Page:Kajawen 52 1927-12-29.pdf/14

꧋ꦧꦧ꧀ꦥꦶꦒꦸꦤꦤꦶꦁ​ꦲꦸꦭꦃ​ꦫꦒ꧉​

꧋ꦏꦭ​ꦫꦸꦩꦶꦪꦶꦤ꧀꧈​ꦩꦼꦁ​ꦒꦃꦲꦶꦁ​ꦥꦩꦸꦭꦁ​ꦔꦤ꧀ꦥꦩꦸꦭꦁ​ꦔꦤ꧀ꦲꦤ꧀ꦝꦥ꧀ꦢꦺꦫꦺꦁ​ꦮꦺꦴꦤ꧀ꦠꦼꦤ꧀ꦥꦱꦶꦤꦲꦺꦴꦤ꧀ꦲꦸꦭꦃ​ꦫꦒ꧈​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦤꦩꦸꦁ​ꦭꦸꦒꦸ​ꦱꦶꦤꦲꦸ​ꦲꦸꦭꦃ​ꦥꦶꦏꦶꦂ​ꦛꦺꦴꦏ꧀꧈​ꦲꦺꦮꦢꦺꦤꦺ​ꦠꦸꦩꦿꦥ꧀ꦥꦩꦁ​ꦒꦶꦃꦲꦶꦥꦸꦤ꧀ꦠꦶꦪꦁ​ꦲꦶꦁ​ꦏꦁ​ꦱꦩ꧀ꦥꦸꦤ꧀ꦲꦤ꧀ꦢꦸꦁ​ꦏꦥ꧀ꦝꦠꦼꦁ​ꦫꦲꦺꦴꦱ꧀ꦱꦶꦁ​ꦲꦸꦭꦃ​ꦫꦒ꧈​ꦱꦩ꧀ꦥꦸꦤ꧀ꦱꦒꦼꦢ꧀ꦲꦩꦱ꧀ꦠꦤꦶ​ꦧꦶꦭꦶꦃ​ꦩꦸꦫꦶꦢ꧀ꦩꦸꦫꦶꦢ꧀ꦱꦼꦏꦺꦴꦭꦃ​ꦥꦸꦤꦶꦏ​ꦥꦿꦱꦱꦠ꧀ꦱꦩ꧀ꦥꦸꦤ꧀ꦲꦸꦭꦃ​ꦫꦒ​ꦱꦧꦼꦤ꧀ꦢꦶꦤ꧀ꦠꦼꦤ꧀꧈​ꦲꦶꦁ​ꦒꦶꦃ​ꦥꦸꦤꦶꦏ​ꦏꦥꦶꦫꦶꦢ꧀ꦢꦏꦼꦤ꧀ꦱꦏꦶꦁ​ꦲꦗꦼꦒ꧀ꦒꦶꦁ​ꦠꦶꦤ꧀ꦢꦏ꧀ꦏꦶꦥꦸꦤ꧀꧈​ꦠꦶꦊꦩ꧀꧈​ꦠꦔꦶ꧈​ꦲꦢꦸꦱ꧀꧈​ꦭꦗꦼꦁ​ꦭꦸꦩꦩ꧀ꦥꦃ꧈​ꦥꦸꦤꦥꦢꦺꦤꦺ​ꦤꦼꦝꦤꦶꦥꦸꦤ꧀ꦱꦩꦶ​ꦲꦗꦼꦒ꧀꧉​ꦩꦶꦭ​ꦩꦼꦁ​ꦒꦃꦲꦶꦁ​ꦩꦸꦫꦶꦢ꧀ꦩꦸꦫꦶꦢ꧀ꦱꦼꦏꦺꦴꦭꦃ꧈​ꦧꦢꦤ꧀ꦤꦶꦥꦸꦤ꧀ꦲꦶꦁ​ꦒꦶꦃ​ꦱꦩꦶ​ꦱꦫꦱ꧀ꦱꦫꦱ꧀꧉​ꦥꦔꦶꦤ꧀ꦠꦼꦤ꧀ꦩꦏꦠꦼꦤ꧀ꦮꦲꦸ​ꦲꦶꦁ​ꦒꦶꦃ​ꦱꦩ꧀ꦥꦸꦤ꧀ꦮꦺꦴꦤ꧀ꦠꦼꦤ꧀ꦲꦺꦩ꧀ꦥꦼꦂꦫꦶꦥꦸꦤ꧀ꦱꦏꦼꦝꦶꦏ꧀꧈​ꦠꦶꦤ꧀ꦢꦏ꧀ꦠꦤ꧀ꦢꦸꦏ꧀ꦱꦧꦼꦤ꧀ꦢꦶꦤ꧀ꦠꦼꦤ꧀ꦲꦶꦁ​ꦏꦁ​ꦲꦗꦼꦒ꧀ꦥꦸꦤꦶꦏ​ꦲꦶꦁ​ꦒꦶꦃ​ꦤꦩ​ꦲꦸꦭꦃ​ꦫꦒ꧈​ꦤꦔꦶꦁ​ꦩꦤꦮꦶ​ꦢꦶꦥꦸꦤ꧀ꦠꦶꦩ꧀ꦧꦁ​ꦏꦭꦶꦪꦤ꧀ꦲꦶꦁ​ꦏꦁ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ​ꦲꦸꦭꦃ​ꦫꦒ​ꦪꦼꦏ꧀ꦠꦺꦴꦱ꧀꧈​ꦥꦸꦤꦶꦏ​ꦭꦗꦼꦁ​ꦧꦺꦢ​ꦱꦔꦼꦠ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀꧈​ꦲꦮꦶꦠ꧀ꦲꦶꦁ​ꦏꦁ​ꦤꦩ​ꦲꦸꦭꦃ​ꦫꦒ​ꦥꦸꦤꦶꦏ​ꦲꦶꦁ​ꦒꦶꦃ​ꦲꦶꦁ​ꦏꦁ​ꦏꦼꦠꦶꦔꦭ꧀ꦲꦁ​ꦒꦺꦤ꧀ꦤꦶꦁ​ꦔꦸꦭꦃꦲꦏꦼꦤ꧀ꦫꦒꦤꦶꦥꦸꦤ꧀꧉​

