦁꦏꦁꦤꦤ꧀ꦝꦁꦱꦏꦶꦠ꧀ꦠꦿꦒꦸꦩ꧀꧈ꦲꦶꦁꦒꦶꦃꦥꦸꦤꦶꦏꦱꦮꦼꦤꦺꦃꦲꦶꦁꦱꦱꦏꦶꦠ꧀ꦩꦿꦶꦥꦠ꧀ꦲꦶꦁꦏꦁꦱꦒꦼꦢ꧀ꦤꦸꦭꦂ꧉
꧋ꦩꦶꦭꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦏ꧀ꦭꦶꦤꦶꦏ꧀ꦱꦱꦏꦶꦠ꧀ꦩꦿꦶꦥꦠ꧀ꦮꦲꦸ꧈ꦠꦸꦩꦿꦥ꧀ꦠꦶꦠꦶꦪꦁꦲꦶꦁꦯꦸꦫꦏꦂꦠꦫꦸꦩꦲꦺꦴꦱ꧀ꦩꦁꦒꦶꦃꦏꦧꦼꦒ꧀ꦗꦤ꧀ꦲꦒꦼꦁ꧉ꦥꦔꦗꦼꦁꦲꦗꦼꦁꦔꦶꦥꦸꦤ꧀꧈ꦩꦸꦒꦶꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦱꦱꦏꦶꦠ꧀ꦲꦶꦁꦏꦁꦏꦢꦺꦴꦱ꧀ꦩꦏꦠꦼꦤ꧀ꦮꦲꦸꦠꦸꦩꦸꦤ꧀ꦠꦼꦤ꧀ꦤꦱꦒꦼꦢ꧀ꦱꦶꦂꦤ꧉
꧋ꦏꦗꦮꦺꦤ꧀ꦲꦸꦒꦶꦠꦸꦩꦸꦠ꧀ꦩꦔꦪꦸꦧꦒꦾꦱꦔꦼꦠ꧀꧈ꦠꦸꦮꦶꦤ꧀ꦩꦸꦩꦸꦗꦶꦩꦸꦒꦶꦲꦢꦼꦒ꧀ꦒꦶꦁꦏ꧀ꦭꦶꦤꦶꦏ꧀ꦮꦲꦸꦱꦒꦼꦢ꧀ꦢꦢꦢꦺꦴꦱ꧀ꦗꦭꦂꦫꦤ꧀ꦏꦧꦸꦏꦤꦶꦁꦩꦤꦃꦲꦶꦥꦸꦤ꧀ꦠꦶꦠꦶꦪꦁꦲꦶꦁꦯꦸꦫꦏꦂꦠ꧈ꦱꦸꦩꦼꦉꦥ꧀ꦝꦠꦼꦁꦲꦗꦶꦤꦶꦁꦏꦱꦫꦱ꧀ꦱꦤ꧀꧈ꦲꦶꦁꦏꦁꦩꦶꦏꦤ꧀ꦠꦸꦏ꧀ꦏꦶꦏꦁꦒꦺꦔꦸꦢꦶꦝꦠꦼꦁꦏꦩꦗꦼꦁꦔꦤ꧀꧉ꦥꦸꦤꦥꦩꦭꦶꦃꦩꦸꦩꦸꦗꦶꦝꦠꦼꦁꦏꦱꦸꦒꦼꦁꦔꦤ꧀ꦤꦶꦥꦸꦤ꧀ꦥꦫꦲꦶꦁꦏꦁꦩꦤ꧀ꦝꦺꦒꦤ꧀ꦤꦶꦱꦢꦪ꧉ꦄꦩꦶꦤ꧀꧉
