लललललल== नास्नोडकार, डाॅ.रघुनाथ विश्राम प्रभू == १) वेदप्रमाण्य ना मानपी -हे व्याख्येवरवीं बौध्द, जैन आनी लोकायत मतांचे अनुयायी हे नास्तिक थरतात.ह्या तिनूय दर्शनांक नास्तिक दर्शन अशें म्हळां।. 2)जे लोक परलोक वा सर्ग आनी पुनर्जल्म हांचेर विस्वास दवरिनात ते नास्तिक हे वकयाख्येवरवीं फक्त चार्वकाचे अनुयायी नास्तिक थरतात. ३)देवाच्या अस्तित्वाचेर विस्वास ना दवरपी संदेहवादी, भौतिकवादी आनी प्रत्यक्षवादी लोकांक नास्तिक म्हण्टात. भारतीय दर्शनांत वेदांची निंदा करपी लोकांक नास्तिक अशें म्हळां. ताका लागून देवाक मानिनाशिल्ले संख्य हे नास्तिक थरनात.वेदप्रमाण्य ना मानपी जैन , बौध्द आनी चार्वाक तितलेच नास्तिक थरतात.भारतासारकिल्या र्इश्वरवादी अानी अवतारवादी देशांतूय अनीश्वरवादी लोक निर्माण जाले हाका खूब म्हत्व आसा.ऋग्वेदांत देवतांचें अस्तित्व ना मानपी लोकांचेंय वर्णन आसा.शंकराचार्याच्या अव्दैत वेदान्तातूय र्इश्वराची सत्ता मायिक आनी अयथार्थ माननिल्ली आसा.सांख्य दर्शनाचें आदलें रुपूय निरीश्वरवादी आसा.साबार 'प्रमाणां' मांडून संख्यांनी सृश्टीखातीर देवाची गरज ना अशें सांगला.वैदिक कर्मकांडाचेर पुराय विश्वास आशिल्ले पुर्वमीमांसादर्शनीय लोक अनीश्र्वरवादीच आसात.कुमारिल भट्टा हाणें विंगड विंगड तर्क मांडून, जग हें स्वाधिसठान आनी स्वताभितरुय परिपूर्ण आसा, सृश्टीखातीर खंयच्याच र्इशवराची गरज ना, अशें सांगलां. वेदप्रमाण्य ना मानपी चार्वाक, जैन आनी बौध्द ह्या दर्शनांनीय र्इश्वराची सत्ता मानपाक न्हयकार दिला.र्इश्वराचें प्रत्यक्ष दर्शन जायना म्हणून ताचें अस्तित्वूच ना अशें चार्वाक मानता. जग हें सृश्टूच नाशिल्ल्यान सृश्ट रचपी र्इशवराची गरज ना अशें जैन म्हण्टात आनी बुध्दाचो र्इश्वराचेर मात लेगीत विश्वास नाशिल्लो. जगाची सृश्ट, स्थिती आनी लय हांकां कारण आशिल्ली एक अप्राकृत चेतनाशक्ती आसा आनी ती शक्ती प्राकृत नेम म्हळ्यार सत्य आनी सैमीक नेम म्हळ्यार ऋतू हांचेय नेम करपी आसा अशी आस्तिक वाद्यांची धारणां आसा.पूण नास्तिकवाद्यांक असले चेतनाशक्तीचें अस्तित्व मान्य ना. - कों. वि. सं. मं. == नास्नोडकार, डाॅ. रघुनाथ विश्राम प्रभू: ==(जल्म:६ फेब्रुवारी १९२४, सांताक्रुझ (कालापूर)- तिसवाडी). गोंयचे सुटकेझुजारी.ताणें लिसेंवाचें सातव्या वर्सामेरेन तशेंच मेदिकु सिरुर्जियांव आनी फार्मासीची पदवी घेतली.१९४२-४६ ह्या काळांत तो 'काँग्रेस सोशलिस्ट पार्टी 'चो वांगडी आशिल्लो.१९४२ तल्यान तो सुटकेझुजारी पांडुरंग पु. शिरोडकार हाच्या फुडारपणाखाला वावर करुंक लागलो.तो राश्ट्रीय पत्रकां, नेमाळीं आनी हेर साहित्य वांटपाचो वावर करतालो.लिपचोरयां बसका घेतालो, नॅशनल काँग्रेस गोवा संघटनेखातीर वांगडी एकठांय करतालो. ताणें चोरयां एका रेडियो प्रक्षेपकाची स्थापना केल्ली. पुर्तूगेज सरकारी कचेरींतल्यान गुपीत खबरो मेळोवपाक ताणें गुप्तहेरांचें जाळें पातळायिल्लें. जानेवारी १९५५ त, पोलिसांनी ताका धरलो, पूण २४ वरांभितर ताका राजकारणांत भाग घेवंचोंना असो खर सोपूत घेतकूच ताची सुटका केली.