28
bhoeroe pas ètalè'è, mangghårră èraboet, Gulliver ladjhoe atjab bhoer ka aèng, alangngoj sambi ngèrèt kapal djărèja. Palangngojja mantjer dă' palabbhoeăn Belépoeskoe. Sarḍăḍoe sè adjăgă palab bhoeăn ghi' ta' kangsè mamonjè tatengnger, Gulliver ella ta' katon, katopoan arboen kandhel è bădjă ghi' lagghoe. Ta' abit Gulliver ella napa' dă' palabbhoeăn Belépoeskoe kalaban salamet.
Ta' katjator bhoengana rèng-orèng è Belépoeskoe bhǎreng kaḍătengngan Gulliver. Saantèro naghără Belépoeskoe ella paḍă ngèḍing kabbhi djhǎ' Gulliver radjă partolonganna dă' Sang Rato Belépoeskoe, nalèka aghăbăj kontrak băḍămèan. Bhǎreng Gulliver ongghă dă' tèngghăngan, ladjhoe mènta tolong ka orèng djăḍijă sopadjă èatorraghia da' Sang Rato. Orèng sè èpèntaè tolong ngenjor njabis da' karaton. Kèra saeddjhăm agghi' Gulliver narèma dhǎboe djha' Sang Rato kasokan narèma patjabissa Gulliver neng è sèttong ra-ara neng è ḍădjăna koṭṭa, kalabǎn para santana dhalem băn para pardjădji dja-radja è naghără Belépoeskoe.
Gulliver dhoeli èntar da' ra-ara djărèja. Sanapa'na, Sang Rato toron dări djhărăn katètèanna, bărijă kèja Dhin adjoe Rato laban para pottrè pangèrèngnga, toron dări karèta tarèk bǎlloena, mapak padatengnga Gulliver. Gulliver alèro' è tana, ladjhoe njèjom astana Dhin adjoe Rato sarta mator dă' Sang Rato, djhǎ' padjhǎt naghără ella abit abǎ'na sè terro taoa kabădă'ănna Belépoeskoe, sarta ta' lèng-ngalèng, addhoe djhărbă bhăi, djhă' dhoeli abă'na ta' amaèna saarè doe arè bhăi neng è Belépoeskoe, sabăb sanjatana abă'na boeroe marghǎ è Lillipoet bhakal nemmoa tjalaka' radjă, ijă arèja băbălessa kabettjè'anna. Molana patjabissa abă❜na djărèja ngèras njo'on pangaopan da' Sang Rato.
Sang Rato ijă asangghoep ngaopana. Saellana aparèng salamet dǎ' Gulliver sè ella dăpa' dă' naghărăna, ladjhoe aparènta njadijǎ'aghi kennengnganna. Gulliver èlèllanè ngèdherri naghără Belépoeskoe, tjoma ètjo - pattjo, saabiddhă dher-mèdher djhă' kangsè marosak men-tamennan, sarta djhă' aghăbăj rogina kaboelǎna. Abdhi padăporanna Sang Rato èparènta kèja, njaḍijă’aghi kakanna Gulliver.
Dări panemmona Gulliver orèng Belépoeskoe aradjǎ'ăn băn Lillipoet. Kaotja'a Gulliver sabbhăn arè orèng akowatan dări dher- mèdher è polo Belépoeskoe. Nangèng sè èkapernaè ongghoe nèng èpèngghir lèbăt; nangèng sèrèng, sambi rep-ngarep, mandhăr băḍă'ă parao pangarep-areppa, djărèja ta' paghoena.
È sèttongnga malem băḍă partolonganna Pangèran sè aghoeng dǎ' Gulliver, ijă arèja angèn salaboeng, ola' taon nerrak polo Belépoeskoe. Kalagghoeănna bhareng Gulliver djăr-klèndjăr neng è ghir sèrèng tèmorra polo, ladjhoe katon bădă parao nongngep, atjora' ghăbăjăn Erropa, băng-gǎlimbăngan èandjoel ombǎ', ta' djhǎoe dări pasèsèr. Ollè dhăddhi sampan djărèja tapèsa dări
