म्हाळसापती साईबाबाक शिर्डींत हाडून ताची रावपाची वेवस्था केली. जिवीताच्या अखेरमेरेन सईबाबा थंयच रावलो. साईबाबा थंय रावल्या उपरांत रोखडोच जाण्ट्या तशेंच भुरग्यांक ताच्या आगळ्या- वेगळ्या सामर्थ्याचो अणभव आयलो आनी ते ताची भक्ती करपाक लागले.
सईबाबाच्या फकिरपणाक लागून ताका सामान्य पणान दत्तात्रयाचो अवतार समजताले. पूण ताणें मात कोणाकच दत्तोपासना सांगूंक ना. तो रामोपासक आशिल्लो. प्रसंगाप्रमाण तो कोणाकय शंकराची तर कोणाक हनुमंताची, जाल्यार कोणाक रामाची भक्ती करपाचो उपदेश करतालो. जायतीं अजापां करून लोकांक लक्ष देवाचो भक्तीक लावपाचो तो यत्न करतालो. भक्तीमार्गावांगडाच ताचे संबंद देवी सामरथ्याच्योय कथा सांगपा जाता. एक दिस दुकानदारान पण्टेंत घालपाक तेल दिवंक ना म्हण ताणें फक्त उदकच घलून पण्टी पेटयली आनी लोकांक अजापान उडयले. तशेंच जायत्या जाणांचीं सारिरीक दुखणींय ना केलीं कांय जाण्यांच्यो पिशाचबाधा काडल्यो तर खूब जाणांक धन- धान्य मेळोवन दिलें.
साईबाबा ज्या जाग्यार रावतालो तो द्वारकामाई अशें म्हण्टालो. थंय सदांच एक धुंवरी पेटिल्ली आसताली. ते धुंवरेंतली बिबूत तो लोकांक प्रसाद म्हणून दितालो.
साईबाबा गावांत भीक मागून पोट भरतालो. सुणीं, गाढवां, बेवरशी जनावरां, अनाथ- अपंग, प्डेस्त लोक ह्या सगळ्यांचेर तो माया करतालो.
सईबाबान जायत्या जाणांक आपल्या मायेन, वाकेन्नाय भय घलून, केन्नाय बऱ्यापणान समजावन, जाल्यार केन्ना- केन्ना फक्त हाताच्या स्पर्शान जायत्या जाणांक परमारर्थाक लायले. सगळ्याकडेन समबावान पळोवंचे आनी नीतीन वागचें अशी ताची शिकवण आशिल्ली.वर्हाडचे दादासाहेब खापर्डे, संतकवी दासगणू, साकोरीचे उपासनीय बाबा ही सगळी साईबाबाची शिश्यमंडळी.
१५ ऑक्टोबर १९१८ ह्या दिसा साईबाबा शिर्डीक निजधामाक गेलो. ताच्या निर्णया उपरांत शिर्डीक ताचें व्हडले समाधी देवूळ बांदला. ताचीं चरीत्रां छापून काडल्यांत आनी ताच्या जिवीताचेर चित्रपटूय काडल्या. थंय यात्रा करप्यांक, रावपाची आनी जेवणाची वेवस्थआ केल्ली आसा. सद्याक तें भारतांतसें एक पूण्यक्षेत्र जाला. तशेंच महाराष्ट्र आनी गोंया राज्यानी सईबाबाचीं जायतीं ल्हान व्हड देवळां बांदल्यात.
साउदी अरेबिया: अरबी द्वीपकाल्पांतलो एक सग्यांत व्हडलो आनी संवसारांतलो खनिज तेलाचें सग्यांत चड उत्पादन करपी देश. क्षेत्रफळ २,१४९,६९० चौ. किमी. देशाची चडांत चड उदेंत- अस्तंत लांबाय २,०७६ किमी., जाल्यार उत्तर- दक्षिण रुंदाय १,८४३ किमी. ह्या देशांम अरबी द्वीपकल्पाचो सुमार ७०% भाग रेवडिल्लो आसून, ताचे सस्तंतेक तांबडो द्रया, उदेंतेक गल्फ आनी युनायटेड अरब एमीरेट, उत्तरेक जॉर्डन, इराक आनी क्युबॅट जाल्यार दक्षिण येमेन आनी ओमान हे देश आसात. रियाद हें देशाचें राजपाटण.
