ते ७,०३० किग्रॅ./सेंमी., ह्या दरम्यान आसता. धव्या बिडाचेर उश्णता संस्करण करून वर्धनशील बीड तयार करतात.
गांठी आशिल्लें बीड: हाका तन्य बीड अशेंय म्हण्टात.वितळिल्लें गांठीचें बीड सरळ वर्धनशील प्रकारच्या ओतिवांत रुपांतरित जाता आनी तेखातीर उश्णता संस्करणाची गरज आसता.
संवसारीक उत्पादन:लोखण आनी तिख्या उद्देगांतलें म्हत्वाचें काम म्हळ्यार झोतभट्टेंत पिग लोखण तयार करप आनी झोतभट्टेखातीर धातुक, इंधन,चुनखडी आनी उदक हांचे भरपूर पुरवठो गरजेचो आसता. सद्दा संवसारभर लोह धातुकाचो आनी अमेरिकेंतल्या अस्तंत व्हर्जेनियांतल्या कोळशाचो उपेग करतात.सहसा कोळशाचे आनी धातुकाचे साठे लागीं लागीं आसनात. तेखातीर ते लोखणनिर्मिती केंद्राकडे व्हांवोवन व्हरपाखातीर उदका येरादारी ही सगळ्यांत बरी आनी उण्या खर्चाची पद्दत अशें दिसून आयिल्ल्यान चडशे लोखणाचे आनी तिख्या उद्देग देगेवयल्या वाठारांनी करप जातात. अमेरिकेंतल्या संयुक्त संस्थानांतलीं म्हत्वाचीं तिख्या निर्मितीचीं केंद्रां आयात धातुक सहजपणान देंवोवपाक मेळटलीं आनी पोलादाची मोड भरपूर प्रमाणांत उपलब्ध जातली अशा अस्तंत आनी उदेंत किना-याचेर आसात.
तिख्या उत्पादन सत्तरांपरस चड देशांत जाता. १९८० उपरांतच्या दशकाचे सुरवातीक कच्च्या तिख्याचें संवसारीक वर्सुकी उत्पन्न सुमार ७८ कोटी टन आशिल्लें. तातुंतलें सुमार १४.८ कोटी टन रशियाचें, ११ कोटी टन अमेरिकेच्या संयुक्त संस्थानाचें आनी ११.१ कोटी टन जपानाचें आशिल्लें. तेभायर युरोपीय अर्थीक संघांतल्या देशाचें वट्ट उत्पादन १२.७ कोटी टन आशिल्लें.
वेगवेगळ्या देशांतल्या पिग लोखणाचें उत्पादन (हजार टनांत)
_By_Country_Part_1.png)
_By_Country_Part_2.png)
अमेरिकेच्या संयुक्त संस्थानांतल्यो २०० परस चड कंपन्यो लोखण आनी तिख्या उद्देगांत आसात. हातुंतल्यो चडशो कंपन्यो लाटून वा घडोवन वस्तू तयार करपाखातीर लागपी कच्च्या तिख्याचें उत्पादन करतात. जाल्यार हेर कंपन्यो कच्च्या पोलादापसून वा अर्धरुपण केल्ल्या तिख्यापासून अंत्यरूपण केल्ल्यो वस्तू तयार करतात.
दुस-या म्हाझुजाच्या निमाणें अमेरिकेच्या संयुक्त संस्थानाचो संवसारीक तिख्या उत्पादनाचो वांटो अर्दापरस चड आशिल्लो. पूण उपरांत तो उणो जायत गेलो. १९८० म्हळ्यार ह्या देशाचो संवसारांतल्या तिख्याउत्पादनांतलो वट्ट वांटो फकत १५ टक्क्यांपरस मातसो चड आशिल्लो. ह्या काळांत हांगाच्या तिख्या उद्दयोगाक जायत्या अंतर्गत आनी परकी प्रस्नांक तोंड दिवचें पडलें. १९८० उपरांतच्या दशकाचे सुरवेक हांगा वापरांत येवपी कच्च्या पोलादांतलें सुमार २०% आयात करताले. हाचेर उपाय करपाखातीर तांणी पोरणी यंत्रां आनी फायदेशीर
