34
Pannengnga, ladjhoe bhărăt nempo dări èrèng katjèr, kapal abhălindher ka kangan. Pangèrana orèng, èsangghoe èpokola angèn dări èrèng kanan; dhăng-kaḍhăng kapal masè njattja'a kaaḍă'.
Kapten Nikolaas ella ngettokkaghi ghoena tarèkana sè terro nangalèa pa-apa èḍălemma petteng alèmonan djărèja, nangèng ta' paghoena, marghǎ ghoelina kapal pèdjher abă-obă bhăi. Ontongnga èḍălemma pakèboe sè mara djărèja, kapalla kabhenḍerrăn băḍă è tasè' radjă, dhăddhi ta' tako' ka karang otabă ghoesong. Rassa-rassana mon pèra' amoso kalèng boesboes malolo, paraona ghi' mongkat.
Serrèna kapten Nikolaas ta' terrang, mongghing èdimma patana paraona djǎrèja, dhăddhi patè-ngatèna sadjăn lèpet doewa'. Abă'na angrasa, djhǎ' nangghoeng oḍi'na rèng-orèng, boewădhăn sè bănnja' arghăna băn salametta para na.
Tjè' njangsarana sè ngataoana obăna ghoelina parao, sabab parao ètal-ontallaghi bhărăt băn ombă' da' attas dă' băbă, tjara tembhoeng sè èdhoe'-tandhoe' ka kangan katjèr; aboe-èmboe angènna ngarodoe' roek-derroeghăn. Ombă'na aghǎroedoe', paraona kek-karekkekkan, sowarana rammè, ella sarat ètengnga paperrangan, nangèng pangèḍingnga orèng paraoan atambă tadjhemma, dări karèbegghǎn pannengnga sè mara djărèja.
Serrèna pettengnga tjalèmotan, ta' katon kontjo'na èlong, dhăddhi kapten Nikolaas tjoma partjadjă dă' pangèḍingnga bhăi. Dări pangèḍingnga djărèja terrang, djha' ombă'na abă-obă panem pona, bărijă kèja ghoelina paraona.
Ella pan-bărămpan kalè kaptèn njanḍhăk roḍă pamoterranna kamoḍhi, terro taoa, apa paraona ghi' noro' parèntana kamoḍhina apa endjǎ'. Kateppa'an kaptèn nèngghoe polè ladjhoe èkarassa masè băḍă pa-apa sè naghennè djhălănna kamoḍhi. Kaptèn sè ngèdingngaghi èpatjè' tèlèngnga.
Sanaddjhăn alonna (¹) santa', terros ngabhibhingngaghi parao, nangèng èkarassa djhă' tasè' sadjăn aghoendjek, ombă' djhă'-sa keddjhǎ' atjampo, apa polè dări èrèng katjèr masè bădă aros sè talèbăt santa' nempo sè ta' kennèng ètahan, masè mowanga parao ka èrèng kangan.
Dări tako'na mè' ghågghår ka aros sè matalaora paraona dă' sèttong polo sè ghi ta èkataoè, băn kaptèn kamodhina ladjhoe èsèrènnaghi ḍă' serrang nomer sèttong, sarta èsoro mantjer kaaḍă' teppa bhăi; kaptèn dhoeli berka’ kaadi ăn Bărija keja aba na aparènta dă' orèng sè băḍă neng è pangghoengnga tèjang aghoeng, soro ngabǎs bi' tètè; dhinèng abǎ'na dhibi' sè ella bijăsa neng è teng-pettengnga, mandheng mantjerreng kaaḍă'; nangèng abǎ'na ta' nangalè pa-apa sè kèra ngabătèrè; molana ladjhoe abăli ka kamoḍhi kabbhi ètemmo ghi' pagghoen mara ghella'na, ghi' nalèka èdhina'aghi.
(1) ombǎ ' radjă.
