राज्य केंद्रशासित प्रदेशगणीक आठ येवजणेची खर्चाची आंकडेवारी
उत्पादनांत जाल्ले घटिया परिनाम म्हणून परिणाम म्हणून वर्सुकी ५.६ राश्ट्रीय उत्पादनाची दवरिल्ली मोख देंवन २.२ टक्क्यांचेर आयली.
चवथे पंचवर्सुकी येवजण सुर्वेची खर्चाची मोख २४,८८२ कोटीची आसली. तातूंत १५,९०२ कोटी (सरकारी) खर्च आसलो जाल्यार (खाजगी) ८,९८० कोटी आसली. ८५० कोटी इतलें तुटीचें अंदाजपत्रक दवरिल्लें. प्रत्यक्षांत सरकारी खर्चाचें प्रमाण १५,७७९ कोटी आशिल्लें.
पाचवे पंचवर्सुकी येवजणेत ३९, ३२२ कोटी (सरकारी) खर्चाची तरतूद आशिल्ली आनी २७, ०४९ कोटीची खाजगी गुंतवणुकीची अपेक्षा धरिल्ली. प्रत्यक्षांत सरकारी खर्चचें प्रमाण ३९,४२६ कोटीचें जालें.
सवे पंचवर्सुकी येवजणेत (सरकारी) खर्चाचो आंकडो ९७,५०० कोटी आशिल्लो. डपरांत तो १,१०,००० कोटी रूपया वाडलो. प्रत्यक्षांत १,०९,२९१.७ कोटी खर्च आयलो.
सव्या पंचवर्सुकी येवजणेंच्या काळांत राश्ट्रीय उत्पन्नात ५.३ टक्क्यांनी वाड जाली.
सातवे पंचवर्सुकी येवजणेच्या सरकारी खर्चाची १,८०,००० कोटी रूपयांची तरतूद आशिल्ली. प्रत्यक्षांत वट्ट खर्च २,२८,७२९.६२ कोटी आयलो.
आठवे पंचवर्सुकी येवजणेंत सरकारी खर्चाची तरतूद ४,३४,१०० कोटी आशिल्लो. ५.६ टक्के वर्सुकी राश्ट्रीय उत्पन्नात वाड करपाची मोख दवरली. केंद्र आनी राज्य हांच्यामदल्या खर्चाची प्रमाण ५८.५:२१.५ आशिल्लें. – कों. वि. सं. मं.
पंचवाडकर, नरसिंह अनंत : (जल्म :१२ डिसेंबर १९३३, पंचवाडी – फोंडें).
सुटकेझुजारी. (१९५३-६१) ह्या काळांत तो आझाद गोमंतक दल संघटनेचो वांगडी आशिल्लो. पत्रकां वांटप असलीं कामां तो करतालो. २ ऑगस्ट १९५५ ह्या दिसा फोंडयां पोलिसानी ताका धरलो आनी बंदखणींत घालो. १६ ऑगस्ट १९५५ ह्या दिसा ताका पणजे धरलो. १९ फेब्रवारी १९५५ ह्या दिसा पणजेचे बंदखणीतल्यान ताची सुटका जाली. ताणें स म्हयने आनी वीस दीस बंदखण भोगली. सुटके उपरांत तो लोकांक राजकीय खबरो पावयतालो आनी राश्ट्रीय प्रचार करतालो. १९६१त भारत सरकारान ताम्रपत्र दिवन ताचो भोवमान केलो. तो ग्रामपंचायतीचो वांगडी म्हणून वेंचून आयिल्लो. – कों. वि. सं. मं.
पंचवादय : पंचवादय हें दर एका गोंयकाराचे वळखीचें वादय. गोंयांत गोंयची खाशेली अशीं जायती वादयां आसलीं तरीय पंचवादयाक
