33
Serrang takerdjhăt pas ènga' masakalèan, kalowar ḍări alam mèmpè. Apa sè katon satèja? Kemma tang-bintang sè dhǎp-kareḍḍhăbhăn sè atjora' sentar bărlèjanna orèng raddhin rowa?
O, langngè'na katon tjelleng, petteng, masè aberri' tanḍhă katjalaka'an. Ella ta' sèsèp polè. Ola' taon radjă ella adjhălăn, ta' abit polè tanto leddhoe' pas ngamok.
Serrang ladjhoe dhoeli èntar dă ' sențongnga kaptèn, adjhăghǎ' ǎna lorana kapal. Bhareng kaptèn Nikolaas ngèding, djha' kabǎ dǎ'ănna băng-abăng aobă, ladjhoe dhoeli masang angghoejjă, atopi kebbhăng, amènnja' panangkèssa odjhăn băn angèn, ladjhoe ongghǎ ka edḍèk. Serrang ladjhoe èghăntè. Sabăb dări bijăsana kaptèn, sakeddjhǎ' bhăi ella tao, djhă' padjhăt băḍă bhăbhădjă dătengnga.
Ghi' bhoeroe kapten ollè aparènta bărijă: „Troes-mattroes ka eḍdèk, tjandilăna ènteppè!" angènna ella aghǎroedoe' tjè' santa'na kangsè ladjăr sè è tjèk-ontjèkka tèjang bheḍḍhă bing-tjarbing, èkèpengngaghi băn lang-palangnga sakalè, dhoelat ta’ ngennòng ka orèng. Para mattroes sè kas-parèkas dhoeli ongghǎ ka eḍdèk, nalar ka tèjang băn lè-talèna kapal aghoeloenga djăr-ladjărră. Pangghăbăjăn djărèja tjè' njangsarana, sabăb ladjărră ta' essa sè èghi bă angèn, kangsè kapalla èpèlpallaghi kaaḍă', ngatjower ènga' pana.
Kapten Nikolaas aparènta : „Otjol kellatta!”
Djăr-ladjăr pas agălebber tor-ngantor ka tèjang salang paka loṭṭak. Nangèng dhoeli ètjanḍhăk moso troes-mattroes sè wat-kowat ghella', terros èghoeloeng.
Paennengnga Avonturier mara bhățok akèntja' neng è ombă' djăr-ladjăr ella paḍă aghoeloeng, kapalla pas sè radjă. Bhăreng korang santa' padjhălănnna. Dări parèntana kaptèn tjoma ladjăr paḍḍhoe bhăi sè èsoro ghoeloeng saparo, sopadjă angèn salaboeng ta' patèa bhǎnget panongngo'na ka kapal. Sakeddjhǎ' kapalla njonglet kabăbă, tjotjorra kellem ka ombă', sè namboe kapal dări aḍă'. Jang-tèjang salang pakarowa', lè-talè patang katjepplas, pan-papan paḍă meldoes, kapal masè bhengka’a.
Ombă' radjă abhoewăng èattasanna kapal, pettja, ghǎgghår njaop eḍdèk boeḍiăn, marobbhoe orèng patoghoena kamoḍdhi; orèng laènna dhoeli njandher aghăntè. Kabăda ăn sè bărija djărèja li băliăn pan-bărămpan kalè.
Saabiddha kapalla èpeng-kèpengngaghi ombǎ' ka kangan ka katjèr, monjèna patang karekkek, kapten Nikolaas ghi' kobher marèksa, ka kamma alowanna kapalla. Sabab saabiddhă èamok salaboeng kangsè satengnga eddjhăm, kapalla ella ta' ètemmo alowanna, bărijă kèja djhăroemma pandhoeman ta' endă' neng-enneng sakalè, li-ghoeliǎn bhăi, dhăddhi sara sè taoa ngaranè dimma dădjă, dimma lao', dimma bără, dimma tèmor. Angènna djhǎ'-sakeddjhǎ' aobă paḍătengnga. Dhang-kadhăng nongngo' tjè' bhängetta da' èrèng kangan, masè mowanga kapal djǎrèja dă' èrèng katjèr. Kapal ghi ' bhoeroe abǎk teppa'
LALAMPA'ANNAGULLIVER
