58
Gulliver ghi' bhoeroe bhăi sè ènga' è orèng, pas njo'on da ' kaptèn, kasokana makon njèmpen kas-pakakassa sè bădă neng èḍălem bengkona, sopadjǎ ta' èlanga, ijă arèja: tèker radjhoet sottra, katèḍoengan ḍări ghăḍḍhing, korsè, mèdjă băn lamarè. Bing-tabingnga bengkona ètotopè sottra sè larang arghăna.
Bi' kapten Gulliver èkèra ghilă, sabab bengkona Gulliver djă rèja èsangghoe karangkèngan. Nangèng njopprè lèpora átèna tamojja djărèja, abă'na ijă asangghoep norotana saparèntana djǎrèja. Gulliver èbălăi soro tèḍoeng panjaman, băn djhă' kèr-pèkkèran pa-apa. Parkara sè ngarèngkessana ḍi'-anḍi'na, kaptèn sè nangghoeng.
Kapten ladjhoe èntar ka edḍèk, aparènta ka mattroes kaḍoewǎ toron kaḍălem karangkènganna Gulliver. Sanapa'na ḍă' băbă rèng sè kaḍoewǎ tjè' mengnga'na, sabăb apa sè èkotja'aghi Gulliver ghellă' paḍă băḍă kabbhi. Dări parèntana kaptèn răng-bhărăng djǎrèja èpakalowar, pas èpaongghǎ ka parao, bărijă kèja băboet sottrana. Kaptèn asoro mokkalè lăng-ghellang salaka sè neng è totoppa bengko, pas èsoro paongghă dă' parao sakalè. Lăng -ghellăng djărèja padă băn rodăna seppoer, berră’na talèbăt, èosong orèng kaḍoewă ghi' ngè'-kalengngè'an, sabab djărèja bănnè lăng-ghellǎng ngarongkong.
Bhǎreng kas-pakakas sè neng è bengkona Gulliver ella èpaongghǎ ka parao kabbhi, pas băḍă pan-bărămpan papan sè èboekkalè. Bengkona pas kamaso'an aèng, ta' abit pas njèllem.
È kala sabǎrijă Gulliver tedoeng kangse pan-bărămpan eddjhăm. Dhinèng sè èkamèmpè tadă' laèn, kadjhăbhă naghărăna raksasa sè ghi' bhoeroe èsèngghai băn pan- bărămpan katjalaka'an sè ella èsanḍhăng. Bhăreng abă'na djhăghă, bhădhănna arassa tegghes sarta bărǎs. Nalèka djărèja ella pokol sanga' malem. Kaptèn aparènta jă-saḍijă dhǎ'ăr; Gulliver èolok, èadjhak ngakan kèja.
Samarèna ngakan, Gulliver èsoro njarèta'aghi sakabbhiǎnna lalakonna sarta bărămma djhălănna ma' pas enneng èḍălem pettè sè tjè' radjăna ghellǎ', bi'-dhibi'ăn sarta băng-kambăngan neng è tasè'. Kaptèn atjarèta da' Gulliver, djhă' è bădjă ngadheppaghi bheddhoek abă’na ngèker, nangalè bhărăng radja băng-kambăngan neng è tasè', ḍă'-aḍă'na èsangghoe lă'-bellă'ănna parao. Nangèng bhǎreng èsemma'è, katara ḍări bhăngonna, djhǎ' bănnè parao. Serrangnga ladjhoe èparèntaè manggher bhărăng anè djărèja. Băḍă pan-bărămpan mattroes èsoro nompa' sampan, bhǎrăng marèksa bhoeroe. Bhareng troes-mattroes abăli pas atotoran, djhă' bhărăng sè anè djărèja sanjatana bengko ngambăng, katara dări djănḍilăna.
Troes-mattroes djărèja èghighiri băn kaptènna, èkotja' boenggăn ta' kabăbă. Anangèng sarrèna tjè' terrona sè taoa da' bhărăng djǎrèja, abǎ'na pas nompa' sampan èntar marèksa dhibi', sarta ngèbăn khănţol băn lè talè sè tegghoe. Kabhenderrăn tasè'na
