किमान मुळावें शिक्षण दिवप.
४) नितळ पिवपाच्या उदकाची पुरवण आनी भलायकेच्यो मुळाव्यो सुविधा सगळ्या लोकांक उपलब्ध करप.
५) अन्नधान्याचे बाबतीत स्वयंपूर्ण करप आनी चड धान्याची निर्यात करपाची मोक दवरून कृषि उद्देगाची उदरगत सादप.
६) ऊर्जा, येरादारी, प्रसारण आनी शिंपणावळ हाचें उदरगतीतल्यान विकासाक चालना दिवप.
आठवी पंचवयसुकी येवजण – सरकारी खर्चाची आंकडेवरी (कोटींनी १९९१-९२ वर्साचे दरेप्रमाण).
णवी पंचर्वसुकी येवजण ( १९९७-२००१) – हे येवजणेचो मुसदो करपाची तयारी चलता. हे येवजणेन आपले मुखार दोन मुखेल उद्दिश्टां दवरल्यांत.
१) २००० वर्सामेरेन मुलावें शिकप, मुळावी भलायकी, नितळ पिवपाचें उदक, रस्ते, रोजगार आनी भौवशीक वितरण वेवस्था सगळ्यांखातीर उपलब्ध करप.
२) सवे पंचवर्सुकी येवजणेसावन स्थीर उरिल्ल्या शेतकी गुंतवणुकींत वाड करप.
नवे येवजणेच्या मसुद्दांत खाजगी गुंतवणुकेक उत्तेजन दिवपाचो विचार चलता. सुमार (५,५०,००० कोटी) ६४% काजगि नी (सुमार ३, ३०, ००० कोटी) ३६% सरकारी खर्च अशें प्रमाण दवरपाचें थारता. णवे पंचवर्सुकी येवजणेच्या खर्चाचो अदमास आठवे पंचवर्सुकी येवजणेच्या दुपेटी परस (सुमार ८, ८०, ००० कोटी) चड दवरला.
पंचवर्सुकी येवजणेचो जमा-खर्च –
पयल्या पंचवर्सुकी येवजणेचें उद्दिश्ट नदरेमुखे दवरून २३७८ कोटी (सरकारी) आनी १८०० कोटी (खाजगी) खर्चाची तरतूद करप जाली. प्रत्यक्षांत १९६० कोटी (सरकारी) आनी १९०० कोटी (काजगी) रूपया खर्च जालो. हे येवजणेचो परिणाम म्हणून १२ टक्क्याचे वाडीची मोख दवरिल्ली ती हुपून, प्रत्यक्षांत राश्ट्रीय उत्पन्नात ११ टक्के वाड जाली आनी दर तकली उपभोगांत ९ टक्के वाड जाली. ह्याच काळांत दरेची पातळी सुमार १३ टक्क्यानी देंवली.
दुसरें पंचवर्सुकी येवजणेत ४८०० कोटीची (सरकारी) आनी ३१०० कोटी (खाजगी) खर्चाची तरतूद करप जालि,प्रत्यक्षांतलो खर्च ४६७२ कोटी सरकारी) ३३०० कोटी खाजगी जालो. हे येवजणेचो परिणाम म्हणून हे येवजणेच्या काळांत वर्सुकी ४ टक्के राष्ट्रीय उत्पन्नात वाड जांवक पावली आनी अशें तरेन येवजणेच्या सबंद काळाखातीर २५ टक्क्याची वाड दवरल्ली ती पुरी ना जाता २ कोटीची रोजगार मोख दवरिल्ली ती ८० लाखाचेरच उरली.
तिसरे पंचवर्सुकी येवजणेत ७,५०० कोटी (सरकारी) आनी ४,१०० कोटी (खाजगी) खर्चाची तरतूद करप जाली. प्रत्यक्षांत ८,५७७ कोटी (सरकारी) आनी ४,००० कोटी (खाजगी) रूपया खर्च जालो. कृषी
