प्रशीतिंत वा गरम उदक वापरतात.हवा थंड वा गरम करपाची यंत्रणा मध्यवर्ती आसता.उदकाचें आकारमान कमी आशिल्ल्यान नळयांचें आकारमान ल्हान आसता.हवा वाहिन्यांचें आकारमान त्यामानान खुबच व्हड आसाता.हातुंत दर एका वातानुकूलीत जागेचें स्वतंत्रपणान नियंत्रण करपाक येता.
मध्यवर्ती संपीडक आनी संघनक आशिल्ली पध्दत वातानुकुलित जागेंत नलिका/वलय शीतकांत रसायनीक प्रशीतकाच्या बाश्पीभवनाकलागुन हवा थंड जाता.द्रव्य प्रशीतक दर एके जागेक नळयांतल्यान दितात आनी बाश्प प्रशीतक संपीडक शोशून घेता. ताचो दाब वाडटा.संघनकांत तातुंतली उश्णता काडून घेवन ताचो द्रव करतात.शीतक वेवस्थेंतलो संपीडक आनी संघनक मध्यवर्ती जाग्याचेर बसयल्लो आसता.दर एका वातानुकूलित जागेंत प्रशीतकाचो दाब कमी करपाखातीर आनी ताचें प्रमाण नियंत्रीत करपाखातीर नियंत्रक झडप आसता. ताका लागून दर एक जागेंतले हवेचे गुणधर्म गरजेचे अशे जागच्या जाग्यारच थरपाक शकतात.
ल्हान स्वयंपूर्ण वातानुकूल संच-ल्हान स्वयंपूर्ण वातानुकूलन संच पेटयेभशेन आसता.
हातूंत वातानुकूलित जागेतली हवा पंख्य़ाच्या(४)आदारान प्रवेश दारातल्यान(१)भितर ऒडटा.हवा भितर येतना गाळणेंतल्यान येता देखुन ती शुध्द जाता.बाशपकारकांत(३)द्रव प्रशीतकाचें बाश्पीभवन जायत आसता.ताकालागून बाश्पीभवनाक लागपी उश्णता ताचेवयल्यान वचपी हवेतल्यान काडून घेता आनी हवा थंड जाता.शुध्द आनी थंड हवा निर्गम दारांतल्यान(५)वातानुकूलित जागेत परत वता.प्रसरण झडपेक लागून(१२)द्रव प्रशीतकावयलो दाब कमी जाता आनी प्रशीतकाचें प्रसरण जाता.संपीडक(६)बाश्प प्रशीतक बाश्पकारकांतल्यान शोशून घेता आनी ताचे वयलो दाब वाडयता.संघनकात बाश्प प्रशीतकाचो द्रव जाता आनी प्रशीतकाचे प्रसरण झडपेकडेन येता.संघनकांत उश्णता काडून घेवपाखातीर वातावरणांतली हवा पंख्याच्या(७)आदारान प्रवेश दारांतल्यान (९)घेवन निर्गम दारांतल्यान (१_)परत -वातावरणांत सोडता.आकृतीवयल्यान पेटयेचे दोन भाग आसात म्हणपाचें कळटा.तातुंतली एक झडप (११)आसता.वायुवीजनाखातीर भायली हवा घेवपाची आसल्यार तातुंतल्यान घेतात.बाश्पकारकाचो भाग वातानुकूलित जागेंत आसता,जाल्यार संपीडकाचो भाग भायर आसता.
वात्रटिकाːएक हलको फुलको विनोदी काव्यप्रकार.अस्तंतीˈलिमरकˈह्या पद्दप्रकाराचो मराठी अवतार म्हळ्यार वात्रटिका.सादारणपणान चार-पांच ऒळींत चमचमीत विनोदी कल्पना वा चुटको वात्रटिकेंत आस्पावतात.आशय़ाचे वा कल्पनाविस्ताराचे नदरेन केन्ना केन्नाय स ते आठ ऒळींचीय वात्रटिका आसता. ह्या काव्यप्रकाराचें मूळ जरी कोणाक खबर नासलें,तरी एम्.रसेल एस्. जे हाणीं लीअरिक(Learic)हें उतर एडवर्ड लीयरच्या नांवावयल्यान तयार केलां.ताचे वयल्यानच लिमरेक आयलें आसुंये.हो मूळांत पोरनो फ्रेंच काव्यप्रकार आसुयें.तो आयरिश सैनिकांनी फ्रेंच झुजां सावन परततना १७०० च्या दरम्यान आयर्लंडांत हाडलो जावं येता.फ्रेंच आनी आय़रिश सैनिक लिमरिक म्हण्टना एकठांय येताले.तातुंत तांच्यो बरांकींत बर्योच लिमरिक काव्यरचना जल्माक आय़ल्यो.लिमरिक हें आय़र्लंडचे अस्तंत देगेवयलें एक मुखेल बंदर.ह्या बंदरावयल्यान लिमरिक हें नांव आयलां,अशीय एक उपपत्ती आसा.लँगफर्ड रीडान ह्या शाराचेरय एक लिमरिक बरयल्या ती अशी- All hail is the town of Limerick, Which provides a cognomen, generic, For a species of verse which for better or worse,
