10
angsal Gulliver asaddjhă abhăngghǎ'ă otabǎ terro malotjota bhadhǎnna ḍări bhabhăndhănna. Bărijă padjhălănna gălinḍing on-laonan samalem bhentèng.
Kalagghoeănna bădjă para’ bheḍḍhoek gălinḍing băn Gulliver salamet napa' ka seddhi'na ghǎporana koṭṭa. Sang Rato mèjos labăn saèssèna karaton, ngamba' paḍătengnga bhoeta djărèja. Bhǎreng Sang Rato ngolatè djhǎ' Gulliver aghentang è gălinḍing sarta apèngkot, pèjan-dhǎlem ladjhoe aḍhăboe, kasokan ongghă'ă ḍă' bhădhănna orèng sè mara ghoenong djărèja, nangèng para Pangèran băn para pottrè paḍă ta' sarodjoe' ḍă' kasokanna Sang Rato, sabăb lalakon sè bărijă djărèja lolodjă, njangghă mèsanè ḍă' salèrana Sang Rato. Sang Rato ijă ladjhoe maboeroeng kasokanna djărèja.
Kabhenḍerrăn neng èseddhi'ănna ghǎporana koṭṭa băḍă sèttong masèghit kona tjè' radjăna , djă'-radjă'ăn è saantèrona naghără Lillipoet. Masèghit djărèja kotong ta' tao èkennengngè, sabăb pan-bărămpan taon sè ella tapongkor èdjăḍijă băḍă radjhă patè paḍă bhăngsa Lillipoetta. Mongghoe pangrasana orèng èdjăḍijă masèghit djǎrèja bengko sè djǎ'-radja'ăn. Nangèng sanjatana radjăna ghi' ta' njapo' ka pondhoek sè nè'-kènè'an è tegghăllǎ bhăngsa Madhoeră. Djǎrèja sè èdhika'aghi rato ghăbăj kennengnganna Gulliver.
Neng èpèngghir ḍădjă băḍă labăngnga radjă ḍări marmer, tèngghina lebbi samèter, lèbărră ra-kèra tello parapat mèter. Molana mon maso'a Gulliver masțè ngenḍă', nangèng neng èḍălem ngennèng mandjheng sodhek. Ḍări tè-ngatèna, sakabbhiănna djănḍilăna masèghit djărèja èpasangè ratja' bessè. Dhinèng Gulliver dhibi' sakona sè katjèr èpanggher ka rantaj rangkep sangang polo sèttong mègghỉ'. Dhinèng radjăna paḍã băn rantajja arlodji băbinè', èpatjekka' ḍǎ' tèmbo'na masèghit, sè masang panḍhi karaton dhibi'. Rantaj djărèja djhăng-landjhăng, kangsè Gulliver ngennèng lăn-djhălănan tjar-kantjèr neng èḍǎlem masèghit, tarkaḍhăng kangsè napa' ḍă' aḍa'ănna labăng.
Lè-talè pamanggherrăn băn karabăt pamèngkotanna Gulliver ghi' neng è gălinḍing èboekkalè kabbhi, bhǎreng Gulliver la marè èrantaj bhoeroe. Molaè abă'na băḍă neng-è polo djădijă, ghi' bhoeroe sakalèan djărèja Gulliver ngennèng mandjheng, akalèja' băn maghoeli abǎ'na sabhădhăn, djărèja tjè' njamanna băn tjè' aghoenana sakalè, marghǎ bhădhănna gherră'ăn kakabbhi.
Tadjǎdjǎ'na bhăngsa Lillipoet nalèkana ngataoè raksasa djărèja mandjheng, lăn-djhălănan ḍăr-manḍir taḍă’ khăbhăndhinganna, kongsè Sang Rato sè sabbhănna ta' mengnga'an băn ta' tako'an, ijă tatjengnga' kèja ngolatè radjana bhoedjoenganna.
Gulliver atolè ka kangan ka katjèr arassa tjè' sennengnga ngabăssaghi apa sè ètangalè. Paanapanna èdjăḍijă kakabbhi akanţa kebbhoen radjhǎ èn-maènanna na'-kana'. Bă-sabă lan-njellanè alas, ka'-bhoengka'anna sè ghi-tèngghiăn ta' lebbi ḍări ḍoewǎ mèter. Eadǎ'na sokona koṭṭana naghără Lillipoet, possa' ko- bengko nè'-
