59
anteng, molana abă'na ngennèng adhădjoeng ngobhengngè bengko ngambăng djărèja; anangèng ta' nangalè orèng sèttonga. Aba'na ladjhoe aparènta sopadjă bengko ètadjhă'ă, èpasemma'a ka paraona, ma' ollè èparèksa kalaban tètè. Tao-tao pas ladjhoe baḍâ tongket ngomo' ḍări lobăngnga bengko, èkontjo'na èsambhoeghelli saptanang; djarèja se nandha'aghi, djhă' èdǎlem mastè băḍă orèng kalèrra, ladjhoe èkarènaè, bărămma sè atolonga. Dhinèng terrossa, Gulliver ella tao dhibi'.
Gulliver pas atanja, amè' kaptèn otabă sala sèttonga troes-mattroes ghella' bădă nangalè mano' ghǎroeḍhă radjă, ngabbher è băng-abăng sambi njangkerrem bengko ngambăng djărèja. Kaptèn sabhàrengnga padă njambhit, djha' ta' lè-sakalè nangalè mano' djǎrèja.
Gulliver atanja polè, bărămpa mongghoe da' taksèranna kaptèn, djhǎoena kennengngan djăḍijă dări dhărădhăn sè ma'-semma'an.
Kapten njambhidhi djhă' mètorot parètongan sè palèng tètè, ta' korang dări paladjărăn bălloeng arè.
Nangèng Gulliver ngakoè djhă' panemmo djărèja mastè kalèro, djhǎoena dări dhărăt da' kennengnganna sabab aba'na sè ètemmo kapten ta' napa' paladjărăn bălloeng eddjhăm.
Otja'na Gulliver sè bărijă djărèja ta' èpartjadjă bi' kaptèn, tjoma èmèsemmè bhăi; bărijă kèja, djhă' bădă mano' kellar njangkerrem bengko sabărijă radjana èghibă ngabbher.
Amarghǎ otja'na sè ta' èpartjadjă djărèja, Gulliver ladjhoe seḍḍhi, sarta ladjhoe akanḍhă alarlar sakalè apa sè ella èsandhăng, ètemmo băn èkataoè molaè dări pamangkatta dări naghără Inggris kangsè da' băktona abă'na katolongan dări bengko ngambăng ghella'. Sopadjă rèng orèng atambǎ'ă partjadjă, peṭṭèna Gulliver sè èangkès dări bengkona ghella', èsoro pakalowar. Pettè djǎrèja èboekka' neng eaḍă'ănna kaptèn, èḍălem aèssè bhărăng nè-anè, sè èpapolong saabiddhă Gulliver bădă neng è naghǎrăna raksasa, akanţa: sengnga'na njarowan, radjana padă băn ghårighi'na na'- kana', sello' emmas paparèngnga Dhin adjoe Rato, radjăna paḍă băn kalongnga patè', djhăroem landjhăngnga satengnga mèter, ghighina abdhi karaton, radjăna taḍă ' bhidhăna bắn ghighina ghădjhả băn èn laènna răng khẳrăng sè paḍă nè-anè.
Bhǎreng nangalè tè-bhoektè sè dhăddhi saksè, djha' tjarètana Gulliver ghella' bhender, ta' partjadjăna kaptèn da' Gulliver abăk èkamengnga'è, sarta bădă korangnga. Molana Gulliver sadjăn èadjhinè băn rèng-orèng kapal. Bădă polè sè èkamengnga' èssèna kapal, arèja arapa Gulliver mon atjatja ma kaḍhik rat-ṭaratan. Bhǎreng kapten atanja arapa abă'na mon atjatja ma' rat-taratan, apa rèng-orèng naghără raksasa djărèja padă tèngel kabbhi; Gulliver abălă djhă' patjatjana rèng-orèng èḍălem parao djaḍijă pangomandona kapten, mongghoe ḍă'Gulliver akanța orèng ato'-koto. Abă'na ella bijăsa ngèḍing sowarana raksasa sè
