आनी बरोच मार दिवन एक आठवडो बेडी घालून बंदखणींत दवरिल्लो शिवाय ताणें आपल्या हेर इश्टांचीं नांवां सांगचीं म्हणून ताका रगत ओंकसर बरोच त्रास दिलो हाकालागून ताका मागीर शस्त्रक्रिया करची पडली उपरांत गोंयाक सुटका मेळसर तो बंदखणींत आशिल्लो नबंदखणींत ताका बरेच खर शारिरीक त्रास दिल्ल्यान ताच्या मनाचेर आनी शरिराचेर बरोच ताण पडिल्लो १९७५ वर्सा भारत सरकारान ताका ताम्रपत्र दिवन ताचो भोवमान केला ताणें एकनाथ गोडेकार,रामा केरकार,मधुकर फळारी,गुरुदास चोडणकार,श्रीरंग फळारी,गुरुदास फळारी पुरुषोत्तम वळवयकार शिवा हळर्णकार भिकाजी नायक्ल अकुंश केरकार आनी विनायक सुर्लकार हांच्या वांगडा काम केलां
-कों वि सं मं
पं हळदणकार, सुरेश विनायक:(जल्म:१८ डिसेंबर १९२६,पोंबुर्पें-गोंय) नामनेचो संगीत नट ताचें खरें नांव अमृत विनायक हळदणकार ताचें मुळावें शिकप पोंबुर्प्यांच मराठींतल्यान जालें उपरांत पुर्तुगेज शाळेंत वचून सेंगुंदग्राव आनी लिसेंवाचें शिक्षण ताणें पुराय केलेंफुडाराज ताणें इंग्लिशींतल्यान हिकप केलें ताचो बापूय उत्तम पेटी वादक आसलो गांवांत नेमान जावपी भजन नाटकींची प्रेरणा आनी घरांतल्या लोकांचें प्रोत्साहन मेळिल्ल्यान ताच्या मनात संगिताची ओड निर्माण जाली संगीत शिक्षणाच्या ध्यासान तो मुंबय गेलो थंय ताका गोंयकार तबलजी श्री परशुराम कामुलकराचो आदार मेळ्ळो ताचे वरवीं ताका खॉं साहेब रजबल्ली सारक्या जायत्या संगीतकारांच्या मैफिलींक हजर रावपाचो योग मेळ्ळो
फुडें तो मौफिली करूंक लागलो अशेच एके मौफिलीक बॅ खाजगीवाले आयिल्लो ताचेर हाच्या गाण्याची भूल पडली आनी ताणें ताका गोंयांतल्यान पुण्याक व्हेलो आनी थंय पं गोविंदराव टेंबे आनी बापुराव केतकार ह्या दोगांय शिकोवप्यांनी नेमणूक करून ताच्या गाण्याच्या शास्त्रोक्त शिकपाक सुरवात केली तशेंच बापुराव केतकर मोहनराव पालेकर पं जगन्नथबुवा पुरोहीत गणपतराव देवासकर मा कृष्णराव बालगंधर्व हांचेंय ताका मार्गदर्शन माभलें
पिरायेच्या १८ व्या वर्सा ताची पयली ध्वनी मुद्रिका भायर सरली मास्टर दिनानाथ मंगेशकार आनी बालगंधर्व ह्या दोगूय दिग्गजांची छ्हाप ताच्या गायनाचेर दिसून येता भारदस्त आवाज ही ताका मेळिल्ली खाशेली देणगी १९५१ त 'होनाजी बाळा' तलें ताचें काम पळोवन आचार्य अत्रेन ताका 'महाराष्ट्र गंधर्व' ही पदवी भेटयली इंदूरच्या इंजिनियरींग कॉलेजांत जाल्ले ताचे मौफिलीक भारताचो त्यावेळावयलो पंताप्रधान पं जवाहरलाल नेहरू जाहीर राविल्लो ताच्याच हातान नागपुराक सुवर्ण पदक दिवन ताचो भोवमान करपांत आयलो तेभायर अखिल भारतीय नाटय परिशदेचें 'बालगंधर्व सुवर्ण पदक' मराठी जागतीक परिशदेचो सन्मान गोमंतक मराठी अकादमीचें मानद अधिसदस्यत्व अशे जायते मान सन्मान ताका फाव जाल्यात
भारत भर ताणें लागीं लागीं ७०० वयर पदांच्यो कार्यावळी केल्यात महारष्ट्र आनी गोंयांतल्य रेडिओ केंद्रावयल्यान ताच्यो सुमार ४० रेकॉर्डी वाजतात कांय काळ मुंबय शिवाजी पार्क हांगा ताणें 'सुरेश कलासंगीत शाळा' चलोवन शेंकड्यांनी नव्या गायक गायिकांक संगीताचे धडे दिल्यात -कों वि सं मं
हळर्णकार,गजानन गोविंद: (जल्म: १५ जून १९१८ एकोशी बारदेस) सुटकेझुजारी ताणे मराठी आनी इंग्लीश प्राथमिक मेरेन आनी लिसेंवाचें पयलें वर्स मेरेन शिक्षण घेतलें १९५५ सावन तो 'आझाद गोमंतक दल' संघटनेचो वांगडी आशिल्लो सुटकेझुजाच्या काळांत 'क्रांती ज्वाला आनी हेर क्रांतीकारी साहित्य वांटप आझाद गोमंतक दल संघटनेच्या वांगड्यांक गुपीत बातम्यो कळोवप असलीं कामां तो करतालो ९ जून १९५६ ह्या दिसा पोलिकार्पो डी सिल्वा हाचेवरवीं जस्टीस क्वाड्रोस हाका बॉंब पार्सल धाडिल्ले खातीर दुबावान ताका पोलिसांनी अटक केली प्रादेशिक लश्करी न्यायालया मुखार उबो करून १२ वर्सां बंदखणीई ख्यास्त फर्मायली पूण उपरांत ताच्या घराचेर घाल्ले धाडींत जेन्ना बॉंब मेळ्ळो तेन्ना ताची शिक्षा १८ वर्सां केली फुडें गोंय सुटके उपरांत ताची बंदखणींतल्यान सुटक्का जाली भारत सरकारान ताम्रपत्र दिवन ताच्या सुटकेझुजाच्या वावराचो भोवमान केलो १८ जून १९८५ ह्या दिसा गोंय दमण आनी दीव सरकारान ताचो भोवमान केलो -कों वि सं मं
हाणपेट: एक धर्मीक विधी नेत्रावळीच्या कुळंबी जमातीचो हो विधी आसून तातूंत मुखेल भाग घेवपी वेळीप जमातीचे आसतात हाणपेट करप्यांक गडे अशें म्हण्टात सांगे तालुक्यांतल्या नेत्रावळी ह्या गांवांत हो विधी जाता हाचें स्वरूप धर्मीक उत्सवाचें आसता
फाल्गुन शु म्हणजे शिगम्यांतल्या नमीच्या दनपारां गांवचे लोक मांडार एकठांय जमतात थंय नाल्ल दिवो दवरून मागणें
