हाचेकडेन ताची वळख जाली. १९३० त तो आयर्लांडाक आयलो. थंयच ट्रिनिटी कॉलेजांत फ्रेंचीचो अधिव्याख्यातो म्हणून काम करूंक लागलो. फुडें डिसेंबर १९३१ त हे नोकरेचो राजिनामो दिवन ताणें इंग्लंड, फ्रांस, जर्मन, इटली ह्या देशांची भोंवडी केली. १९३७ त तो परत पॅरीसाक आयलो आनी थंयच स्थायीक जालो.
ताणें आपलें. चडशें लिखाण फ्रें च आनी इंग्लीश भाशांतल्यान केलें. सुरवेच्या काळांत ताणे ‘होरोस्कोप’ (१९३०, फ्रेंच तत्वगिन्यानी रॅन देफार्त हांचेवयलें दीर्घकाव्य) ‘एकोज बोन्स अँण्ड अदर प्रिसिपिटेट्स’ (१९३५, कवितांझेलो), ‘प्रूस्त’ (१९३१, व्हड फ्रेंच कादंबरीकार मार्सेल प्रूस्त हाच्या साहित्याचेर बरयल्लो समिक्षात्मक निबंद), ‘मोर प्रिक्स दॅन किक्स’ (१९३४, कथां झेलो) आदी लिखाण केलें. उपरांत ताणें कादंबरी आनी नाटक हे साहित्य प्रकार हाताळ्ळे. ‘मर्फी’ (१९३८१), ‘वॉट’ (१९५३) आनी ‘मॉलॉय’ (१९५१) ह्यो ताच्यो उल्लेख करपासारक्यो कादंबऱ्यो. हातूंतले मॉलॉय हे मूळ फ्रेंच कादंबरीचो ताणें आपल्या प्रॅट्रिक बोल्स ह्या वांगड्याच्या आदारान इंग्लीश अणकार केलो (१९५५). तशेंच मर्फी हे मूळ इंग्लीश कादंबरीचो फ्रेंच अणकार ताणें आल्फ्रेद पेरॉन हाच्या आदारान केलो. पूण ताका संवसारीक नामना मेळ्ळी ती ताच्या ‘आंनातांदां गोदो’ (१९५२) हे नाट्यकृतीक लागून. हे मूळ फ्रेंच नाट्यकृतीचो इंग्लीश अणकार ताणें ‘वेटिंग फॉर गोदो’ (१९५४) ह्या नांवान केला. ५ जानेवारी १९५३ ह्या दिसा हें नाटक पॅरीसाचे रंगमाचयेर सादर केल्लें. १९६९ वर्सा ताचे हे नाट्यकृतीक साहित्याचो नोबॅल पुरस्कार फावो जालो.
बॅकेटाच्यो हेर उल्लेख करपासारक्यो साहित्यकृती अशो : मूळ फ्रेंच : ‘मालोन मर’ (कादंबरी, १९५१, इंग्लीश अणकार – मॅलॉन डायज, १९५६), ‘लिन्नोमाब्ल’ (कादंबरी १९५३, इ. अ. अन्नेमेबल, १९५८), ‘फँ द पार्ती’ (नाटक – १९५७, इ. अ. एंडगेम, १९५८). मूळ इंग्लीश : ‘ऑल दॅट फॉल’ (नाटक – १९५७), ‘क्रॅप्स लास्ट टेप’ (नाटक १९५९), ‘हॅपी डेस’ (नाटक – १९६२). आपल्या जायत्या इंग्लीश साहित्यकृतींचे फ्रेंच आनी फ्रेंच साहित्यकृतींचे इंग्लीश भाशेंतल्यान ताणें स्वताच अणकार केल्यात. बॅकेटचे सगळे बरपावळींतल्यान स्वताचो एकसारको घेतिल्लो सोद दिश्टी पडटा. मनशाच्यो इत्सा, अशा, आकांक्षा हांची फोडणिशी करता आसतना ताची विनोदी बुद्दी स्पश्ट दिसता. ताच्या साहित्यांतल्यान ताणें केल्लो भाशेचो कलात्मक वावर तशेंच ताची साहित्याची खोलसाण आनी व्यासंग दिश्टी पडटा. – कों. वि. सं. मं.
बॅडमिंटन : रॅकेट आनी फूल (शट्लकॉक) हांच्या आदारान खेळपाचो एक खेळ. हो खेळ उक्त्या मैदानांत खेळूंक मेळटा आसलो तरी, वाऱ्याच्या झोतान शट्लकॉक हुबपाची शक्यताय आशिल्ल्यान तो बंद जाग्यांनी खेळप लोक पसंत करतात
सुरवातीक ह्या खेळाक ‘पूना’ ह्या नांवान वळखताले. ताचेवयल्यान भारतांत पुणें हांगा ह्या खेळाचो उगम जालो आंसुये अशें कांय तज्ञांचें मत आसा. भारतांत आयिल्ल्या ब्रिटीश सेनाधिकायांनी फाविल्ल्या वेळांत खेळपाखातीर हो खेळ १८६० वर्साच्या अदमासाक सोदून काडलो. १८७१ वर्सा तांणी हो खेळ इंग्लंडाक व्हेलो.
१८७३ वर्सा ग्लॉस्टरशर परगण्यांतल्या बोफर्टच्या उमरावान आपल्या बॅडमिंटन नांवाच्या घरांत जेवणानिमतान जमिल्ल्या सगळ्या इश्टां – सोयऱ्यांक ह्या खेळाची वळख करून दिली. ताचेवयल्यान ह्या खेळाक ‘बँडमिंटन’ हे नांव पडलें.
बॅटलडोर (battledore) आनी शट्लकॉक (shuttlecock) ह्या भुरग्यांच्या खेळांवयल्यान ह्या खेळाची कल्पना मुखार आयली अशें म्हणटा.
ह्या खेळाचे पयले नेम १८७६ वर्सा पुण्यांत आंकले. उपरांत १८७७ वर्सा कराची हांगा कर्नल सेल्बी हाणें आद्या नेम तयार केले. १७८७३ वर्सा इंग्लंडांत बाथ हांगा पयल्या बॅडमिंटन क्लबाची स्थापणूक जाली. १८१३ वर्सा सावथ सी (ब्रिटन) हांगा १४ ब्रिटीश क्लब एकठांय
