7
èbăbă❜ănna, ta' abit ladjhoe băḍă ra-kèra sèket orèng sè njemma'è Gulliver, nastasè karabât pamanggherrǎnna tjètakka. Gulliver pas ngennèng aonga' sarta ngennèng ngabăs palasdhă ḍă' pangradjă djǎrèja.
Pangradjă djărèja bhădhănna lentjèr sarta aradjă'ăn sakonè' ḍări pangèrèngnga. Pangèrèng djărèja sè kaḍoewă paḍă mandjheng nonḍoe' ta'lèm neng èboeḍina, sè sèttong negghoe'i pontjana saongnga pangradjă ghellǎ', sè saabiddhă atjatja sambi negghoe' dhăloebăng salambâr.
Gulliver ta'ngartè sakalè apa maksotta sè èkotja'aghi djârèja, nangèng nangalè ḍâri ghoelina bhădhăn băn tanangnga, njapo' kèja ḍǎ' semmona. Pangradjă djărèja adhoedhing băn dhăloebăngnga ḍǎ' sèttong kennengngan; bhǎreng Gulliver atolè, katon ḍări djhǎoena băḍǎ koṭṭa labân ko-bengkoan èn-maènanna na'-kana'.
Gulliver ngartè djhă' abă'na parlo kodhoe atellok, sopadjă salametta, molana bhǎreng pangradjă djărèja marè sè tja'-ngotja', Gulliver ladjhoe adjhoengdjhoeng tanangnga, terros ètompangngaghi ḍă' ḍăḍăna, mara orèng asompa. Saellana bărijă, serrèna lapar bǎn pelka', ghǎrighi'na Gulliver èdjhoeddjhoeaghi ka tjolo'na pan-bărămpan kalè.
Orèng djǎrèja ngartè kèja ḍâ' kareppa Gulliver , molana ladjhoe aonggoe' pas toron ḍări pangghoeng, aparènta masang pan-bărămpan anḍhǎ ka bhǎdhănna Gulliver; ra-kèra saratos orèng sè naè' andhǎ aghibǎ kakanan terros èmaso’aghi ka tjolo'na Gulliver. Dhinèng ènomanna èbăḍḍhăi ettong ambhoe ghoeloe', ladjhoe ètjandhak bi' Gulliver èsèlèn ka tjolo'na njèng satjelgoeghăn, mangka ettong djărèja ettong sè dja-radjăăn è naghără djăḍijă.
Rèng-orèng nit-kinit djărèja mengnga'na ta' djhăma' nangalè pangènomma Gulliver, ladjhoe paḍă atangdhăng, băḍă sè akèntja' è ḍăḍăna Gulliver sarta rak-sorakan: „Hekinah Degoel", băḍă sè pa'- kopa'an ḍâri bhoengana, băḍă sè adjhoempalèt asangtèko, ḍări bhirăgghă, ladjhoe paḍă aberri' alamat ḍ6a' Gulliver, ettong sè ella kotong èsoro sèmpattaghi sakellarra. Gulliver ijă mètorot, nangèng tjè' tè-ngatèna, sopadjă ta' kongsèa ngennèng ḍâ' orèng nit-kinit djărèja. Bhăreng ettong kotong djărèja ngatjower ngolboe’ è băng-abăng noddjhoe ka tasè', orèng sè bănnja' paḍă asorak, pasorakka landjhăng, ḍări pèrakka sè nangalè kakowatan sabărijă radjăna.
Sè èkamengnga'è Gulliver taḍâ' laèn, tjoma kabăngalanna rèng-orèng djǎrèja, sè taḍă' tako'na sakalè sè njemma'è terro anjata’aghiă abǎ'na, èng hali aba'na èkotja' bhoeta.
Ènger băn ghighir djărèja ladjhoe aobă dhadhi seppè sanatkala, marghă băḍă orèng akalambhi mèra ngangghoej boerḍil, nompa' djhărăn, ḍăteng amboe tjè' semma'na ka Gulliver, ladjhoe toron ḍări djharǎnna, naè' andhǎ sè njanḍăr è to'otta Gulliver sè katjèr. Orèng djărèja otosanna Rato naghără Lillipoet, èèrèng abdhi sabățara, padjhălănna teggep kangsè semma' ka mowana Gulliver. Èdjă
