पेल्ल- रबराचो आसून ताका चड करुन लां गुटलायिल्लें आसता.पेल्लाचो आकार ६.३५ ते ६.६७ सेँमी.(२ १/२ - २ ५/२ इंच)इतलो आसून वजन ५६.७० ते ५८.५० ग्राम(२-२ १/१६ औंस)इतलें आसता.
रंग- धवो वा हळदुवो.
रॅकेट-लांबाय ८१.२८सें मी(३२ इंच),रुंदाय ३१.७५ सें मी(१२ १/२ इंच)आसता.रॅकेटाची जाळी नायलॉन वा त्या सारक्या सुतान गुंथिल्ली आसता.रॅकेटाची जाळी सादारणपणान ३९.३ सें मी (१५ १/२ इंच)लांब आनी २९.२१ सें मी(११ १/२ इंच) रुंद आसता.वजन ३६८.५५ ते ३९६.९० ग्राम (१३-१४ औंस).
खेळामळावयली मदली जाळी-जाळयेच्या चोनय कुशींची आनी दोनूय खांब्यांची उंचाय १.०७ मीटर (३ फूट ६ इंच) तर मध्य बिंदू ०.९१ मीटर (३ फूट) आसता.
नांवजते खेळगडे- टॅनिस खेळांतल्या नांवाजिल्ल्या भारतीय खेळगड्यां मदीं रामनाथ कृष्णन,प्रेमजियलाल,जयदीप मुखर्जी,विजय आनी आनंद अमृतराज,रमेश कृष्णन,लियण्डर पायश,निरुपमा मंकड जाल्यार विदेशी खेळागड्यां मदीं बिली जीन किंग,मार्टिना नवरातिलोवा,स्टॅफी ग्राफ,क्रिस एव्हर्ट,मोनिका सेलेस,बियॉर्न बॉर्ग,इव्हान लॅंडल,बोरिस बॅकर,आर्थर अण्श,ज्जींईई कॉनर्स,स्टिफन एडबर्ग हांचो आस्पाव जाता. खेळासर्ती-देशी खेळासर्तीं मदीं स राजेंद्र प्रसास करंड सिनीयर नॅशनल टॅनिस चॅम्पियनशीप त र विदेशी खेळासर्तीं मदीं विंबल्डन करंड,अमेरिकन उकती,फ्रेंच उकती आनी ऑस्ट्रेलियन करंड ह्योमुखेल सर्ती आसात.ह्यो चार सर्ती एका वर्सांत (जानेवारी-डिसेंबर)जिखपी खेळगड्यान ग्रॅण्ड स्लॅम केलो अशें मानतात.ऱाश्ट्राँजगतीं जावपी सर्ती डेव्हीस करंड(दादल्यांखातीर)आनी फॅडरेस्गन करंड (बायलांखातीर)ह्यो आसात.
इनामां - टॅनिस खेळगड्याक रोख इनामाभायर अर्जून पुरस्कार आनी पद्मश्री सारके भोवमान फावो जाल्यात.विजय अमृतराज हाका १९८३ वर्सा पद्म्श्री हो भोवमान मेळ्ळो.रमेश कृष्णनाक १९८०-८१ वर्सा अर्जून पुरस्कार फावो जालो.निरुपमा मंकड हिका ७८-७९ वर्सा अर्जून पुरस्कार मेळ्ळिल्लो.
शिक्षण - चेन्नईतली ब्रिटानिया अमृतराज ही संस्था सद्या भारतांत नवे-नवे टॅनिस खेळगडे घडोवपाचो वावर करता. आशिया खंडांत भारताभायर चीन,जपान,दक्षिण आनी उत्तर कोरिया,इझ्रायलींत हो खेळ खूब नांवारुपाक आयला.भारतीय खेळगड्यांनी ह्या खेळांत मेळयिल्लें यश खूब मर्यादीत आसा.१९७९ आनी १९९० वर्सा ज्युनियर विंबल्डन सर्तीचें वस्तादपण रमेश कृष्णन आनी लियॅण्डर पायश पायश हांकां मेळ्ळें.१९९९१ वर्सा ज्युनियर अमेरिकन उकते सर्तीचे वस्तादपणय रामनाथ कृष्णन हाणें जोडिल्लें.
गोंयांत आयजमेरेन ह्या खेळाविशीं व्हडलिशी दखल घेतिल्ली दिश्टी पडना.देखून देशपांवड्याचेर गोंयचो एकूय खेळगडो पाविल्लो दिसना. -पंढरीनाथ श्री.सुरसुरे
टॅनिसन,आल्फ्रॅड:(जल्म:६ ऑगस्ट १८०९,समर्झबी,लिंकनशार;मरण:६ ऑक्टोबर १८९२,एल्डवर्थ).
नामनेचो इंग्लीश कवी.सुरवातीचें शिकप लाउथाक घेतकच केंब्रीजच्या ट्रिनिटी कॉलेजांत ताणें प्रवेश घेतलो.पूण अर्थीक परिस्थिती बरी नाशिल्ल्यान पदवी घेवचे पयलींच ताका शिक्षण सोडचें पडलें(१८३१).ताका भुरगेपणासावन कविता बरोवपाची आवड आशिल्ली.ट्रिनिटी कॉलेजांत शिकता आसतनाच कविता लेखनाखातीर ताका 'चॅन्सलर्स गोल्ड मॅडल'मेळिल्लें.
