उत्पादनसंस्थांच्या भागांत केल्ल्या भांडवलापसून येवपी अपेक्षित उत्पन्नाबरोबर आसता.
कुटुंबिक बचतविशींच्या जीवनचक्र प्रमेयाची रचना आनी विकास तशेंच उत्पादन संस्था आनी भांडवली खर्च हांच्या मुल्यांविशीं मोदिल्यानी मिलर सिध्दांताची रचना हातुंतल्या प्रावीण्याखातीर मोदिल्यानी हाका १९८५ वर्साचो अर्थशास्त्राचो नोबॅल पुरस्कार द्वन भोवमान केलो. हाचेभायर ताका जायत्या विद्यापिठांतल्यान डॉक्टरेट (शिकागो)१९६७ कॅथलिक दे लूव्हेन बेल्जियम १९७४ बरगॅमो विद्यापीठ (१९७९) ह्यो मानाच्यो पदव्यो दिवपांत आयल्यो.
मोदिल्यानी हाणें बरयल्ले म्हत्वाचे ग्रंथ अशे नॅशनल इन्कम्स अँड इंटरनॅशनल ट्रेड (१९५३) प्लॅनिंग,प्रॉडक्शन,इन्व्हेंटरीज अँड बर्कफोर्स (१९६०) रोल ऑफ अँटिसिपेशन्स अँड प्लॅन इन इकॉनॉमिक बिहेव्हीर अँड देअर यूज इन इकॉनॉमिक ऑनालिसिस अँड फोअरकास्टिंग (१९६१)न्यू मॉर्गिज डिझाइन्स ऑन इन्पलेशनरी इन्व्हायरनमट (१९७५) आनी द कलेक्टेड पेपर्स ऑफ फ्रांग्को मोदिल्याना – ३खंड (१९८०).
मोनालिसा: नामनेचें चित्र .नामनेचो चित्रकार लिओनार्दी दा व्हिंची (१४५२-१५१९) हाणें हे व्यक्तीचित्र १५०३ते १५०५ ह्या काळांत फ्लॉरेन्स हांगा पितारलें. ह्या चित्राक ला जोकोन्दा ह्या नांवानूय वळखतात. कलेच्या इतिहासांतलें हें एक आदर्श व्यक्तीचित्र अशें मानतात.
जिचें हें चित्र आसा, ती बायल (जल्म १४७९)फ्रांचेस्को देल जोकोन्दो ह्या फ्लॉरेन्सांतल्या वेपाऱ्याची घरकान्न आशिल्ली. तेन्नाचो कलासमीक्षक व्हाझारी हाच्या मताप्रमाण,जोकोन्दोनच आपले घरकान्नीचें व्यक्तीचित्र रंगोवपाचें काम लिओनार्दोकडे दिल्लें.
मोनालिसाच्या चेहऱ्याचेर जे गूढ ,खोल,भाव दाखयल्यात ताका लागून ह्या चित्राविशींचें आकर्शण आनी लोकप्रियता वाडतच गेली.मोनालिसाच्या मुखामळाव.लो मंद हांसो,दोळ्यांतली निर्शेवणेची झांक आनी सैमाच्या देखाव्याची फांटभूंय हाका लागून हें चित्र खूबच ओडलायणें जालां. तें चित्र वास्तव जगांतलें कशें दिसनासतना एका अप्रुप कल्पना विश्र्वांतलें कशें दिसता. तें फकत एके बायलेचें चित्र उरनासतना व्यापक अशआ स्त्रीत्वाची बसका ताका मेळ्ळ्या . चित्रांतल्या हातांचें रेखाटनय भोव सोबीत जालां. व्यक्तिचित्रणाच्या मळार ह्या चित्रान एके तरेची क्रांती घडोवन हाडली.
मोनालिसाचो आदर्श दवरून फुडें कितल्याशाच चित्रकारांनी वेगवेगळीं व्यक्तीचित्रां रंगयलीं.नामनेचो दादवादी चित्रकार मार्शेल द्धूशाँ हाणें मोनालिसाक खाडमिशो लावन,ह्या चित्राचें विरूपण केलें आनी L.H.O.O.Q.(१९१९) ह्या नांवान प्रदर्शित केलें . प्रबोधनकाळांतल्या कलासौदर्याचे निकश भायर उडोवप , असो ताचो हें विरूपण करपाफाटल्यान हेत आसलो.
लिओनार्दोच्या काळआंत हें चित्र ताचेकडल्यान पयल्या फ्रांसिसान विकतें घेतलें उपरांत तें पारिसच्या लूव्हर कलासंग्रहालयांत दवरलें . थंयसावन १९११त तें चोरयेक गेलें. फुडें दोन वर्सां उपरांत तें मेळ्ळें,सद्याते लूव्हर संग्रहालयांत दवरलां.
मोनिज ,सेलीन ओल्गा: (जल्म २१ ऑक्टोबर १९२६,मोंबासा-केन्या ). सुटेकझुजारी .तिणे मॅट्रीक मेरेन शिक्षण घेतलें.बसका घेववप, क्रांतिवीरांवांगडा बेळगांव, बांदा आनी वेंगुर्ला हांगा वचप, गोंयांत भबंयगत वावर करप आनी शेजराच्या वाठारांतल्यान सुटके चळवळीखातीर अर्थीक मदत मागप असलीं कामां ती करताली . २६ जानेवारी १९५५ह्या दिसा मालीमच्यान पणजे हातांत बावटो घेवन वता असताना पुलिसांनी तिका घरली. ऑक्टोबर १९५५त तिची सुटाका जाली. पुलिस अधिकाऱ्याकडल्यान तिका शारिरीक आनी मानसिक त्रास द्वप जालें.१९५७त ती आफ्रिकेक गेली आनी सद्या ती लंडन हांगा स्थआयिक जाल्या .भारत सरकारान ताम्रपत्र दिवन तिचो भोवमान केलो.
मोनेअता, एरेनेस्तो तेओदोरो: (जल्म: २० सप्टेंबर १८३३,मिलान-इटली मरण १० फेब्रुवारी १९१८,मिलान).
संवसारीक शांततायेचो नोबॅल पुरस्कार फाव जाल्लो इटालियन पत्रकार . प्राथमिक शिक्षण घेतल्या उपरांत तो लश्करांत भरती जालो. पिरायेच्या पंदराव्या वर्सा १९४८त ऑस्ट्रियन सतेआड मिलान हांगा नागरिकांनी केल्ल्या स्वातंत्र्य उठावांत ताणें क्रियाशील वांटो घेतिल्लो. मिलानाक ऑस्ट्रियन सतेच्या जाचांचल्यान सोडोवपाक ताणें यत्न केले .
