Ella ta' pardoeli bărămma'a bhăi, kaptèn asaddjhă manjèngla'a kapalla ḍări aros sè ambhăbhădjănè djărèja. Kaptèn ladjhoe ongghǎ ka pangghoeng pangomanḍóan, sarta pas aparènta bărijă, kalabǎn salomprèt: otjol ladjăr aḍă' bă-băbă!
Sowarana komanḍó djărèja tjoma èkaèḍing mat-lamat. Ta' abit ladjăr aboekka' ber-gălebberrăn, kellatta pas ètalèaghi.
Kaptèn aparènta polè:
„Otjol ladjăr è tèjang aghoeng!"
„Otjol kellatta kabbhi!
„Polang kamoḍhina!"
Ḍări berrǎ'na panekketta ladjăr ètjapo' angèn, sowarana parao sè apolang patang katjowak. Angèn bhărăt nongngo' ladjăr sè bhoeroe ètalèaghi polè, ta' abit paraona njarèttjèng ḍă' kennengngan sè èkareppaghi kaptèn; nangèng ladjhoe ètjapo' aros polè, parao èlanjo' èkabhoeroeaghi.
Sopadjǎ kapalla ta' mèrènga, djăr-ladjăr sè ghi' bhoeroe èbăbbăr ghellǎ' kodhoe ètèrep polè. Parao noro' bhăi sakareppa ghilina aros.
Ḍări pangghoengnga tèjang aghoeng ladjhoe băḍă sowara bărijă:
„ Èaḍă' băḍă ḍhărădhăn!”
Rèng-orèng paḍă atolè ḍă' alowanna kapal, sambi takerdjhăt bǎn tako'.
Ladjhoe èkèḍing polè sowara : è kangan bădă ḍhârât; è katjèr băḍă ḍhărăt!
Kapten Nikolaas ngabǎs ka kangan katjèr masè ta' anḍi' atè èdǎlem. È kangan katjèr băḍă ghoenong bato ghi-tèngghi. Dhinèng paraona masè ngabbherră akanța pana leppas dări ghănḍhibǎna, njellor è antarana ghoenong djărèja.
„ Kaaḍă' teppa'! " Bărijă parèntana kaptèn dă ' djhoermoḍhi; sowarana aro-saroan neng - è ghoenong bhoeroe. Paraona ijă ghi' noro' da' parèntana kamoḍhi. Avonturier alontja' polè noro' ombă', tao-tao ladjhoe bădă neng - è tasè' sè anteng. Ghoenong bato kangan katjèr tada', tasè'na bhersè taḍă' rang-karangnga. Bărijă sè ètangalè èḍălemma petteng alèmonan djărèja. Rèng-orèng èssèna kapal mara sè amèmpè. Pangamokka salaboeng , ghåroedoe'na angèn băn ombă ' ghi' èkaèding mat- lamat è djhǎoena. Aèng aghoeli on-laonan , masè ngellos lambhoengnga Avonturier Avonturier alènggång mèjak aèng tasè anteng ghellǎ. Aḍoe Alla sokkor dhoelat kaoelă sadhădjă katolongan salamet dǎpa telloe. Bărijă sokkorra kapten Nikolaas ka Alla, ladjhoe ètoro'è sowara dări djhoeroe bǎto: „Doewǎ bellǎs deppa!
Kapten Nikolaas aparènta: „Tjabbhoer djhăngkarra!"