꧋ꦥꦮꦂꦠꦺꦴꦱ꧀ꦱꦏꦶꦁꦄꦢ꧀ꦩꦶꦤꦶꦱ꧀ꦠꦿꦱꦶ꧉
꧋ꦲꦶꦁꦏꦗꦮꦺꦤ꧀ꦎꦁꦏ 48 ꦠꦸꦮꦶꦤ꧀ 49 ꦏꦮꦿꦠ꧀ꦮꦫꦮꦫ꧇ꦱꦶꦤ꧀ꦠꦼꦤ꧀ꦲꦶꦁꦏꦁꦱꦒꦼꦢ꧀ꦲꦁꦱꦭ꧀ꦭꦁꦒꦤ꧀ꦤꦤ꧀ꦱꦏꦮꦤ꧀ꦲꦶꦗꦶ꧈ꦧꦝꦺꦏꦕꦲꦺꦴꦱ꧀ꦱꦤ꧀ꦏꦗꦮꦺꦤ꧀ꦭꦭꦲꦤ꧀ꦤꦤ꧀꧉ꦢꦺꦤꦺꦭꦩꦶꦤꦶꦥꦸꦤ꧀ꦲꦶꦁꦒꦶꦃꦩꦤꦸꦠ꧀ꦭꦩꦶꦤꦶꦁꦲꦁꦒꦺꦤ꧀ꦤꦶꦥꦸꦤ꧀ꦭꦁꦒꦤ꧀ꦤꦤ꧀ꦠꦶꦠꦶꦪꦁꦲꦶꦁꦏꦁꦢꦶꦥꦸꦤ꧀ꦊꦧꦼꦠ꧀ꦠꦏꦼꦤ꧀ꦮꦲꦸ꧉ꦱꦩꦁꦏꦺꦨꦭꦺꦥꦸꦱ꧀ꦠꦏꦱꦩ꧀ꦥꦸꦤ꧀ꦏꦛꦃꦲꦁꦒꦺꦤ꧀ꦤꦶꦥꦸꦤ꧀ꦤꦩ꧀ꦥꦺꦤ꧀ꦤꦶꦱꦼꦫꦠ꧀ꦱꦏꦶꦁꦱꦤꦏ꧀ꦱꦝꦺꦫꦺꦏ꧀ꦲꦶꦁꦏꦁꦱꦸꦩꦼꦢꦾꦢꦢꦺꦴꦱ꧀ꦲꦒꦺꦤ꧀꧈ꦲꦤꦔꦶꦁꦱꦼꦩꦸꦤꦶꦥꦸꦤ꧀ꦱꦢꦪꦮꦲꦸꦱꦩꦶꦢꦺꦫꦺꦁꦩꦔꦽꦠꦺꦴꦱ꧀ꦕꦼꦛꦩꦼꦁꦒꦃꦏꦗꦼꦁꦔꦶꦥꦸꦤ꧀ꦮꦫꦮꦫꦮꦲꦸꦏꦠꦶꦠꦶꦏ꧀ꦱꦏꦶꦁꦱꦼꦫꦠ꧀ꦱꦼꦫꦠ꧀ꦠꦶꦥꦸꦤ꧀꧈ꦤꦩꦸꦁꦤꦼꦫꦁꦔꦏꦼꦤ꧀ꦤꦩꦶꦤꦩꦶꦤꦶꦁꦠꦶꦪꦁꦲꦶꦁꦏꦁꦧꦝꦺꦢꦢꦺꦴꦱ꧀ꦭꦁꦒꦤ꧀ꦤꦤ꧀ꦛꦺꦴꦏ꧀꧈ꦢꦢꦺꦴꦱ꧀ꦧꦺꦴꦠꦼꦤ꧀ꦔꦁꦒꦺꦔꦶꦤ꧀ꦠꦸꦤ꧀ꦤꦏꦼꦤ꧀ꦪꦠꦿꦉꦒꦶꦤꦶꦁꦭꦁꦒꦤ꧀ꦤꦤ꧀꧉ꦩꦺꦴꦁꦏꦏꦗꦼꦁꦔꦶꦥꦸꦤ꧀ꦮꦫꦮꦫꦮꦲꦸ꧇ꦚꦸꦏꦤ꧀ꦤꦶꦭꦁꦒꦤ꧀ꦤꦤ꧀ꦢꦭꦃꦪꦠꦿꦤꦶꦥꦸꦤ꧀ꦥꦶꦱꦤ꧀꧉ꦲꦩꦶꦭꦏꦭꦪꦤ꧀ꦮꦫꦮꦫꦥꦸꦤꦶꦏ꧈ꦄꦢ꧀ꦩꦶꦤꦶꦱ꧀ꦠꦿꦱꦶꦚꦸꦮꦸꦤ꧀ꦝꦠꦼꦁꦥꦫꦲꦶꦁꦏꦁꦱꦩꦶꦏꦼꦥꦉꦁꦢꦢꦺꦴꦱ꧀ꦄꦒꦺꦤ꧀꧈ꦩꦸꦒꦶꦤꦼꦠꦼꦥ꧀ꦥꦫꦝꦠꦼꦁꦏꦸꦮꦗꦶꦧꦤ꧀ꦤꦶꦥꦸꦤ꧀꧈ꦲꦶꦁꦒꦶꦃꦥꦸꦤꦶꦏ꧇ꦚꦸꦏꦤ꧀ꦤꦶꦭꦁꦒꦤ꧀ꦤꦤ꧀ꦢꦭꦃꦪꦠꦿꦤꦶꦥꦸꦤ꧀ꦥꦶꦱꦤ꧀꧉ꦱꦧꦼꦤ꧀ꦒꦁꦱꦭ꧀ꦭꦁꦒꦤ꧀ꦤꦤ꧀꧈ꦲꦶꦁꦏꦁꦏꦼꦢꦃꦏꦧꦪꦂ 4꧈ꦢꦢꦺꦴꦱ꧀ꦲꦶꦁꦏꦁ ꦒꦿꦠꦶꦱ꧀꧈ꦩꦶꦤꦺꦴꦁꦏꦥꦶꦠꦸꦮꦱ꧀ꦱꦶꦁꦲꦒꦺꦤ꧀꧉
꧋ꦏꦗꦮꦶꦥꦸꦤꦶꦏꦔꦠꦸꦂꦫꦶꦲꦸꦤꦶꦁꦔ꧈ꦧꦶꦭꦶꦃꦤꦭꦶꦏꦠꦁꦒꦭ꧀ꦏꦥꦶꦁ 23 ꦏꦥꦼꦁꦏꦼꦂꦥꦸꦤꦶꦏ꧈ꦄꦢ꧀ꦩꦶꦤꦶꦱ꧀ꦠꦿꦱꦶꦱꦩ꧀ꦥꦸꦤ꧀ꦔꦶꦤ꧀ꦠꦸꦤ꧀ꦤꦏꦼꦤ꧀ꦧꦼꦭꦁꦏꦺꦴꦥꦺꦴꦱ꧀ꦮꦶꦱꦼꦭ꧀ꦝꦠꦼꦁꦥꦫꦥꦿꦪꦤ꧀ꦠꦸꦤ꧀ꦭꦁꦒꦤ꧀ꦤꦤ꧀꧈ꦩꦶꦤꦺꦴꦁꦏꦥꦩꦼꦛꦸꦏ꧀ꦏꦶꦁꦪꦠꦿꦭꦁꦒꦤ꧀ꦤꦤ꧀ꦠꦸꦩꦿꦥ꧀ꦏꦸꦮꦂꦠꦭ꧀ I ꦔꦗꦼꦁꦥꦸꦤꦶꦏ꧉ꦲꦩꦿꦶꦃꦱꦩ꧀ꦥꦸꦤ꧀ꦲꦤ꧀ꦝꦠꦼꦁꦔꦏꦼꦤ꧀ꦏꦥꦶꦠꦸꦤ꧀ꦤꦤ꧀ꦔꦿꦶꦏꦔꦿꦶꦏꦶꦗꦭꦂꦫꦤ꧀ꦏꦠꦼꦭꦱ꧀ꦱꦤ꧀ꦏꦗꦮꦺꦤ꧀꧈ꦥꦫꦥꦿꦪꦤ꧀ꦠꦸꦤ꧀ꦩꦸꦒꦶꦏꦼꦥꦉꦁꦔꦔꦶꦤ꧀ꦠꦸꦤ꧀ꦤꦏꦼꦤ꧀ꦪꦠꦿꦭꦁꦒꦤ꧀ꦤꦤ꧀ꦮꦲꦸꦲꦶꦁꦱꦊꦧꦼꦠ꧀ꦠꦶꦥꦸꦤ꧀ꦮꦸꦭꦤ꧀ꦗꦤꦸꦮꦫꦶ 1928 ꦔꦗꦼꦁꦥꦸꦤꦶꦏ꧉
ꦨꦭꦺꦥꦸꦱ꧀ꦠꦏꦮꦺꦭ꧀ꦠꦼꦦꦿꦺꦝꦼꦤ꧀꧈
