Page:Mga Binalaybay V.3.pdf/72

64

  Apang niabalik ka, isbing nga balaan,
liwat sa paggaang sang akon painuino
kon bali’ng espada, laya na’ng pagtuo,
di mahimo’ng pungsod akon panginmatyan.. .
Sing lantoy nga itum imo ako hatagan
nga may mga tingog sa patay nga ambahan,
sa pagpatam-is sa pungsod mga kagha
kag sa pagpabahan sang talikala.
----------
  Kag kon kadalag-an sing purong dulotan
ang paghimud-os ta, kag bilog na’ng banwa
maggwa nga daw hara sa danayng’ gabaga,
maputi nga mutyang’ kinuha sa lunang,
hanti magabalik kag lakas inaambahan
sang bag-ong’ kabuhi lantoy nga balaan,
nga kita’y tilingob tanan magalaylay
bisan sa lulobngan kita gapahuway.
----------
1890
----------