Gulliver amèt da ' ana ' binèna , ladjhoe ongghă dă ' kapal De Hoop . Mantjal dări palabbhoeăn Bristol nalèka tangghål 5 Agoestoes 1706. Saellana abit sè aladjăr, è lăn - djhălăn ta' essa sè ètjapo' angèn bhărǎt, ladjhoe napa' dă ' Fort St. George, nalèka tangghål 11 April 1707.
Băḍă èdjăḍijă kaptèn Robinson amboe tello mènggoe abiddhă, parlo mateppa'a kapalla sè ella bhănget rosakka, băn njarèa mattroes anjar polè, sabab nalèkana ètjapo' angèn salaboeng băḍă sabătara matroessa sè èlang.
Dări Fort St. George kapal De Hoop aladjăr mantjer dă' Tonkin. Neng è sellat Malaka, sanaddjhăn èdjăḍijă bhădjhägghǎ ngaremmet sarta ngabătèrè, salamet aḍă' pa-apa. Bit-abit napa' dă' palabbhoeăn Hanoi. Kapten Robinson tanto kodhoe amboe abit èdjăḍijă, sabăb răng-bhărăng sè èboewǎdhă ghi' ta' dăteng kabbhi. Mangka mowa' (maḍăteng) răng-bhărăng dări paghoenongan ka palabbhoeăn, kangsè bărămpan, amarghapan abiddha boelănlan djhălăn sè èlè bădhi talèbăt djhoebǎ'na.
Sopadjă orèngnga băn paraona ta' ngangghoeră, apa polè ollèa nambelli karogiănna saabiddhă amboe ngantos răng-bhărăng èdjăḍijă, kapten Robinson mellè sèttong parao tjonėja neng è Hanoi, èpossa'è bhărăng dhăghăngan sè èkèra padjoe èdjhoewăl dă ' rèng - orèng Maladjoe neng - è lo -polo è kangan katjèrra djăḍijă. Gulliver èangkat dhǎddhi djhărăghănna , sarta èlèllanè adhǎghăng ngangghoej njamana kaptènna, neng ema' dimma'a naghără sè èsepperrè. Dhinèng kaptenna dhibi' anantè'a neng è Hanoi, malekkasa ḍătengnga bhărăng bắn maranta’a halehhal laènna . Mènangka tambhăng lesso , kaptèn asangghoep , ontongnga èbăgiă doewă băn Gulliver.
Parao tjonėja djărèja ella asaḍijă neng è palabbhoeăn Hanoi, djoel-andjoelăn ètjapo' ombă'. Sè bhakal èboewǎ'ă, akanta: nè' manè , ta-djita, rằng khărăng rarengghăn ana-bărna băn ettè, ghi ta' ongghǎ ka parao kebbhi. Saarè bhentèng taḍă ' amboena troes mattroes sè saj-ngossaj tè peṭṭè băn erbăl dări kapal ka parao, kasa'na tangkèrèan sè neng è palangnga tèjang ada' ngațèrèt sakalè. Dhinèng sè ngèrèk djărèja koli, sè ngator mattroes.
Ollé sabătara arè sè ngossaj răng- bhărăng, boewădhănna ella maso' kakabbhi. Saellana marè sè torngator boewădhăn, Gulliver ladjhoe angghǎ ka parao. Bhǎreng kennengnganna boewădhăn ella èèntep , abă'na ladjhoe aparènta araboet mangghår. Gulliver aonggoe' aberri' hormat, sarta apaamètan ka kaptèn Robinson sè bădă è pangghoengnga kapal De Hoop.
Kasa'na rantajja djhăngkar sè èraboet tjang karontjangan, ladjărră èondjhoek , manḍiră Inggris bher-ghlebbherrăn neng è tèjang boedi, angènna ngalesser nongngo' ladjăr. Paraona ella napa' katengnga tasè', sakabbhinna orèng èḍălem parao padă ngarep, dhoeliă abăli sarta ollèa ontong bănnja'. Paraona Gulliver sè aladjăr mantjer da' lao' , tello arè abiddhǎ ollè angèn njaman,
