आपल्या कार्याक आरंभ कार्याक केलो. ताणें लोकांक सांगलें, 'तुमी जाची वाट पळयताा तो मुक्तिदातो आयिल्लो आसा. पश्र्चाताप करात कारण सर्गाचें राज्य लागीं आयिल्लें आसा'.
नवो करार: बायबालाचो हो दुसरो भाग जेजू उपरांत बरयला. जेजूची जीण,व्यक्तिमत्व, आत्मबलिदान आनी पुनरूत्थान हांकां लागून मनशाची मुक्तताय कशी जाली, इगर्जेची स्थापणूक कशी जाली आनी ताचो प्रभाव कसो पडलो हें तातूंत सांगलां. ह्या भागाची रचना इ.स.50 ते 100 ह्या काळांतल जाली. सुरवेक जेजुविशीं म्हायती सांगताले. प्रभी येवन आपल्याक घेवन सर्गांत वतलो हें तांच्या तोंडांतलें शुभ वर्तमान लोक आयकताले. उपरांत जेजूच्या शिश्यांनी विंगड विंगड किरिस्तांव मंडळांक पत्रां बरयलीं. ते उपरांत तांणीं जेजूचीं चरित्रां बरयलीं. तातूंतल्यान बायबलाचो दुसरो भाग निर्माण जालो. ह्या भागांत मत्तयाचें शुभ वर्तमान , मार्काचें शुभ वर्तमान, लुकाचें शुभ वर्तमान आनी योहानाचें शुभ वर्तमान हीं जेजूच्या चरितिराचीं चार पुस्तकां आसा. पांचव्या पुस्तकांत जेजूच्या पट्टशिश्यांच्या कृत्यांचें वर्णन आसा. योहानाचो साक्षात्कार हें सवें पुस्तक, हातूंत ताणें चर्चेंचें भविश्य प्रतिकात्मक शैलीन सांगून, मुक्तीचें अंतिम स्वरूप वर्णिलां. हेर 21 पुस्तकां म्हळ्यार जेजूच्या शिश्यांच्या पात्रांचे संग्रह आसात.
पोरनो करार आनी नवो करार हांचेभितरदोनशे वर्सांचो काळ गेलो. पोरन्या कराराच्या अॅपॉक्रिफाप्रमाण उपरांत नव्या कराराचोय अॅपॉक्रिफा तयार जालो. तातूंत 'यहुदा थोमाचीं कृत्यां' ह्या पुस्तकाचो आस्पाव जाता.
संवसारांतल्या चडशा सगळ्या भाशांनी बायबलाचीं भाशांतरां जाल्यांत. ह्या ग्रथांचो सगळ्यांत चड प्रसार जाला. युरोप, अमेरिकेंतले साहित्यिक बायबलाक एक अद्वितीय ग्रंत मानतात. ए.बी.रूद्रिगीश हाणें पुणे विद्दयापिठाकडेन सादर केल्ल्या, बायबलाचो मराठी अवतार ह्या प्रबंधाक डॉक्टेरेट फावो जाल्या (1974). सोळाव्या सतराव्या शेंकड्यांत जेजुईत आनी फ्रांसिस्कन पाद्रींनी बायबलाच्या कांय वांट्याचो अणकार कोंकणींत केला.उपरांतूय अशा अणकारांचो जायते यत्न जायत आसात.बायबल ह्या इतिहासीक ग्रंथावरवीं धर्मीक आनी नैतिक म्हायती वांगडी, तत्त्कालीन इतिहास, भुगोल, वास्तुशास्त्र, समाज-रचणूक हांचीय वळख जाता.
-फा. आंतोनियु परैर
-कों. वि. सं. मं.
बायरन, जॉर्ज गार्डन लॉर्ड: (जल्म:22 जानेवारी 1788,लंडन;मरण: 19 अप्रील 1824, मिसोलाँधी-ग्रीस).
एक व्हड इंग्लीश कवी. लॉर्ड बायरन ह्या नांवान ताची चड नामना आसा.एका उमराव घराण्यांत ताचो जल्म जालो. बायर हो दिसपाक खुबूच सुंदर दिसतालो,पूण जल्मतनाच थोंटो आशिल्लो.1798त ताचो बापोलआजो मरतकच ताची आस्पत आनी उमराव घराण्याचो किताब ताका ताचो वारस म्हणून मेळ्ळो.
