पवनचक्की चलपाक शकतली नी तेखातीर तिचे रचणुकेंत कसले बदल करचे पडटले, हेविशीं केंद्रीय शासनाचे वतीन बेंगलोर शारांत संशोधन चालू आसा. – किं. वि. सं. मं.
पवार, कोंडिबा माधव : (जल्म : ९ ऑक्टोबर १९२३, पिंपळवाडी पटिडा).
सुटकेझुजारी. सोशलिस्ट पार्टीचो वांगडी आशिल्लो. १५ ऑगस्ट १९५५ ह्या दिसा काणकुंभीच्यान गोंयांत येवन ताणें सूर्ला सत्यग्रहांत वांटो घेतिल्लो. महाराष्ट्र सरकारान सन्मानपत्र दिवन ताचो भोवमान केलो. – कों. वि. सं. मं. पवार, दत्तात्रय नारायण : (जल्म : ६ ऑक्टोबर १९२६, गुणवाडी, बारामति, पुणे). सुटकेझुजारी. १९४२ तले सुटके चळवळीत ताणें वांटो घेतिल्लो. १९५५ वर्सा गोवा विमोचन सहाय्यक समितीचे वतीन सामुहिक सत्याग्रहांत ताणें वांटो घेतिल्लो. त्या वेळार पोलिसांनी ताका धरलो आनी खूब मार दिलो. उपरांत तो इंडियन नॅशनल काँग्रेस समितीचो वांगडि जालो. २० ऑगस्ट १९७६ ह्या दिसा महाराश्ट्र सरकारान सन्मानपत्र दिवन ताचो भोवमान केलो. – कों. वि. सं. मं.
पवार, नयनदेव माधवराव : (जल्म :२१ फेब्रवारी १९३६, मुंबय)
सुटकेझुजारी. ताणें एस्.एस्. सी मेरेन शि॑क्षण घेतलें. १२ जुलय १९५९ ह्या दिसा कॉ. त्रिदिषकुमार चौधरी हाच्या फुडारपणाखाल अनमोडच्यान गोंयांत येवन बिरोंद गांवांत जाल्ल्या सत्याग्रहांत ताणें वांटो घेतल्लो. पुर्तुगेज पोलिसांनी ताका धरलो, मार दिलो आनी दोडामार्गाचेर व्हरून सोडलो. उपरांत काळांत तो समाजीक वावर करूक लागलो. महराष्ट्र सरकारान सन्मानपत्र दिवन ताचो भोवमान केलो. – कों. वि. सं. मं.
पवार, नारयनराव केशवराव : (जल्म :३० जून १९२३, देवला, आंबेजोगाई बीड).
सुटकेझुजारी. १९४७-४८ ह्या काळांत ताणें हैदराबाद सुटके चळवळींत वों घेतिल्लो. पुलिसांनी ताका धरलो आनी दोन वर्सा कातीर बंदखणीत दवरलो. तशेंच ताका दंडूय भरूक लायलो. १५ ऑगस्ट १९५९ ह्या दिसा वामनराव देशमुख हाच्या फुडारपणाखाल ५० सत्याग्रह्यांचो वांटो घेतलो. तेन्ना पुर्तुगेज पोलिसानी केल्ल्या लाठीहल्ल्याक ताका तोंड दिंवचें पडलें.महराष्ट्र सरकारान सन्मानपत्र दिवन ताचो भोवमान केलो. – कों. वि. सं. मं.
पवार, भैरवनाथ शंकर : (जल्म :१५ जुलय १९३२ येवले, नासिक).
सुटकेझुजारी. ताणें मराठी प्राथमीक मेरेन शिक्षण घेतलें. ७ जुलय १९५५ ह्या दिसा दादा भांडारी आनी दॉ. कानडे हांच्या फडारपणाखाल पैंगीण – लोलयां सत्याग्रहामत ताणें घेंतिल्लो. ३० जानेवारी १९८८ ह्या दिसा महाराष्ट्र सरकारान सन्मामपत्र दिवन ताचो भोवमान केला.– कों. वि. सं. मं.
पवार, विष्णू रामभाऊ : (जल्म :१६ जुलय १९३२, धुळे, महाराष्ट्र).
सुटकेझुजारी. तो भारतीय कम्युनिस्ट पक्षाचो वांगडी आशिल्लो. १९५५ वर्सा कॉ. एस्. नांदेडकर हाच्या फुडारपणाखाल ताणें सत्याग्रहामत वांटो घेतिलो. फुडें संयुक्त महाराष्ट्र चळवळीत ताणें वांटो घेतिल्लो. तेखातीर ताका बंदखणीची ख्यास्त जाल्ली. १६ सप्टेंबर १९८७ ह्या दिसा महाराष्ट्र सरकारान सन्मामपत्र दिवन ताचो भोवमान केला. – कों. वि. सं. मं.
पवार, शिवराम लक्ष्मण :(जल्म :१ जुलय १९२९, कोपरगांव).
सुटकेझुजारी. ति सोशलिस्ट पार्टीचो वांगडी आशिल्लो.१५ ऑगस्ट १९५५ ह्या दिसा काणकुंभीच्यान गोंयांत येवन ताणें सूर्ला सत्यग्रहांत वांटो घेतिल्लो. महाराष्ट्र सरकारान सन्मानपत्र दिवन ताचो भोवमान केलो.– कों. वि. सं. मं.
पवित्र स्नान (बातिझ्म) :क्रिस्तांव धर्मातलो एक म्हत्वाचो असो दीक्षाविधीचो संस्कार.
आपलें पातक धुवन काडपाखातीर कांय धर्मानी, पवित्र उदकांत न्हाण घेवपाची चाल आशिल्ली. जेजू क्रिस्तापयली जुआंव (John the Baptist) ह्या प्रवाद्दान हीच पद्दत वापरली. जो पातक केल्लो मनीस, प्रायश्चीत घेवन देवाकडेन राजी जावपाक सोदतालो ताका जुआंव, जोर्दान न्हंयेत न्हाण दितालो. जेजू क्रिस्तान लेगीत प्रायश्र्चीत करून जुआंवाकडल्यान न्हाण घेतिल्लें अशें मानतात. जे कोण पातकी जिणेक फाट करून देवाकडेन राजी जावपाक फुडें सरतात तांकां देवाबापायच्या, देवपुताच्या आनी पवित्र आत्माच्या नांवान उदकांत न्हाण दिंवचे अशें जेजून आपल्य अनुयायांक फर्मायलें. तेन्नासावन, ह्या संस्काराक क्रिस्तांव धर्मात बातिझ्म (Baptism) अशें म्हण्टात.
क्रिस्त शकाचे सुर्वेक हो संस्कार सुवाळो फकत पिरायेन व्हड नी जाण आशिल्ल्या मनशांचो करप जातालो. पयली धर्माची पुराय शिकवण घेवन प्रायश्चीत काळाचे (Lent) चाळIस दिस प्रायश्र्चीत करतकूच पास्कांचे (Easter) रातीक हो संस्कार करतालो. बातिझ्म घेवपी मनशाक तिन खेपे उदकांत बूड मारून वयर येतकूच धवो कपडो न्हेसयतकूच तो मनीस पवित्र सभेचो (इगर्ज) वांगडी जातालो आनी उपरांत ताका क्रिस्तांव धर्माचे हेर सगळे संस्कार फावो जाताले. आयज लेगित कांय पंथांनी