꧋ꦢꦔꦸ​ꦢꦔꦸ​ꦭꦗꦼꦁ​ꦮꦺꦴꦤ꧀ꦠꦼꦤ꧀ꦕꦫꦤꦶꦁ​ꦭꦫꦺ​ꦒꦤ꧀ꦝꦸꦭ꧀ꦭꦤ꧀꧈​ꦔꦁ​ꦏꦠ꧀ꦲꦮꦿꦠ꧀꧈​ꦥꦸꦤꦶꦏ​ꦠꦼꦠꦼꦥ꧀ꦤꦩ​ꦲꦸꦭꦃ​ꦫꦒ꧈​ꦤꦔꦶꦁ​ꦲꦸꦭꦃ​ꦫꦒ​ꦲꦶꦁ​ꦏꦁ​ꦏꦢꦺꦴꦱ꧀ꦩꦏꦠꦼꦤ꧀ꦮꦲꦸ​ꦤꦩꦸꦁ​ꦠꦸꦮꦸꦃ​ꦱꦏꦶꦁ​ꦏꦗꦼꦁ​ꦔꦶꦁ​ꦭꦫꦺ​ꦥꦶꦪꦩ꧀ꦧꦏ꧀꧈​ꦮꦺꦴꦤ꧀ꦠꦼꦤ꧀ꦤꦶꦥꦸꦤ꧀ꦠꦏ꧀ꦱꦶꦃ​ꦩꦤꦱꦸꦏ꧉​

꧋ꦲꦶꦁ​ꦔꦶꦁ​ꦒꦶꦭ꧀ꦥꦸꦤꦶꦏ​ꦒꦩ꧀ꦧꦂꦫꦶꦥꦸꦤ꧀ꦥꦫ​ꦩꦸꦫꦶꦢ꧀ꦏꦸꦂꦱꦸꦱ꧀ꦒꦸꦫꦸ​ꦝꦸꦱꦸꦤ꧀ꦲꦶꦁ​ꦏꦼꦂꦡꦱꦤ​ꦱꦩꦶ​ꦲꦸꦭꦃ​ꦫꦒ꧉​ (keterangan foto)

꧋ꦲꦶꦁ​ꦱꦥꦸꦤꦶꦏ​ꦭꦗꦼꦁ​ꦮꦺꦴꦤ꧀ꦠꦼꦤ꧀ꦲꦸꦭꦃ​ꦫꦒ​ꦲꦶꦁ​ꦏꦁ​ꦧꦏꦸ​ꦏꦁ​ꦒꦺ​ꦩꦸꦭꦁ​ꦲꦸꦭꦃ​ꦫꦒꦤꦶꦁ​ꦥꦫ​ꦩꦸꦫꦶꦢ꧀ꦱꦼꦏꦺꦴꦭꦃ꧈​ꦲꦶꦁ​ꦏꦁ​ꦢꦶꦥꦸꦤ꧀ꦮꦱ꧀ꦠꦤ꧀ꦤꦶ​ꦲꦸꦭꦃ​ꦫꦒ​ꦕꦫ​ꦱ꧀ꦮꦶꦢ꧀꧉​ꦩꦼꦁ​ꦒꦃ​ꦕꦫꦤꦶꦁ​ꦲꦸꦭꦃ​ꦫꦒ​ꦮꦲꦸ​ꦏꦼꦠꦶꦔꦭ꧀ꦱꦔꦼꦠ꧀ꦲꦺꦧꦃ​ꦲꦺꦧꦃꦲꦶꦁ​ꦧꦢꦤ꧀ꦱꦏꦺꦴꦗꦸꦂ꧈​ꦭꦤ꧀ꦏꦮꦺꦴꦤ꧀ꦠꦼꦤ꧀ꦤꦤ꧀ꦤꦶꦥꦸꦤ꧀ꦩꦶꦏꦤ꧀ꦠꦸꦏ꧀ꦏꦶ​ꦱꦪꦼꦏ꧀ꦠꦺꦴꦱ꧀꧉​