वावराचे नदरेन आयु्र्विमा निगमाचे पांच विभाग केल्ले आसूवन ताच्यो विभागीय कचऱ्यो मुंबय, कलकत्ता,चेन्नइ, दिल्ली आनी कानपुराक आसात.निगमाची मुखेल कचेरी मुंबय आसा. विभागीय मंडळां विभागीय मुखेल्याक मल्लो दिवपाचें काम करतात. आयुर्विमा उद्देगाचो विस्तार व्यापक प्रमाणांत आनी चड करुन गांवगिऱ्या वाठारांनी पावोपाखातीर आयुर्विमा निगमाचें स्वतंत्र फांट्यांनी पुन:संघटन जालें. आयुर्विमा निगमाचे २०२१(१९९५)फांटे आसून तातूंत सूमार ५,०८३२४ एजंट वावर करतात. निगमान ३१ मार्च १९९५ मेरेन वट्ट ५३,४७९.४७ कोटी रुपयांची गुंथवणूक केल्ली.हातुंतले भौशीक क्षेत्रांत ४४,३१८.९३ कोटी रुपयांची,सहकारी क्षेत्रांत १७९३.०५ कोटी रुपयंची,खाजगी क्षेत्रांत ३५०.३४ कोटी रुपयांची आनी हेर क्षेत्रांनी ७०१७.१५ कोटी रुपयांची गुथंवणूक केल्ली.गृहनिवसन,उदकापुरवण,राज्य वीज मंडल,उद्देगीक वसणुको, सहकारी साकर कारखाने ह्या सारक्या .येवजणांक निगमाचन व्हड प्रमाणांत रिणां दिल्यांत.निगमान १९९५ मेरेन उदका पुरवण आनी भुंयारी गटारां १७५३ कोटी रुपया, वीज मंडळांनी ७८१६ कोटी रुपया, येरदारी मंडळांनी ४०६कोटी रुपया आनी गृह निवास मंडळांत ७८०४ कोटी रुपयांची गुंथवणूक केल्ली आसा. `स्वाताचें घर घेयात`हे येवजणेखाल विमोपत्रधारकांक घरां बांदपाखातीर वा तयार घरां विकतीं घेवपाखातीर आयु्र्विमा निरम रिणां दिता.अविश्र्चीत उत्पन्न मेळपी उण्या उत्पन्न लोकांच्या गटाखातीर `जनरक्षा निमोपत्र येवजण` अशी नवी येवजण सुरु केल्या. ३१ मार्च १९९५ मेरेन आयुर्विमा निगमाकडेन ६६० लाख (उतरायल्ले विमे पॅालिसी)आशिल्ले आनी निगमान २,१५६४५ कोटी रुपया जमयले. आयुर्वुमा निगमान लोकांखातीर जायत्यो सुरक्षा येवजणो(security plans)आंखल्यात.जीवन सुकन्या, जीवन बाल्या,जीवन किशोर,जीवन छाया,जीवन सरीता,जीवन साथी,जीवन मीत्र,जीवन गृह,जीवन सुरभी,विमा संदेश,मनी बॅक पॅालिसि,भविश्य जीवन,नव जान रक्षा, बीमा किरण,जीवन श्री आनी हेर जायत्यो येवजणो आयु्र्विमा निगमा कडेन आसात. फाटल्याचाळीस वर्साच्या काळांत निगमान देशाच्या अर्थीक विकासांत म्हत्वाची कामगिरी केल्या.सर्वसामान्य जनतेकडल्यान चडकरुन मर्यादीत येणावळ दारांकडल्यान बचत एकठांय करपाचें म्हत्वाचें कार्य निगम करता.तेच परीन लोखण,ताग,शिमीट,कोळसो,रंग,लुगटां,कारखाने,रेल्वे,साकर कारखाने,अॅल्युमिनीयम खण धंदो,आदी वेवसायांनी निगमान कोट्यांनी रुपया गुंथोवन देशाचे सर्वांगीण अर्थीक उदरगतीक म्हत्वाचो आदार दिला.
== भारतीय तत्वज्ञान ==:(पळेयात तत्वज्ञान). भारतीय वास्तुकलाःवस म्हणजेच रावन ह्या धातूपासून वास्तू हे उतर तयार जाल्लें आसा.ताचो अर्थ निवासस्थान वा रावपाचें घर असो जाता.वास्तुविद्या हो वैदिक काळांत शिल्पशास्त्राचो एक फांटो आशिल्लो. शु्क्रनितीसार ह्या ग्रंथांत देवळां,देवांच्यो प्रतीमा,पोरसा,तळीं वा तळयो प्रासाद हांचे निर्मितीचें शास्त्र अशी शिल्पशास्त्राची व्याख्या दिल्ली आसा.पुण सादारणपणान वास्तूविद्या म्हळ्यार घरां,देवळां,प्रसाद,मोनेर,बुरुज,किल्ले,कोटां,तळींबांयो,खारजां,स्तुपां,विजयस्तभं आनी हेर वास्तू बांदपाचें शास्त्र.हांचेविशीं साबार संस्कृत ग्रथं उपलब्ध आसून तातूंन वास्तूशास्त्राचे नेम दिल्ले आसात.भारतांत सगळेकडेन देवळां,प्रासाद,मनोरे,स्तंभ,तळयो,ह्यो बरे स्थितींत वा मोडिल्ल्या रिपांत मेळटात.तांकां वास्तूशिल्पां अशें म्हणटात.
भारतीय व्दीपकल्पांतले(भारत आनी पाकिस्तान)वास्तूकलेचे सगळ्यांत आदले नमुने सिंधू संस्कृतायेच्या अवशेशांनी पळोवपाक मेळटात.मोहें-जो-दाडो,हडप्पा,कालिबंगा आनी लोथल ह्या वाठारांतले वीस्तूकलेचो सगळ्या आंगांनी विकास जाल्लो.नगर रचणूक,नगर रक्षण,धान्याचेगुदाव,गृहरचणुक,भैशिक तळ्यो आनी न्हाणी घरां ह्या सगळ्यंचो हातूंत आस्पाव जातालो.इ.स.पयली २०००ते १७०० ह्या काळांत हे संस्कृतायेचो नाश जालो.
ऋग्वेद काळांत गृहरचणूके संबंदीं कांय उल्लेख सांपडल्यात.हाचेवयल्यावन वेदकाळांत वास्तूरचणूकेक एक धर्मीक कृत्य मानताले
अशें कळटा.वास्तोश्पती ही वास्तूची अधिश्ठात्री देवत आसून गृहरचणूकेच्या वेळार तिची पुजा करपाची प्रथा आशिल्ली.वास्तूखातीर खंयची जमीन बरी,घराची लांबाय-रुदाय कितली आसची आनी हेर उल्लेक ऋग्वेदांत मेळटात.वेद आनी ब्राम्हणां हातूंतल्या वर्णनांवयल्यान वास्तूरचणूक ल्हव-ल्हव विकसीत जायत गेल्या हें कळटा. वास्तूकलेचे उदरगतीचे नदरेन वास्तूकलेखातीर वापरतात त्यो वस्तू आनी बांदकामाचीं तंत्रां हीं म्हत्वाचीं आसात.आदल्या काळांत
