8
ḍijă ladjhoe matao sorat băḍă ettjappa karadjhă'ăn, sarta pas masè tjè' ijăna sè ahotbă, nangèng sama sakalè Gulliver ta' ngartè.
Orèng djǎrèja robăna ijă njapo' semmo, djhǎ' orèng tangkeppanna ta' ngartè maksotta hotbăna sarta ta' tao matja tolèsan neng è sorat sè ètegghoe' bhoeroe. Molana ta' ambhoe aḍăntè' djǎwǎbbhă Gulliver, samarèna sè ahotbă ladjhoe adhoedhing polè ḍă' ettjap karadjhǎ'ăn, pas atolè ḍă' binarana koṭṭa è djhǎoena. Samarèna, tanangnga ladjhoe èpasanglè' akanța orèng sè èbhăndhă.
Ḍări pangarteanna Gulliver, abă'na èghibǎ'ǎ ka koṭṭa, ka kaḍhǎtonna Rato naghără Lillipoet, ghibǎ'ănna masțè èpèngkot. Nangèng Gulliver kareppa ta' endă'ă, mon kadhik èpèngkot; pamèntana adjhălăna dhibi' bhǎi ka koṭṭa, mara orèng mardhika ta' osa èlè'-talè'è, angsal lè-talè bhăbhăndhănna èboettjalè ghǎlloe. Bărijă pamèntana Gulliver ḍă' otosan. Nangèng ta' ètorotè.
Gulliver abăk seḍdhi marghǎ pamèntana sè ta' ètorotè djǎrèja, molana pas adhi-bhoedhi asaddjhă mapegghǎ'ă talè bhabhăndhănna; nangèng mowa băn tanangnga pas arassa sakè' băn peddhi, marghǎ sala loka pas èodjhănè pana Apa polè èkarassa băḍă pana sè tjekka' è mowana, è èlongnga băn è tanangnga. Kadjhǎbhǎ dări djărèja, mosona sadjăn atambă bănnja', molana pèkkèrra Gulliver lebbi bettjè' neng-enneng, ma' ta' so'è aghăbăj sakè'na atèna orèng nit-kinit djǎrèja. Amarghǎ djărèja Gulliver ladjhoe abălă ḍǎ' otosanna rato, abă'na atoro'a saparèntana sè marènta naghără djăḍijă, ta' adhi-bhoedhiă polè sarta ta' aghăbăjă sossana orèng.
Otosan tjè' bhoengana, aonggoe' ḍă' Gulliver pas abăli matora ḍǎ' ratona bhăb asèlla sè èpakon. Sataḍă'na otosan, băn Gulliver èkarassa, djha mowana bắn tanangnga èbeddha’i paparem ro'om bǎn orèng Lillipoet, na-pana sè tjekka' èdhăboe'i on-laonan, saellana ladjhoe èberri'i ènoman sè njeggherri băn kakanan sè amamfaatè ḍǎ' bhǎdhăn.
Marèna ngakan băn ngènom, Gulliver arassa katondoe, ladjhoe tèḍoeng kapatè. È laèn arèna Gulliver ngèḍing berta, djhă' padjhǎt abǎ'na èpasangè obat tidoer băn orèng Lillipoet, sopadjă ta' adhi-bhoedhiă polè, sabăb orèng Lillipoet djărèja ta' patè partjadjă ongghoe ḍă' sangghoebbhă abă'na. Bărămpa abiddha Gulliver sè mendhem djǎrèja ta' tao ngandhǎ'aghi, nangèng ra-kèra tanto pan-bărămpan eddjhăm abiddhă, sabăb bhăreng ngèding tao-tao abǎ'na ella ta' neng-è rebbhă polè, nangèng ella aghentang èattassa gălinding sè adjhălăn on-laonan.
Kaotja'a Rato naghără Lillipoet djărèja bidjǎksana băn pènter. È nalèka myarsa djhă' Gulliver ella dhăddhi bhoedjoengan, ladjhoe kasokan èabdhiaghiă, sopadjă dhăddhiă panonḍhoengnga mosona naghǎrăna. Enḍă'ă ta' enḍă'ă, èpakon ghibă ka koṭṭa. Sopadjǎ bhoeta djărèja ta' li-ghoeliăna, rato ladjhoe aḍhăboe masang obat tidoer sè tjè' mandhina kaḍălem anggoerra Gulliver, ma' ollè mendhem. Bhåreng bhoetana ella tèḍoeng kapatè, ladjhoe