ताणें अॅबरडीन, नॉटिंघम आनी आनी डलिज हांगा आपलें सुरवेचें शिक्षण घेतले. 1809 ते 1805 ह्या काळांत तो हॅरो हांगा शिकतालो.1808 त ताणें केंब्रीजाचे ट्रिनिटी कॉलेजींतल्यान एम.ए. ची पदवी घेतली. ट्रिनिटी कॉलेजींत शिकयता आसतनाच 'फ्युजिटिव्हपीसिस' हो आपलो कविता संग्रह ताणें खाजगी तरेन उजवाडाक हाडलो.(1806). 'उपरांत चायल्ड हॅरल्डस पिलग्रिमेज' (4 खंड 1812-1818). 'गिओर' (1813), 'द कॉर्सेर' (1814), 'लारा' (1814), 'द सीज ऑफ कॉरिंथ' (1816) डॉन वॉन (16 सर्ग, 1819-24) ह्या कविताकृतींनी ताका कवी म्हणून व्हड नामना मेळ्ळी. 1809 त इंग्लंडच्या पार्लमेटांतल्या हाऊस ऑफ लॉर्डसाचो तो वांगडी जालो. 2 जानेवारी 1815 दिसा अॅन इझाबिला मिलब2क हे तरनाटेकडेन ताचें लग्न जालें. तांकां एक चली जाली. ऑगस्ट ली नांवाचे एके बायलेवांगडा ताचें संबंद आशिल्ले. ह्याच कारणाक लागून ताच्या संवसारांत बादा आयली.बायरनाचे जायत्या बायलांकडेन संबद आशिल्ले आनी ताच्या चार्त्र्याचेर समाजांत टिका चलताली. फुडें ताणें आपले बायलेक सोडचीट दिली आनी देश सोडलो (15 एप्रिल 1816). इंग्लंडाक तो परतो केन्नाच गेलोना. वॉटरलू हे इतिहासीक रणभुंयेक भेट दितकच तो कांय तेंप स्वीवित्कझरर्लंडांत रावलो आनी उपरांत इटलीक गेलो. स्तावित्चीझर्लंडाक आसतना 'शॅली' ह्या नामनेच्या इंग्लीश कवीकडेन ताची वळख जाली. क्लॅर क्लॅरमाँट हे शेलीच्या नात्यांतले एके बायलेवांगडा ताचे संबंद आशिल्ले. 1819 त काउण्टेस तेरेझा गुइच्चीओली हे बायलेकडेन ताचो मोग जालो आनी तो निमाणेमेरेन उरलोे. 1821 सावन ग्रिकांनी तुर्काआड चालू केल्ल्या सुटकेझुजांत वांटो घेवपाची संद ताका मेळ्ळी (1823). आपलो प्रतिनिधी म्हणून ग्रीक सुटकेझुऱ्यांक आदार दिवपाची विनवणी ताका 'लंडन ग्रीक कमिटी' हे संघटनेवतीन केल्ली. ग्रीसांतल्या मिसोलाँधी ह्या गांवांत काय तेंपाच्या दुयेंसा उपरांत ताका मरण आयलें. मरणा उपरांत ताची कूड इंग्लंडाक व्हेली. पूण थंयच्यान वॅस्टमिन्स्टर अॅबींत दफन जावपाचो मान ताका दिलोना.पूण 1969 त वेंस्टमिन्स्टर अॅबींत ताचें यादस्तीक बांदलें.
खाजगी तरेन उजवाडाक आयिल्लो फ्युजिटिव्हपीसिस हो कवितांझेलो सोडल्यार अवर्स ऑफ आयडलनॅस (1807) हो ताचो पयलो कवितांझेलो. 'एडिंबरो रिव्ह्यू हातूंतल्यान ताचेर खर टिका जाली. हे टिकेक जाप दिवपाक ताणें 'इंग्लीश बार्डस अँड स्कॉच रिव्ह्यूअर्स (1809) हें विडंबन काव्य बरयल्ले. 'चायल्ड हँल्डस पिलग्रिमेज' ह्या
