Page:Mga Binalaybay V.3.pdf/70

62

----------
  Isblng, nga sa una kong’ mga inadlaw
mahigugmaon mo ako ginpalaylay
sang paghigugma, lakat, pahuway.
Nian kinahanglan ko’ng balaraw,
subang’ bulawan, batyayng’ dalayday.
----------
  Katarungan dapat ko asuyon,
magpanumdom kag magpakigsumpong;
kon kaisa man magnguloynguyon
kay ang gahigugma sing dalayon
sia magabatas man sing sugong.
----------
  Lumbos na’ng adlaw nga di ginsulak,
inadlaw sang gugmang’ may himaya,
nga lamang tuman na’ng mga bulak
maghatag kalipay sa kalag
sa iya kalisod kag mga kagha.
----------
  Amat-amat na’ng nagtalaliwan
sa akon luyo’ng ginpakamahal;
may napatay, may nagpakasal,
kay ginatakpan sang kapalaran
sing kalaot ang ginahugoran.
----------
  Palagyo ka man, isbing! Palagyol
Pangitaa’ng danay nga wa’y dagta;
kay ang pungsod ko matanyag sa imo
bilang purong sing talikala,
bilang simbahan sing isang’ kuta.
----------
  Kay kon malain kag di langitnon
ang magpigos sang kamatuoran,
indi bala nga sayop man nakon
sa luyo ko akon ta hawiran
sing kahilway akon ta latiran?
----------
  Kag ngaa mag-amba kon ang Palad
gatawag nga maligdong magtuon,
kay ang bagyo nagapanghalahad,
samtang sa mga anak gatawag
nga paos ang banwang’ pilipinhon?
----------