एप्रिल १९५५ त पोलिसांनी ताका परतून धरलो आनी ताका बंदखनींत घालो.थंयच्यान तो पळून शिमेभायर गेलो.ताचे गैरहजेरेंत ताका प्रादेशिक लश्करी न्यायालयान चार वर्सा खर बंदखणीची ख्यास्त फर्मायली, तशेंच १५ वर्सां खातीर ताचे राजकीय हक्क काडून घेतले. दोडामार्ग आनी नगर हवेलीच्या सत्याग्रह्यांक तो वैजकी आदार दितालो.१९७०त तो तिसवाडी म्हाल काँग्रेस समितीचो अध्यक्ष म्हणून वेंचून आयलो.१४ आॅगस्ट १९७४ दिसा भारत सरकारान ताम्रपत्र दिवन ताचो भोवमान केलो. - कों. वि. सं. मं. == नाॅर्थ्रप,जाॅन हाॅवर्ड: ==(जल्म:५जुललय १८९१, न्यूयाॅर्क;मरण:२७ मे १९८७, विकेनबर्ग, अॅरीझोना). अमेरिकन जीवरसायनशास्त्रज्ञ.ताचे शिक्षण कोलंबियाक जालें.१९१२त बी.एस्. ए.आनी १९१५ त पीएच्. डी. ह्यो पदव्यो ताणें मेळ्यल्यो.राॅकफॅलर इन्स्टिटयूटांत ताणें झाक लब हाचेवांगडा आयुर्मर्यादा सिध्दांताविशीं अभ्यस केलो.१९२४ त ते संस्थेचो तो वांगडी जालो. १९४९ त बर्कलीच्या कंलिफोर्निया विद्यापिटांत सुक्ष्मजीव विज्ञानाचो संशोधक प्राध्यापक म्हणून ताची नेमणूक जाली. नार्थ्रप हाणें पयल्या म्हाझुजाच्या काळांत अॅसिटोन आनी इथायल आल्कोहाॅल तयार करपाच्या किण्वनाचे क्रियेविशीं केल्ल्या संशोधनापसुनूच पचन,श्र्वसन आनी सादारण गरजेच्या प्रक्रियांक जाय आसिल्ल्या एन्झायमांच्या अभ्यासाक चालना मेळ्ळी.एन्झायमांक रसायनीक नेम लागू पडटात, हें ताणें दाखयलें.१९३० त ताणें पॅप्सीन शुध्द स्फटिकी स्वरुपांत तयार केलें.मोझेस कुनिट्झ हाच्या पालवान ताणें ट्रिप्सीन आनी कायमोट्रिप्सीन हीं एन्झायमां आनी ट्रिप्सिनोजॅन आनी कायमोट्रिप्सिनोजॅन ही तांचीं पूर्वगामी द्रव्यां स्फटिकरुपांत तयार केलीं.राॅजर एम्. हॅरियट हाच्या पालवान ताणें स्फटिकी पॅप्सिनोजॅन वेगळें केलें.मास वायरस आनी प्रतिपिंडां हांच्या प्रथिनांचोय ताणें अभ्यास केलो. सुक्ष्मजंतूंचो नाश करपी सुक्ष्मजंतूभक्षक ताणें सस्तन जनावरांच्या आंतकड्यांसावन वेगळो केलो.तेखेरीज ताणें स्टार्च, सुक्ष्मजंतूंचें समूहन, किडींचेर जावपी तापमानाचो परिणाम ह्या विशयांचेरुय संशोधन केलेंं. Crystalline Enzymes हो ताचो ग्रंथ १९३९ त उजवाडाक आयलो.राॅकफॅलर इन्स्टिटयुटावरवीं उजवाडाक येवपी Journal of General Physiology हे पत्रिकेचो तो संपादक आशिल्लो.दुसरया म्हाझुजांत तो अमेरिकेच्या राश्ट्रीय संरक्षण संशोधन समितीचो सल्लागार आशिल्लो.एन्झायमांच्या आनी तांचेकडेन संबंदीत अशा द्रव्यांच्या स्फटिकीकरणाविशीं ताणें मोलादीक कार्य केलें.ताच्या ह्या वावराखातीर ताका जेम्स बॅचलर सम्नर आनी वॅडॅल मॅरॅडिथ स्टॅन्ली हांचे वांगडा १९४६ वर्साचो रसायनशास्त्राचो नोबॅल पुरस्कार वांटून मेळ्ळो. -कों. वि. सं. मं. == नाॅरिश, राॅनल्ड जाॅर्ज हेफोर्ड: ==(जल्म: ९ नोव्हेंबर १८९७, कॅब्रिज-इंगलंड; मरण: ७ जून १९७८).