भूंयवर्णन:देशाची चडशी भंय सुकी आनी वसू सड्याची आसून अस्तंतेकडच्या उदेंतेकडेन ती देंवत गेल्या. साउदी अरेबियांत सदां व्हांवपी न्हंयो वा हेर कसलेच प्रवाळ नात. पावसा दिसांनी सुक्या देगणांनी (वादी) उदक साठवता. पूण तें रोकडेच चमनींत जिरता.
भूंयरचणुकेचे नदरेन देशाचो वेगवेगळे पांच वांटे केल्यात अशें-(१)अस्तंतेकडचो उंच भाग (२) मदेवर्ती सडो (३) उत्तरेकडचो रेंवांट प्रदेश (४) रब अल् खाली आनी (५) उदेंतेकडचो सखल भाग.
अस्तंतेकडचो उंच भाग तांबड्या दर्याचे देगेर आसा. त्या भागाच्या उत्तरेकडचेया वाठाराक हेजाझ जाल्यार दक्षिणेकडल्यो वाठाराक असीर म्हण्टात. हेजाझ बागांत ल्हान ल्हान फातरी तेमकांवा दोंगुल्ल्यो दर्यांतल्यान वयर सरल्यात. हजाझ आनी असीर हे उंच भाग तिहीमा ह्या अशीर सपाट भागान दर्यादेगेसावन वेगळे केल्यात. असीर हो साउदी अरेबियेंतलो सगळ्यांत पिकाळ भाग. असीर ह्या भागांतल्या सगळ्यांत उंचेल्या तेमकाची उंचाय २,७०० मी. आसा.
देशांतलो मदेव्रती सडो (नाझ्द) हो हेजाझ आनी असीर पर्वतांचो उदेंतेकडलो कमी उंचायेचो भाग. ह्या फातरी सड्याचेर कांयकडेन पिकाळ ओली जमीन (Oasia) मेळटा. पावसाचो शिंवर पडटा तेन्ना ह्या भागांत कुडक्या- कुडक्यांनी तण वाडटा. रीयाद हें ह्या भागांतलें सगळ्यांत व्हडलें शार.
मदेवर्ती सड्याचेर उत्तरेक रेंवाट प्रदेश आसा. ह्या प्रदेशांत लोकवसती साप उणी आसून, थंय खूब रेंवेच्यो सुळक्यो आसात. तांकां अन् नफूद अशें म्हण्टात.
रब अल् खाली हो देशाचे दक्षिणेक आशिल्लो एक व्हड रेंवट भाग. ह्या भागान देशाचो ६४७,५०० चौ. किमी. आवांठ रेवडिला. रब अल् खली म्हळ्यार वसू भाग नेचान येवपी वाऱ्याक लागून हांगा रेंवेच्यो उंच सुळक्यो तयार जाल्यात. कांय वेळेच्यो सुरक्यो ३०० मिटरापरस उंच आसा.
उदेंतेकडच्या सखलभागाक हासा अशेंय म्हणटात. हो भाग परसियन आखाताचेर वसला.. ह्या भागाच्या दर्यादेगांनी मिठाचो थर सांचल्यात. हो भाग मुखेलपणान रेंव आनी शेंक्रो हांचेपासून तयार जाला. संवसारांतल्या सगळ्यांत व्हडलो खनिज तेलाचो सांठो ह्या भागांत सांपडल्यात. ह्या भागांत खूब पिकाळ ओलसाणीचो वाठार
