27
Dhinèng kareppa Gulliver sè atèngka bărijă djărèja, taḍă' laèn tjoma mettjadhǎ Sang Rato dări kalongghoeǎnna, aghăntèa dhăddhi Rato naghǎră Lillipoet, dhăddhi abă'na males djhoebă' da' Sang Rato, sè nèser băn sè bellǎs dă' abă'na, marabhoet tja'-otja'an: èberri' kembhăng males ratjèng.
Sang Rato myarsa'aghi sakabbhiănna ghoeghăt băn pandǎ'wǎ djărèja. Bhender salèrana aḍhăboe, djhă' Gulliver radjă partolonganna dǎ' naghără Lillipoet, nangèng ghi' mondhoet bhăi dă' ghǎt-ghoeghǎt djărėja. Tjoma sèttong mantrè karaton sè băngal njalè dǎ' trè-mantrè laènna, èkotja' orèng sè korang panarèmana. Mantrè djǎrèja djoeng-mondjoeng Gulliver sarta ngadjhoeaghi lalakonna sè ella kadjhălănan. La-mala njo'on-njo'on da' pasèmoan, sopadjă Gulliver èpaḍătengnga ma' ollè alabăn tjatja băn dǎ'wǎ djărèja kabbhi. Nangèng kakabbhi djărèja ta' paghoena.
Robǎ-robăna para mantrè ella padă sarodjoe' sè makalèra Gulliver; dhăddhi Gulliver ta' kadhik èparèksa, ta' kalaban èkala' atorra ghǎlloe, ladjhoe èpotos bản pangadhilăn tèngghi, èokom èpaboeta matana doe kaladjă, marghǎ kasala'an tjèddhră dă' Naghără, dhoesa sè palèng radjă; labăn ètepteppaghi, sè nèbhă'aghiă monjèna ponnès djǎrèja è bǎktona Gulliver tèḍoeng. Dhinèng sè èbhoebbhoei andjhălănnaghi lalakon djăhănnam bhoeroe dokter mata sabătara. Abǎ'na èsoro njottjo matana Gulliver kalaban tombhăk sè èobbhăr èpamarong kontjo'na ghålloe. Kaotja'a Sang Rato ta' kasokan alang-lang sakalè dǎ' lalakon nèspa djărèja. Tjoma mantrè karaton sorang sè apangrasa kabǎdjibhăn masènga' da' sobăddha (Gulliver) sopadjǎ ngastètèa, salè-ollè sabelloenna ponnès djărèja èlabheddhi moso Sang Rato.
È bǎkto ella lèngsèr tengnga malem, otosanna mantrè karaton, apa sè bhakal tèbhǎ'ă dă' Gulliver, mon ponnès ella èlabheddhi.
Gulliver ta' parlo mèkker djhăng-landjhăng băb apa sè pardjoeghǎ èlakonè. Dǎ'-ada'na Gulliver tjè' seddhina da' Sang Rato sarta da' para mantrẻ, sè paḍă korang panarèmana ḍă' kabettjè'anna abăʼna. Dări pegghellă, abă'na asaddjhǎ marosaka koṭṭa Mildendo èparata'a băn tana, nangèng saddjha sè bărija djărèja ta’ èlastarèaghi, sabăb pèkkèrra abana mon mara djărèja ngokom rèng-orèng băn nja' sè ta' andi' dhoesa sama sakalè. Molana Gulliver njèng ondhoeră dări Lillipoet bhăi.
Bhǎreng otosan ella mongkor, Gulliver ladjhoe akes- rèngkes dhăndhănanna, adhăndhăn matetteng, saellana ngantjèng băn njosè labăngnga bengkona, ladjhoe mapan tèdoeng. Bhǎreng ella para’ sèjang pas djhăghă, marèngkes lama’ băn sepprèna, è ale’è dhăddhi sèttong, ladjhoe èghibă dă' pèngghir sèrèng; èdjăḍijă abă’na ngala' sèttong kapal perrang Belépoeskoe sè djǎ'-radjă❜ăn, sè ghi băḍă è palabbhoeăn, èboewǎ'i dhăndhănanna. Kapal
