Page:Mga Binalaybay V.3.pdf/71

63

----------
  Kag ngaa mag-amba, kon ang laylay
maghuni nga daw sa talangison
nga sa iban indi man makalugpay?
Kon sang iban nga paghilibion
ang kalibutan di na makauyon?
----------
  Ano pa’ng pulos kon sa kadam-an
nga sa akon gatamay kag gahalit,
mamala’ng kalag, bibig nakum-an,
wala’y dughan nga nagapitik
subong man sang pitik sa akon dughan?
----------
  Pabay-i nga sa lungib, magtulog,
sang kalimot, tanang’ balatyagon.
Maayong’ dira sial Ang panikasog
sa mga pasantu di igbuylog
nga sa hangin man lamang tunawon.
----------
  Subong sang pagtulog sa lawod
sang mga gadya sa kaidadalman,
patuloga’ng akon kalisod,
akon mga luyag, mga ambahan,
nga ilubong sa kaugalingon ko man.
----------
  Nasayran kong’ imo mga bulig
masami nimo lamang gintanyag
sang mahimulakon nga tinuig
sa una nimong’ pagpangaluyag
nga wala’y gal-um kag wa’y kasakit.
----------
  Madamong’ tinuig ang naglidan
kutob nga sang halok nga mapaang
ang akon agtang imo gingaang...
Yadto nga halok nagtugnaw na nian
tubtob nga akon na ginkalimtan.
----------
  Apang, sugid, bago kang’ bumiya,
sugid nga sa tingog mong’ langitnon
sa dughan ko nagsabat gihapon
ang ambahanon sa nagahaya
kag sa gapigos isang’ panudya.
----------